Nektarivoru
Fiż-żooloġija, Nektarivoru (mil-Latin u l-Grieg: nektar - "nektari-" li tfisser xarba tal-Allat, u vorare - "-voru" li tfisser tibla u taħtaf l-ikel), ħafna drabi hija definita bħala kwalunkwe annimal li jiekol in-nektar (likwidu bl-livell għoli ta' zokkor) li jipproduċu l-pjanti tal-fjuri. Din hija dieta erbivora speċjalizzata u dawn l-annimali normalment huma selettivi ħafna u jieklu minn ftit speċi biss ta' pjanti tal-fjuri u jagħżlu bir-reqq fjuri li għandhom livelli għolja ta' nutrijenti.
Il-biċċa l-kbira tal-annimali nektarivori huma insetti u għasafar, għalkemm ma' dawn hemm bosta speċi ta' friefet il-lejl speċjalment fil-Lbiċ tal-Istati Uniti u l-Messiku, kif ukoll il-mammiferu marsupjal tal-Awstralja, il-Possum tal-għasel u l-wiżgħat tal-ġeneru Phesulma fil-gżejjer tal-Mawrizji fl-Oċean Indjan.
It-terminu nektarivoru jew nektarivoru huwa ħafna anqas esklussiv mit-termini l-oħrajn bis-suffiss -voru, għax ħafna annimali kkunsidrati nektarivori jista' jkun il-każ li jkunu parzjalment insettivori wkoll.
Ħafna speċi huma ħallelin tan-nektar, għax ma jgħinux lill-pjanta fl-impollinazjoni iżda jikkunsmaw xorta in-nektar li tipproduċi.
Eżempji ta' annimali nektarivori
[immodifika | immodifika s-sors]- Mammiferi: possum tal-għasel u ħafna speċi ta' friefet il-lejl
- Għasafar: wikkiela tal-għasel tal-familja Meliphagidae, għasafar tax-xemx tal-familja Nectariniidae, daquq tal-fjuri tal-familja Dicaeidae u l-kolibri tal-familja Trochilidae.
- Rettili: Wiżgħat tal-ġeneru Phesulma
- Insetti: ħafna speċi
Ara wkoll
[immodifika | immodifika s-sors]Referenzi
[immodifika | immodifika s-sors]- Nowak, Ronald M. and Paradiso, John L. (1983). Walker's Mammals of the World Vol. 1, 4th edition, The Johns Hopkins University Press, Baltimore and London.
- Smith, Andrew and Hume, Ian. (ed.) (1984). Possums and Gliders, Surrey Beatty and Sons PTY Limited, NSW Australia in association with the Australian Mammal Society.
- Skutch, Alexander F. & Singer, Arthur B. (1973): The Life of the Hummingbird. Crown Publishers, New York. ISBN 0-517-50572-X
Ħoloq esterni
[immodifika | immodifika s-sors]- Animal Diversity Web. Informazzjoni fuq il-Possum tal-għasel Tarsipes rostatus.
- Hummingbird Society's Photo Gallery
- Wikkiel tal-għasel, fuq Internet Bird Collection.