Theofanis Gekas

Minn Wikipedija, l-enċiklopedija l-ħielsa
Jump to navigation Jump to search
Theofanis Gekas
Gekas.jpg
Informazzjoni personali
Isem sħiħTheofanis Gekas (Θεοφάνης Γκέκας)
Twelid23 ta' Mejju 1980 (1980-05-23) (41 sena)
Larissa, Greċja
Tul1.79 m
RwolAttakkant
Informazzjoni fuq il-klabb
Klabb attwaliAkhisar Belediyespor
Numru17
Mixtliet
1997–1998Toxotis
1998Larissa
Karriera professjonali
SninKlabb
1998–2001Larissa
2001–2005Kallithea
2005–2007Panathinaikos
2006–2007Bochum (self)
2007–2010Bayer Leverkusen
2009Portsmouth (self)
2010Hertha BSC (self)
2010–2012Eintracht Frankfurt
2012Samsunspor
2012–2013Levante
2013–Akhisar Belediyespor
Tim nazzjonali
2005–Greċja

Theofanis Gekas (bil-Grieg: Θεοφάνης Γκέκας; Larissa, 23 ta' Mejju 1980) huwa futboler Grieg li jilgħab bħala attakkant mal-klabb Tork ta' Akhisar Belediyespor.

Karriera[immodifika | immodifika s-sors]

Klabb[immodifika | immodifika s-sors]

Beda l-karriera tiegħu mal-Panathinaikos fejn f'41 logħba skorja 23 gowl. Mir-rebbiegħa tal-2006, it-tim Ġermaniż ta' Bochum beda juri interess fil-plejer, imma l-prezz tal-plejer għalihom kien wisq għoli u għażlu li jieħduh b'self għal sena għal somma ta' 300,000 ewro bl-għażla li jixtruh b'mod definittiv fl-aħħar tas-sena għal 700,000 ewro. Ma' Bochum skorja 20 gowl fl-istaġun 2006–07, l-aqwa skorer fil-Bundesliga.

F'April tal-2007 ġie akwistat minn Bayer Leverkusen għal 4 miljun ewro. Il-bidu tal-istaġun 2007–08 kien wieħed tajjeb, imma bil-mod il-mod spiċċa fil-marġini tat-tim immexxi mill-kowċ Michael Skibbe, li bdieh ħafna drabi mill-bank. Il-perjodu barra ta' Dmitri Bulykin, sarraf f'aktar spazju mal-ewwel ħdax għal Gekas u wasal biex skorja numru ta' gowls importanti fosthom dak li ta post lil Bayer Leverkusen fil-kwarti tal-finali tat-Tazza UEFA.

Nhar it-2 ta' Frar, 2009, ġie imsellef lit-tim ta' Tony Adams, Portsmouth, li ftit wara ġie mkeċċi minn xogħlu u postu ħadu Paul Hart. Ftit li xejn kien involut fil-logħob, fejn kellu jistenna xahrejn sabiex jilgħab l-ewwel partita tiegħu mal-klabb Ingliż.

Wara li skada l-perjodu tiegħu ma' Portsmouth, ir-ritorn lura lejn Bayern għall-istaġun 2009–10 ftit li xejn kien sodisfaċenti fejn niżel biss fil-grawnd sitt darbiet mingħajr ma jsib ix-xibka. Kien għal dawn ir-raġunijiet li fis-17 ta' Diċembru, 2009, ingħaqad b'self ma' Hertha Berlin sa tmiem l-istaġun.

F'Mejju tal-2010 iffirma kuntratt ta' sentejn mal-Eintracht Frankfurt.

Internazzjonali[immodifika | immodifika s-sors]

Theofanis Gekas iddebutta mat-tim nazzjonali Grieg fl-2005 meta ġie magħżul mill-kowċ Otto Rehhagel, u pparteċipa fit-Tazza tal-Konfederazzjonijiet 2005 u fil-fażi ta' kwalifikazzjoni għall-Kampjonati Ewropej 2008, fejn skorja 5 gowls. Gekas sar figura regolari fi ħdan it-tim nazzjonali Grieg, fejn spiċċa bħala l-aqwa skorer taż-Żona Ewropea fil-fażi ta' kwalifikazzjoni għat-Tazza tad-Dinja 2010, b'10 gowls.

Ħoloq esterni[immodifika | immodifika s-sors]