Martin Schulz

Minn Wikipedija, l-enċiklopedija l-ħielsa
Jump to navigation Jump to search
Martin Schulz (2013)

Martin Schulz (Hehlrath, 20 ta' Diċembru 1955) huwa politiku Ġermaniż li serva bħala President tal-Parlament Ewropew bejn l-2012 u l-2017. Huwa mexxej tal-Alleanza Progressiva tas-Soċjalisti u Demokratiċi fil-Parlament Ewropew u kandidat għal President tal-Kummissjoni Ewropea fl-elezzjonijiet ta' Mejju 2014 f'isem il-Partit tas-Soċjalisti Ewropej(PES).

Schulz mar skola Kattolika fi Broich (illum Würselen). Ried isir plejer tal-futbol, imma ferita serja fi rkopptu qatlitlu din l-ambizzjoni ta' żgħożitu. Wara sar bejjiegħ tal-kotba u iktar tard fetaħ ħanut tal-kotba. Beda jkun attiv fil-politika mas-Soċjalisti, u ta' 31 sena kien elett Sindku ta' Würselen mill-1987 sal-1998. Fl-1994 kien elett fil-Parlament Ewropew. Fl-2004 sar mexxej tal-Alleanza Progressiva tas-Soċjalisti u Demokratiċi fil-Parlament Ewropew. Fl-2012 kien elett President tal-Parlament Ewropew.