Roberta Metsola Tedesco Triccas
Roberta Metsola Tedesco Triccas magħrufa bħala Roberta Metsola (twieldet fit-18 ta' Jannar 1979), hija avukata u l-president tal-Parlament Ewropew elett fit-18 ta' Jannar 2022[1][2]. Metsola ġiet eletta għall-ewwel darba bħala membru tal-Parlament Ewropew (MEP) fl-2013, li tirrappreżenta lil Malta. Hija ġiet eletta bħala l-ewwel viċi president tal-Parlament Ewropew f'Novembru 2020. Mal-mewt tal-President David Sassoli fil-11 ta’ Jannar 2022, Metsola saret l-aġent president tal-Parlament Ewropew sakemm tiġi eletta s-suċċessur ta’ Sassoli.
Edukazzjoni
[immodifika | immodifika s-sors]Metsola iggradwat mill-Università ta' Malta fejn speċjalizzat fil-liġi u l-politika Ewropea. Fis-snin bħala studenta kienet tagħmel partiti tal-Kunsill Nazzjonali taż-Żgħażagħ (KNŻ), l-iStudenti Demokristjani Maltin (SDM) u l-Moviment Żgħażagħ Partit Nazzjonalista (MŻPN), u aktar tard ġiet eletta bħala Segretarju Ġenerali tal-iStudenti Demokratiċi Ewropej (SDE).[3] Hi serviet bħala Attaché tal-Liġi u Kooperazzjoni Ġudizzjarja fir-Rappreżentanza Permanenti ta' Malta għall-Unjoni Ewropea, u bħala konsulent legali għar-Rappreżentanza Għolja tal-Unjoni Ewropea għall-Affarijiet Barranin u l-Politika ta' Sigurtà.[4]
Politika
[immodifika | immodifika s-sors]Hi immiltat għal numru ta' snin fil-Partit Nazzjonalista u kopriet ir-rwol fis-segretarjat internazzjonali tal-Partit. Kienet ukoll attiva fil-kampanja għal vot "IVA" fir-referendum għas-sħubija ta' Malta fl-Unjoni Ewropea fl-2003 u bħala voluntiera fl-uffiċċju ELCOM.[3] Hi kkontestat bħala kandidata għall-ewwel elezzjoni għall-ħatra tal-Membri Parlamentari Ewropej f'isem Malta. Tedesco Triccas ma ġietx eletta wara li mal-ewwel għadd ġabet 5,204 voti (2.1% tal-voti kollha) u fil-ħdax-il għadd ġiet eliminata b'9,339 vot.[5] Għall-elezzjoni suċċessiva tas-6 ta' Ġunju 2009 hi kisbet 5,880 vot mal-ewwel għadd. Mas-26 għadd hi ġiet eliminata b'20,859 vot.[6]
Nhar l-24 ta' April 2013, wara li kkontestat l-elezzjonijiet każwali għall-post vakanti li ħalla Simon Busuttil,[7] hi ġiet eletta sabiex saret waħda mit-tliet nisa li saru Membri tal-Parlament Ewropew.[8] Hi kienet it-tieni waħda li ġiet eletta meta laħqet il-kwota ta' 20,661 vot. Hi daħlet bħala membru tal-Kumitat għal-Libertajiet Ċivili, il-Ġustizzja u l-Intern, il-Kumitat speċjali dwar il-kriminalità organizzata, il-korruzzjoni u l-ħasil tal-flus, il-Kumitat għall-Petizzjonijiet, u bħala membru sostitut tal-Kumitat għas-Suq Intern u l-Ħarsien tal-Konsumatur.[9]
Fit-12 ta' Novembru 2020, Metsola ġiet eletta bħala l-Ewwel Viċi President tal-Parlament Ewropew minflok Mairead McGuinness li saret Kummissarju Ewropew. Hija l-ewwel Membru Parlamentari Ewropew li saret Viċi President tal-Parlament Ewropew.[10]
Pożizzjonijiet politiċi
[immodifika | immodifika s-sors]Fil-kapaċità tagħha bħala membru tal-LIBE, Metsola mexxiet il-ħidma tal-PPE dwar il-"pjan direzzjonali tal-UE kontra l-omofobija u d-diskriminazzjoni fuq bażi ta' orjentazzjoni sesswali u identità tal-ġeneru" mhux vinkolanti fl-2014. [11] Hija koawtur ta' rapport mhux vinkolanti dwar il-kriżi tal-migranti Ewropej fl-2016, immirat li jistabbilixxi "approċċ leġiżlattiv vinkolanti u obbligatorju" dwar ir-risistemazzjoni u ftehimiet ġodda ta' "riammissjoni" fl-UE kollha li għandhom jieħdu preċedenza fuq dawk bilaterali bejn l-UE u dawk mhux Pajjiżi tal-UE. [12]
Ħajja privata
[immodifika | immodifika s-sors]Roberta u żewġha Finlandiż Ukko Metsola ( Partit ta’ Koalizzjoni Nazzjonali ) it-tnejn ħarġu għall-elezzjoni tal-Parlament Ewropew tal-2009, u saru l-ewwel koppja miżżewġa li ħarġu għall-istess elezzjoni tal-Parlament Ewropew minn żewġ stati membri differenti. [13] Huma ltaqgħu għall-ewwel darba fl-1999 u żżewġu f'Ottubru 2005. [14] Flimkien, għandhom erba’ ulied. [15]
Referenzi
[immodifika | immodifika s-sors]- ↑ "Roberta Metsola elected new president of European Parliament". euronews (bl-Ingliż). 2022-01-18. Miġbur 2022-01-18.
- ↑ "Malta's Roberta Metsola elected EU Parliament's third woman president". France 24 (bl-Ingliż). 2022-01-18. Miġbur 2022-01-18.
- 1 2 "European Parliament candidate - Roberta Metsola Tedesco Triccas" (bl-Ingliż). Times of Malta. Arkivjat minn l-oriġinal fl-2009-05-01.
- ↑ "Who is Roberta?". RobertaMetsola.eu (bl-Ingliż). Arkivjat minn l-oriġinal fl-2013-06-29. Miġbur 2013-06-03.
- ↑ "European Parliament Elections 12 June 2004" (bl-Ingliż). Malta Elections.
- ↑ "European Parliament Elections 6 June 2009" (bl-Ingliż). Malta Elections.
- ↑ "Full list of candidates for MEP elections" (bl-Ingliż). Times of Malta. 2013-04-22.
- ↑ Xuereb, Matthew (2013-04-25). "Three women elected MEPs" (bl-Ingliż). Times of Malta.
- ↑ "Metsola Tedesco Triccas to sit on four EP Committees" (bl-Ingliż). TVM.
- ↑ "Roberta Metsola elected as First Vice-President of the European Parliament | News | European Parliament". www.europarl.europa.eu (bl-Ingliż). 2020-12-11. Miġbur 2021-10-24.
- ↑ Dave Keating (February 4, 2014), "'Manif pour tous' fails to defeat EU gay rights report" European Voice.
- ↑ Maïa de La Baume (March 16, 2016), European Parliament ‘fixes’ the refugee crisis Politico Europe.
- ↑ "EUROVAALIT 2009 | Ukko Metsola poltti tappion sikarin". Helsingin Sanomat (bil-Finlandiż). 2009-06-08. Miġbur 2022-01-18.
- ↑ "Two seats, two kids and one marriage". Times of Malta (bl-Ingliż). Miġbur 2022-01-18.
- ↑ "MEP Roberta Metsola Welcomes Fourth Son". www.ourwedding.mt (bl-Ingliż). Miġbur 2022-01-18.
Ħoloq esterni
[immodifika | immodifika s-sors]- (EN) Sit uffiċjali
- Roberta Metsola Tedesco Triccas fuq Twitter
- Profil fuq is-sit uffiċjali tal-Parlament Ewropew
