Split, Kroazja

Veduta taċ-ċentru ta' Split mill-għoli

Split ( /ˈsplɪt/; pronunzja Kroata: [splît]) hija t-tieni l-akbar belt tal-Kroazja u l-ikbar belt tar-reġjun tad-Dalmazja, b’madwar 250,000 persuna jgħixu fiż-żona urbana tagħha. Tinsab fuq ix-xatt tal-Lvant tal-Baħar Adrijatiku u hija mifruxa fuq peniżola ċentrali u l-inħawi tagħha. Il-belt hija ċentru tat-trasport intrareġjonali u hija destinazzjoni turistika popolari. Il-belt hija marbuta mal-gżejjer Adrijatiċi u mal-peniżola Apennina.

Isem

Permezz ta' teorija popolari, il-belt kisbet isimha mill-pjanta xewkija Calicotome spinosa (ασπάλαθος bil-Grieg), li għaliha ġiet msemmija l-kolonja Griega ta' Aspálathos (Aσπάλαθος) jew Spálathos (Σπάλαθος). It-teorija hija dubjuża peress li hemm pjanta xewkija Spanjola (Spartium junceum, Brnistra jew žuka bil-Kroat) li hija pjanta iktar frekwenti fiż-żona. Madankollu, minħabba li huma pjanti simili, wieħed jista' jifhem kif inqalgħet il-konfużjoni.

Rikostruzzjoni tal-Palazz tal-Imperatur Ruman Djoklezjanu fid-dehra oriġinali tiegħu meta tlesta fit-305, ta' Ernest Hébrard