Opossum ta' erba' għajnejn kannella

Minn Wikipedija, l-enċiklopedija l-ħielsa
(Rindirizzat minn Metachirus nudicaudatus)
Jump to navigation Jump to search
Opossum ta' erba' għajnejn kannella
DIDELPHYUS NUDICAUDATA Sir William Jardine.jpg
Opossum ta' erba' għajnejn kannella, Metachirus nudicaudatus
Klassifikazzjoni xjentifika
Renju: Animalia
Phylum: Chordata
Klassi: Mammalia
Sottoklassi: Theria
Infraklassi: Metatheria
Superordni: Ameridelphia
Ordni: Didelphimorphia
(Gill,1872)
Familja: Didelphidae
(Gray,1821)
Sottofamilja: Didelphinae
Ġeneru: Metachirus
(Burnett,1830)
Speċi: M. nudicaudatus
Isem binominali
Metachirus nudicaudatus
(Desmarest, 1817)
Sottospeċijiet
Firxa Metachirus nudicaudatus.PNG
Firxa ta' l-Opossum ta' erba' għajnejn kannella Metachirus nudicaudatus


L-Opossum ta' erba' għajnejn kannella, magħruf xjentifikament bħala Metachirus nudicaudatus, huwa l-uniku mammiferu marsupjal klassifikat fit-tribù Metachirini, tal-familja Didelphidae (didelfidu), fl-ordni Didelphimorphia (didelfimorfju), nativ tal-Amerika ċentrali u tal-kontinent tal-Amerika ta' isfel.

Dan l-opossum huwa kemm arborju jew siġri (adattat għal ħajja fis-siġar) kif ukoll terrestri (adattat għal ħajja fuq l-art), iżda l-biċċa l-kbira tal-ħin ikun mal-art u jippreferi jgħix f' abitat ta' foresti jew f' artijiet miftuħa b' ħafna ħaxix fejn ikun jista jagħmel il-bejta bil-weraq (Nowak, 1997), qalb iz-zkuk tal-arbuxelli u taħt il-ġebel fil-baxx (Hunsaker, 1977).

Deskrizzjoni[immodifika | immodifika s-sors]

Opossum ta' erba' għajnejn kannella adult ġeneralment ikollu l-pil ta' lewn kannella fil-griż, bil-ġnub u fuq id-dahr ta' lewn aktar skur u strixxa skura minn fuq l-imnieħer għal madwar l-għajnejn sa taħt il-widnejn tagħmel wiċċ dan il-marsupjal jidher kważi iswed. Metachirus nudicaudatus adult jikber madwar 26.5 ċentimetri, id-denb li jkun itwal mil-ġisem ikun bejn wieħed u ieħor 33 ċentimetru (Nowak, 1997; Redford and Eisenburg, 1992) u jilħaqq massimu ta' 800 gramma fil-piż, għalkemm in-nisa ta' din l-ispeċi jkunu 71% iħfef mill-irġiel (Hansen et al., 1999).

Dieta[immodifika | immodifika s-sors]

L-Opossum ta' erba' għajnejn kannella huwa annimal erbivoru speċjalizzat b' dieta fruġivora, dieta li tikkonsisti prinċipalment minn frott (għalkemm bajd, insetti u annimali vertebrati żgħar bħal rettili u amfibjani jintieklu meta tinqala' l-okkażjoni).

Distribuzzjoni[immodifika | immodifika s-sors]

Metachirus nudicaudatus għandu distribuzzjoni vasta ma' bosta pajjiżi u l-firxa tibda mill-Amerika ċentrali f' Kosta Rika, Nikaragwa u Panama għal kontinent tal-Amerika t'isfel fl-Arġentina, Bolivja, Brażil, Ekwador, Gujana, Gujana Franċiża, Kolombja, Paragwaj, Peru, Surinam u Venezwela.

Riproduzzjoni[immodifika | immodifika s-sors]

L-Opossum ta' erba' għajnejn kannella huma kapaċi jirriproduċu kemm il-darba fis-sena, biss fl-Amerika ċentrali huma rrapurtati li dan issir f' Novembru. Il-mara ta' din l-ispeċi ma għandhiex marsupju bħal ħafna speċijiet marsupjali oħrajn u minflok għandha 2 faldi ta' ġilda man-naħa ta' taħt taż-żaqq, fejn hemm il-"mammae" jew iż-żejżiet (in-nisa ta' dawn l-ispeċi ġew irrapurtati kemm b' 5, b' 7 u b' 9 "mammae"). Ferħ ta' madwar 51 millimetru kapaċi joqgħod wieqaf waħdu u joqgħod imqabad mal-pil fuq il-ġenbejn jew ma' dahr l-omm u xagħrejn wara jkun kompletament indipendenti (Nowak, 1997).

Klassifikazzjoni[immodifika | immodifika s-sors]

Referenzi[immodifika | immodifika s-sors]

  • John F. Eisenberg and Kent H. Redford, 2000. Mammals of Neotropics: Ecuador, Bolivia and Brazil.
  • Freitas, S., D. Moraes, R. Santori, R. Cerqueira. 1997. Habitat preference and food use by Metachirus nudicaudatus and Didelphis aurita in a restinga forest at Rio de Janeiro. Revista Brasileira de Biologia, 57(1): 93-98.
  • Gentile, R., R. Cerqueria. 1995. Movement patterns of five species of small mammals in a Brazilian restinga. Journal of Tropical Ecology, 11(4): 671-677.
  • Hansen, R., J. Vie, N. Vidal, J. Kervac. 1999. Body measurements on 40 species of mammals from French Guiana. The Zoological Society of London, 247: 419-428.
  • Hunsaker II, D. 1977. Biology of Marsupials. New York: Academic Press.
  • Nowak, R. 1997. Accessed Oct. 8, 2001 at "Walker's Mammals of the World" (On-line).
  • Rodford, K., J. Eisenburg. 1992. Mammals of the Neotropics. Chicago: University of Chicago Press.
  • Gardner, Alfred (November 16, 2005). Wilson, D. E., and Reeder, D. M. (eds) Mammal Species of the World, 3rd edition, Johns Hopkins University Press. ISBN 0-801-88221-4
  • The Paleobiology Database.

Ħoloq/Linkijiet Esterni[immodifika | immodifika s-sors]