Owen Bonnici

Owen Bonnici
Minister for the National Heritage, the Arts and Local Government (en)
Ministru tax-Xogħol u l-Edukazzjoni
15. Ministru għall-Ġustizzja u l-Governanza
Minister for Equality, Research and Innovation (en)
membru tat-13-il Kamra tar-Rappreżentanti ta’ Malta
Ħajja
Twelid	Żejtun, 24 Mejju 1980 (44 sena)
Nazzjonalità	Malta
Okkupazzjoni
Okkupazzjoni	politiku
	Parteċipant World Economic Forum Annual Meeting 2023 (en) ;

Owen Bonnici huwa avukat, politiku, u membru tal-Parlament Malti.

Studju

Huwa ggradwa B.A. fl-Istudji Legali u Ewropej (2001) u b'Dottorat fil-Liġi (2004) mill-Universita' ta' Malta. Kiseb ukoll diploma fil-Ġurisprudenza Kanonika (2005) mit-Tribunal Ekkleżjastiku Metropolitan.

Huwa Teaching Associate fi ħdan il-Fakulta' tal-Liġi tal-Universita' ta' Malta.

Politika

Serva fuq il-Kunsill Lokali ta' Marsaskala f'isem il-Partit Laburista għal ħames snin, l-ewwel bħala Kunsillier u mbagħad bħala Viċi-Sindku.

Serva wkoll bħala membru fuq l-Eżekuttiv Nazzjonali tal-Partit. Ipparteċipa f'diversi konferenzi u seminars fuq livell Ewropew, partikolarment fuq il-kwistjonijiet tal-Kultura u l-Ambjent.

Kien elett, fl-eta' ta' 23 sena, mill-Konferenza Ġenerali tal-Partit Laburista, sabiex jikkontesta l-ewwel elezzjonijiet għall-Parlament Ewropew, hekk kif Malta daħlet fl-Unjoni Ewropea, imma ma kienx elett.

Kien elett fil-Parlament għall-ewwel darba fl-2008 mit-tielet distrett elettorali. Wara li serva bħala Kelliem tal-Oppożizzjoni għaż-Żgħażagħ u l-Kultura u mbagħad għall-Edukazzjoni Ogħla, Universita' u Riċerka, huwa kien elett fl-Elezzjonijiet Ġenerali tal- 2013. Il-Prim Ministru Joseph Muscat appuntah Segretarju Parlamentari responsabbli mill-Ġustizzja, sakemm sena wara, ħatru Ministru. Huwa reġa' ġie kkonfermat f'din il-kariga fl-2017.

Ħajja Personali

Huwa għandu interess fil-letteratura, fl-arti, fil-mużika u l-isport. Kiteb materjal letterarju bil-lingwa Maltija u huwa kontributur regolari f'diversi ġurnali.

Huwa għandu tifla.