Michael Falzon
| Michael Falzon | |||||||||
|---|---|---|---|---|---|---|---|---|---|
 | |||||||||
15 Jannar 2020 -
22 April 2013 - 22 Ġunju 2014
District: 10 Distrett Election: Elezzjonijiet Ġenerali 2017
| |||||||||
| Ħajja | |||||||||
| Twelid | Tas-Sliema, 16 Novembru 1961 (62 sena) | ||||||||
| Nazzjonalità | Malta | ||||||||
| Edukazzjoni | |||||||||
| Alma mater | Università ta' Malta | ||||||||
| Okkupazzjoni | |||||||||
| Okkupazzjoni | politiku | ||||||||
 |
Dan l-artiklu għandu bżonn jiġi wikifikat biex jaqbel mal-istandard tal-Wikipedija. B'mod partikolari, dan l-artiklu huwa nieqes minn referenzi għal sorsi esterni li jivverifikaw il-fatti u perspettivi dwar is-suġġett. Jekk jogħġbok għin biex ittejjeb dan l-artiklu skont il-konvenzjonijiet tal-Wikipedija. |
Michael Falzon (16 ta' Novembru 1961, Tas-Sliema, Malta) huwa l-Ministru tal-Familja u Drittijiet tat-Tfal u Deputat Laburista fil-Parlament Malti. Kien Segretarju Parlamentari għall-Ippjanar u Simplifikazzjoni tad-Data, u qabel kien ukoll Deputat Mexxej għall-Affarijiet tal-Partit tal-Partit Laburista (PL).
Bin Mosè u Carmela mwielda Said. Fi tfulitu kien iqatta’ ħafna mill-ħin tiegħu jaqra fil-ħanut tal-merċa ta’ missieru.
Edukazzjoni
[immodifika | immodifika s-sors]L-ewwel snin tal-iskola għaddihom fil-Kulleġġ San Albert il-Kbir, f’Tas-Sliema u fil-Belt; filwaqt li wara kompla jistudja s-Sixth Form, il-Belt Valletta. Daħal jaħdem mal-Bank of Valletta fl-1979, bħala skrivan. Minn dejjem wera x-xewqa li jaqbad il-karriera ta’ avukat u fl-1985 beda jistudja l-liġi fl-Università ta’ Malta, minn fejn iggradwa bħala nutar fl-1989 u bħala avukat fl-1991.
Bħala impjegat tal-istess Bank kompla jistudja u kiseb ukoll iċ-ċertifikat ACIB – Associate of the Chartered Institute of Bankers. Baqa’ dejjem jaħdem mal-istess Bank u llum jokkupa l-kariga ta’ Executive Head fl-Uffiċċju Legali tal-istess Bank of Valletta.
- 1991: Avukat, Università ta' Malta
- Associate of Chartered Institute of Bankers (UK)
Politika
[immodifika | immodifika s-sors] |
Dan l-artiklu jew sezzjoni għandu bżonn jiġi aġġornat. Partijiet minn dan l-artiklu huma obsoleti jew jiddiskutu avvenimenti li issa huma fil-passat. Immodifika dan l-artiklu sabiex ittejbu. |
L-Avukat Michael Falzon, ilu jaħdem fil-Partit fuq bażi ċentrali sa mill-1992. Wara li kien ta sehmu fl-Elezzjoni Ġenerali ta’ Frar 1992, huwa waqqaf u mexxa b’mod professjonali l-Uffiċċju Elettorali tal-Partit Laburista għal ħdax-il sena sħaħ u fil-fatt, baqa’ jżomm il-kariga ta’ Election Manager sal-2003.
Kien ukoll Segretarju Internazzjonali tal-Partit Laburista mill-1998 sal-2003. Bħala Segretarju Internazzjonali huwa ta sehmu sabiex il-Partit Laburista kompla jsaħħaħ ir-rabtiet internazzjonali tiegħu.
Tul il-karriera politika tiegħu, Michael Falzon attenda għadd ta’ konferenzi u kellu laqgħat ma’ politiċi ewlenin barranin, barra minn Malta. Ewlenin fosthom, mal-eks Prim Ministru tar-Renju Unit Tony Blair, ma’ Massimo D’Alema, eks Prim Ministru tal-Italja, mal-President tal-Grupp tas-Soċjalisti Ewropej fil-Parlament Ewropew Martin Schulz, u oħrajn.
Dr Falzon ġie elett bħala Deputat Mexxej għall-Affarijiet tal-Partit Laburista, f’Mejju 2003, kariga li żamm sa Ġunju 2008.
Michael ikkontesta l-Elezzjoni Ġenerali għall-ewwel darba f’Marzu 2008 u tela' minn żewġ distretti.
Wara l-Elezzjoni tal-2013, huwa nħatar Segretarju Parlamentari għall-Ippjanar u Simplifikazzjoni tad-Data imma rriżenja minn din il-kariga f'Jannar 2016, għalkemm baqa' Deputat Parlamentari attiv fil-Partit Laburista. Fl-2017, inħatar Ministru tal-Familja u Drittijiet tat-Tfal.
Ħajja Personali
[immodifika | immodifika s-sors]Huwa miżżewweġ lil Anna u għandu żewġt itfal: Martina u Nathaniel. Iħobb ħafna l-qari u hu dilettant kbir tal-festi Maltin, filwaqt li għandu għal qalbu wkoll dak kollu li hu Malti.