Giuseppe Pace
| Giuseppe Pace | |||
|---|---|---|---|
 | |||
1 Novembru 1944 - 31 Marzu 1972 ← Mikiel Gonzi - Nikol Cauchi → Dioceses: djoċesi ta' Għawdex | |||
| Ħajja | |||
| Twelid | Rabat, 30 Mejju 1890 | ||
| Nazzjonalità | Malta | ||
| Mewt | Rabat, 1972 | ||
| Okkupazzjoni | |||
| Okkupazzjoni |
saċerdot Kattoliku Isqof Kattoliku | ||
Giuseppe Pace (magħruf ukoll bħala Josepho jew Joseph Pace) kien Isqof ta' Għawdex. Huwa okkupa f'din il-kariga wara li Mikiel Gonzi sar Arċisqof ta' Malta, sal-1972 meta miet.
Storja
[immodifika | immodifika s-sors]Giuseppe Pace twieled ir-Rabat, Għawdex, fit-30 ta’ Mejju, 1890, iben Giovanni Battista Pace u Cecilia Pace, neputija tal-arċisqof ta’ Malta Pietro Pace. Huwa tgħammed fil-Bażilika ta’ San Ġorġ fir-Rabat fl-1 ta’ Ġunju 1890 u ngħata l-ismijiet Giuseppe, Antonio, u Giovanni.
Studja fis-Seminarju ta’ Għawdex, dak iż-żmien immexxi mill-Ġiżwiti Taljani. Ta’ 16-il sena daħal l-Università Rjali ta’ Malta. Wara li studja l-Filosofija għal sena f'Malta, mar Ruma biex ikompli u japprofodizzi fl-istudji tiegħu, fejn iggradwa fil-Filosofija u t-Teoloġija.
Ġie ordnat saċerdot jew fl-20 ta’ Diċembru inkella fit-3 ta’ Awwissu 1913.[bżonn referenza] Fl-1916, ġie nnominat bħala kanonku tal-Kapitlu tal-Katidral ta’ Għawdex. Fl-1919, kompla l-istudji tiegħu f’Ruma, fejn ggradwa b'dottorat fil-Liġi Kanonika.
Fl-1924, Michael Gonzi inħatar isqof ta’ Għawdex, u Pace ġie magħżul bħala segretarju tiegħu. Fost karigi oħra, serva bħala rettur tas-Seminarju ta’ Għawdex u lettur tat-Teoloġija Dommatika, l-Iskrittura Mqaddsa u l-Istorja tal-Knisja fi ħdan l-istess seminarju. Inħatar ukoll bħala Arċidjaknu ta’ Għawdex, Prelat Domestiku, u Vigarju Ġenerali ta’ Għawdex.
Episkopat
[immodifika | immodifika s-sors]
F'Novembru tal-1944, il-Papa ħatru bħala Isqof ta’ Għawdex. Il-konsagrazzjoni tiegħu saret fil-Katidral t’Għawdex fis-17 ta’ Diċembru 1944, mill-predeċessur tiegħu, Mikiel Gonzi, li kien laħaq sar Arċisqof ta’ Malta. Pace ġie installat uffiċjalment bħala Isqof fit-8 ta’ April, 1945.[1]
Mewt
[immodifika | immodifika s-sors]L-isqof Pace miet fir-Rabat, Għawdex, meta li kien għadu fil-kariga, fil-31 ta’ Marzu 1972. Kien ilu saċerdot għal aktar minn 58 sena, u isqof għal aktar minn 27 sena.[2]
Referenzi
[immodifika | immodifika s-sors]- ^ "Diocese of Gozo, Malta 🇲🇹". GCatholic. Miġbur 2024-12-04.
- ^ "Bishop Joseph Pace [Catholic-Hierarchy]". www.catholic-hierarchy.org. Miġbur 2024-12-04.