Opossum irqiq ta' Bishop

Opossum irqiq ta' Bishop
Klassifikazzjoni xjentifika
Renju:	Animalia;
Phylum:	Chordata;
Klassi:	Mammalia;
Sottoklassi:	Theria;
Infraklassi:	Metatheria;
Superordni:	Ameridelphia;
Ordni:	Didelphimorphia; (Gill, 1872)
Familja:	Didelphidae; (Gray, 1821)
Sottofamilja:	Didelphinae; (Gray, 1821)
Ġeneru:	Marmosops; (Matschie, 1916)
Speċi:	M. bishopi;
Isem binominali
	Marmosops bishopi; (Pine, 1981)
	Firxa tal-opossum irqiq ta' Bishop

L-Opossum irqiq ta' Bishop, magħruf xjentifikament bħala Marmosops bishopi, huwa mammiferu marsupjal tal-familja Didelphidae, fl-ordni Didelphimorphia u huwa wieħed mill-opossumi irqaq, nattiv tal-kontinent tal-Amerika t'Isfel. Marmosops parvidens bishopi huwa sinonimu jew l-istess bħal u jirreferi għal dan l-ispeċi.

Dan l-opossum irqiq arborju ġeneralment jippreferi jgħix f'abitat ta' foresti tax-xita kemm tal-artijiet baxxi kif ukoll tal-muntanji. Minħabba li huwa annimal omnivoru, id-dieta prinċipali tikkonsisti minn frott u insetti.

Distribuzzjoni

Marmosops bishopi instab l-ewwel darba madwar 264 kilometri fit-Tramuntana ta' Xavantina (12º51'S, 51º46'W), f'Serra do Roncador, fl-istat ta' Mato Grosso, il-Brażil. Dan l-opossum irqiq għandu distribuzjoni fil-kontinent tal-Amerika t'Isfel u huwa speċi mifruxa mal-foresti tal-muntanji fil-Bolivja u l-Brażil.

Klassifikazzjoni

Marmosops pinheiroi, Marmosops bishopi u Marmosops juninensis għal żmien twil kienu meqjusin bħala sottospeċi u b'hekk jirrapreżentaw l-istess speċi Marmosops parvidens, sakemm ġie skopert li M. pinheiroi u M. parvidens jgħixu simpatrikament (flimkien fl-istess lokalità) fil-Gujana Franċiża.

Ordni Didelphimorphia
- Superfamilja Didelphoidea
  - Familja Didelphidae
    - Sottofamilja Didelphinae
      - Ġeneru Marmosops
        Sottoġeneru Parvidens
        Opossum irqiq ta' Bishop, Marmosops bishopi

Referenzi

Wilson, D. E.; Reeder, D. M. Mammal Species of the World, 3rd edition, Johns Hopkins University Press, ISBN 0-8018-8221-4

Ħoloq esterni

Marmosops bishopi