Roberta Metsola Tedesco Triccas

Minn Wikipedija, l-enċiklopedija l-ħielsa
Jump to navigation Jump to search
Roberta Metsola Tedesco Triccas
Membru tal-Parlament Ewropew

2 Lulju 2019 -
District: Malta
Election: 2019 European Parliament election (en) Translate
Membru tal-Parlament Ewropew

1 Lulju 2014 -
District: Malta
Election: Elezzjonijiet tal-Parlament Ewropew tal-2014
Membru tal-Parlament Ewropew

25 April 2013 - 30 Ġunju 2014
District: Malta
Ħajja
Twelid Tal-Pietà, 18 Jannar 1979 (42 snin)
Nazzjonalità Malta
L-ewwel lingwa Malti
Edukazzjoni
Alma mater Università ta' Malta
Lingwi Malti
Okkupazzjoni
Okkupazzjoni politiku
ġurist
avukat
Post tax-xogħol Strażburgu
Brussell

Roberta Metsola Tedesco Triccas (Pietà, 18 ta' Jannar 1979), sikwit magħrufa biss bħala Roberta Metsola, hija avukata u Membru tal-Parlament Ewropew f'isem Malta.

Edukazzjoni[immodifika | immodifika s-sors]

Metsola Tedesco Triccas iggradwat mill-Università ta' Malta fejn speċjalizzat fil-liġi u l-politika Ewropea. Fis-snin bħala studenta kienet tagħmel partiti tal-Kunsill Nazzjonali taż-Żgħażagħ (KNŻ), l-iStudenti Demokristjani Maltin (SDM) u l-Moviment Żgħażagħ Partit Nazzjonalista (MŻPN), u aktar tard ġiet eletta bħala Segretarju Ġenerali tal-iStudenti Demokratiċi Ewropej (SDE).[1] Hi serviet bħala Attaché tal-Liġi u Kooperazzjoni Ġudizzjarja fir-Rappreżentanza Permanenti ta' Malta għall-Unjoni Ewropea, u bħala konsulent legali għar-Rappreżentanza Għolja tal-Unjoni Ewropea għall-Affarijiet Barranin u l-Politika ta' Sigurtà.[2]

Politika[immodifika | immodifika s-sors]

Hi immiltat għal numru ta' snin fil-Partit Nazzjonalista u kopriet ir-rwol fis-segretarjat internazzjonali tal-Partit. Kienet ukoll attiva fil-kampanja għal vot "IVA" fir-referendum għas-sħubija ta' Malta fl-Unjoni Ewropea fl-2003 u bħala voluntiera fl-uffiċċju ELCOM.[1] Hi kkontestat bħala kandidata għall-ewwel elezzjoni għall-ħatra tal-Membri Parlamentari Ewropej f'isem Malta. Tedesco Triccas ma ġietx eletta wara li mal-ewwel għadd ġabet 5,204 voti (2.1% tal-voti kollha) u fil-ħdax-il għadd ġiet eliminata b'9,339 vot.[3] Għall-elezzjoni suċċessiva tas-6 ta' Ġunju 2009 hi kisbet 5,880 vot mal-ewwel għadd. Mas-26 għadd hi ġiet eliminata b'20,859 vot.[4]

Nhar l-24 ta' April 2013, wara li kkontestat l-elezzjonijiet każwali għall-post vakanti li ħalla Simon Busuttil,[5] hi ġiet eletta sabiex saret waħda mit-tliet nisa li saru Membri tal-Parlament Ewropew.[6] Hi kienet it-tieni waħda li ġiet eletta meta laħqet il-kwota ta' 20,661 vot. Hi daħlet bħala membru tal-Kumitat għal-Libertajiet Ċivili, il-Ġustizzja u l-Intern, il-Kumitat speċjali dwar il-kriminalità organizzata, il-korruzzjoni u l-ħasil tal-flus, il-Kumitat għall-Petizzjonijiet, u bħala membru sostitut tal-Kumitat għas-Suq Intern u l-Ħarsien tal-Konsumatur.[7]

Ħajja privata[immodifika | immodifika s-sors]

Hi miżżewwġa lil Ukko Metsola, Finlandiż li wkoll jaħdem fil-kamp Ewropew,[1] u għandha tlett itfal li jgħixu flimkien Brussell.[6]

Referenzi[immodifika | immodifika s-sors]

  1. ^ a b c Times of Malta (ed.). "European Parliament candidate - Roberta Metsola Tedesco Triccas" (bl-Ingliż). Ċitazzjoni għandu parametrs mhux magħruf u vojt: |aċċess=, |dataarkivju=, u |urlarkivju= (għajnuna)
  2. ^ RobertaMetsola.eu (ed.). "Who is Roberta?" (bl-Ingliż). Ċitazzjoni għandu parametr mhux magħruf u vojt: |aċċess= (għajnuna)
  3. ^ Malta Elections (ed.). "European Parliament Elections 12 June 2004" (bl-Ingliż). Ċitazzjoni għandu parametr mhux magħruf u vojt: |aċċess= (għajnuna)
  4. ^ Malta Elections (ed.). "European Parliament Elections 6 June 2009" (bl-Ingliż). Ċitazzjoni għandu parametr mhux magħruf u vojt: |aċċess= (għajnuna)
  5. ^ Times of Malta (ed.). "Full list of candidates for MEP elections" (bl-Ingliż). Ċitazzjoni għandu parametr mhux magħruf u vojt: |aċċess= (għajnuna)
  6. ^ a b Matthew Xuereb. Times of Malta (ed.). "Three women elected MEPs" (bl-Ingliż). Ċitazzjoni għandu parametr mhux magħruf u vojt: |aċċess= (għajnuna)
  7. ^ TVM (ed.). "Metsola Tedesco Triccas to sit on four EP Committees" (bl-Ingliż). Ċitazzjoni għandu parametr mhux magħruf u vojt: |aċċess= (għajnuna)

Ħoloq esterni[immodifika | immodifika s-sors]