Sami Khedira
 |
|||
| Informazzjoni personali | |||
|---|---|---|---|
| Isem sħiħ | Sami Khedira | ||
| Twelid | 4 ta' April 1987 Stuttgart |
||
| Pajjiż |  Ġermanja |
||
| Tul | 1.89 m | ||
| Rwol | Midfilder | ||
| Informazzjoni fuq il-klabb | |||
| Klabb kurrenti | Real Madrid | ||
| Numru | 24 | ||
| Klabbs ġovanili | |||
| –1995 | TV Oeffingen | ||
| 1995–2004 | VfB Stuttgart | ||
| Klabbs professjonali* | |||
| Snin | Klabb | Preż | Gwls |
| 2004–2006 | VfB Stuttgart II | 21 | (1) |
| 2006–2010 | VfB Stuttgart | 98 | (14) |
| 2010– | Real Madrid | 19 | (0) |
| Tim nazzjonali | |||
| 2007–2009 | Ġermanja U-21 | 15 | (5) |
| 2009– | Ġermanja | 17 | (1) |
| * Il-preżenzi u l-gowls fil-karriera professjonali huma validi biss għall-kampjonat domestiku. Aġġornament: 15:35, 5 Frar 2011 (UTC) |
|||
Sami Khedira (Stuttgart, 4 ta' April 1987) hu plejer tal-futbol Ġermaniż li jilgħab ma' Real Madrid u mat-tim nazzjonali Ġermaniż. Hu hu midfilder ċentrali dinamiku li kapaċi jilgħab ukoll bħala midfilder difensiv, waqt li kapaċi jingħaqad mat-tim waqt l-attakki permezz tax-xuttijiet tajbin li għandu.
Werrej |
[editja] Bijografija
Sami Khedira għandu missier Tuneżin u ommu Ġermaniża. Ħuh iż-żgħir, Rani, huwa wkoll futbolers fejn jilgħab mas-sezzjoni ġovanili ta' Stuttgart u lagħab ukoll mat-tim nazzjonali Ġermaniż ta' taħt is-sittax-il sena.
[editja] Karriera
[editja] Klabb
Khedira beda jilgħab mal-klabb TV Öffingen, liema klabb kien ikkowċjat minn missieru Lazhar.[1] Fl-1995, Stuttgart tefgħu għajnejh fuqu, fejn wara li akkwistawh Khedira beda jilgħab mad-diversi livelli tal-iskwadri ġovanili tal-klabb, u rebaħ it-titli Ġermaniżi tal-klassi A-Jugend u B-Jugend.
Iddebutta mat-tieni skwadra, li tilgħab fir-Regionalliga, fl-istaġun 2004–05. L-istaġun 2005–06 kien imtappan bi problemi fiżiċi li laqqtugħ fl-irkoppa, sabiex lagħab 21 logħba fi tliet staġuni. Kien fil-bidu tal-istaġun 2006–07 li l-kowċ Armin Veh daħħlu fil-lista tal-ewwel tim fil-Bundesliga, fejn iddebutta bħala sostitut nhar l-1 ta' Ottubru 2006, fis-sitt logħba mill-kampjonat kontra Hertha Berlin.[2]
Fid-29 ta' Ottubru 2006, fid-disa' ġurnata mill-kampjonat kontra Schalke 04, Khedira skorja l-ewwel gowls tiegħu fl-ogħla diviżjoni Ġermaniża; fil-fatt, il-plejer ta' oriġini Tuneżina skorja doppjetta.[3] Mill-ewwel staġun tiegħu hu beda jiġi skjerat mal-ewwel ħdax fuq bażi regulari u permezz ta' gowl bir-ras fl-aħħar ġurnata tal-kampjonat kontra Energie Cottbus, Stuttgart assiguraw ir-rebħ tal-kampjonat. F'dik is-sena wkoll, il-klabb wasal sal-finali tat-tazza nazzjonali.
Hu ffirma l-ewwel kuntratt professjonali mal-klabb fid-29 ta' Ġunju 2007, fejn fid-9 ta' Lulju tas-sena ta' wara estendieh sal-2011.[4]
Fit-30 ta' Lulju 2010, Stuttgart u Real Madrid, permezz tas-sit uffiċjali rispettivi, ħabbru l-passaġġ ta' Khedira għal mal-klabb Spanjol.[5][6] Il-plejer iffirma kuntratt ta' ħames snin mal-klabb tal-merengues. Id-debutt fil-kampjonat Spanjol wasal f'pari ta' mingħajr gowls kontra Mallorca.
[editja] Internazzjonali
Fl-2009, bħala kaptan tat-tim nazzjonali Ġermaniż ta' taħt il-21 sena, rebaħ il-Kampjonat Ewropew ta' dak il-livell.
Khedira iddebutta mat-tim tal-kbar fil-5 ta' Settembru 2009, f'logħba ta' ħbiberija kontra l-Afrika t'Isfel. Għat-Tazza tad-Dinja 2010 ġewwa l-Afrika t'Isfel hu lagħab il-logħbiet kollha, dejjem mill-ewwel minuta, u skorja l-gowl rebbieħ (l-ewwel wieħed bil-flokk tat-tim nazzjonali) fir-rebħa deċiża ta' 3–2 għat-tielet post kontra l-Urugwaj.[7]
[editja] Unuri
[editja] Klabb
Stuttgart
- Bundesliga: 2006–07
[editja] Nazzjonal
- Kampjonati Ewropej U-21: 2009
[editja] Referenzi
- ^ (Ġermaniż) Gunnar Wiehl. "Khedira, der neue Ballack: Hier wurde Sami groß", Hamburger Morgenpost, 21-05-2010. Konsultazzjoni tal-URL: 07-07-2010.
- ^ (Ġermaniż) Spielbericht Hertha BSC Berlin - VfB Stuttgart 2:2 (2:1). fussballdaten.de
- ^ (Ġermaniż) Spielbericht VfB Stuttgart - FC Schalke 04 3:0 (1:0). fussballdaten.de
- ^ (Ġermaniż) Khedira signs until 2011. VfB Stuttgart, 09-07-2008. Aċċess tal-URL: 09-07-2008.
- ^ (Ingliż) Terms agreed with Real Madrid. VfB Stuttgart. Aċċess tal-URL: 30-07-2010.
- ^ (Spanjol) Comunicado Oficial: Sami Khedira, nuevo jugador del Real Madrid. Real Madrid C.F. Aċċess tal-URL: 30-07-2010.
- ^ (Ingliż) Khedira completes comeback. ESPN Soccernet, 10-07-2010. Aċċess tal-URL: 14-07-2010.
[editja] Ħoloq esterni
- (Ġermaniż) Statistika fuq Fussballdaten
|
|||||
