Opossum nanu mistur ta' Rio Grande do Sul

Minn Wikipedija, l-enċiklopedija l-ħielsa
Opossum nanu mistur ta' Rio Grande do Sul
Klassifikazzjoni xjentifika
Renju: Animalia
Phylum: Chordata
Klassi: Mammalia
Sottoklassi: Theria
Infraklassi: Metatheria
Superordni: Ameridelphia
Ordni: Didelphimorphia
Gill, 1872
Familja: Didelphidae
Gray,1821
Sottofamilja: Didelphinae
Gray, 1821
Ġeneru: Cryptonanus
Voss et al., 2005
Speċi: C. guahybae
Isem binominali
Cryptonanus guahybae
Tate, 1931
Firxa tal-Cryptonanus guahybae

L-Opossum nanu mistur ta' Rio Grande do Sul jew Opossum grazzjuż ta' Rio Grande do Sul, magħruf xjentifikament bħala Cryptonanus guahybae, huwa mammiferu marsupjal, tat-tribù Thylamyini, fil-familja Didelphidae (didelfidu), fl-ordni Didelphimorphia (didelfimorfju) u huwa wieħed mill-opossumi nani mistura, nattiv tal-kontinent tal-Amerika t'Isfel.

Dan l-opossum nanu mistur huwa marsupjal b'abitudni notturna (attiv bil-lejl) b'attività minima matul il-ġurnata. Cryptonanus guahybae jgħix f'abitat varjat minn foresti subtropikali u tropikali umdi għal foresti b'siġar li jwaqgħu l-weraq u artijiet tal-ħaxix. Dan huwa mammiferu primarjament arborju (jgħix fis-siġar), għalkemm jinżel mal-art biex jiekol xi frott u jikaċċja.

Dan il-marsupjal għandu l-biċċa l-kbira tal-pil fil-ħamrani, b'taħt żaqqu b'pil ifjen fil-griż. Il-mara jkollha 15-il "mammae" (żejża), li jkunu ppożizzjonati 7, 1 u 7.

Dieta[immodifika | immodifika s-sors]

L-Opossum nanu mistur ta' Rio Grande do Sul huwa marsupjal b'dieta omnivora, u tikkonsisti minn frott, insetti u annimali vertebrati u invertebrati żagħar oħra.

Distribuzjoni[immodifika | immodifika s-sors]

Cryptonanus guahybae huwa speċi b'distribuzzjoni żgħira ħafna (it-tieni l-iżgħar fost l-ispeċi fil-ġeneru Cryptonanus) fil-kontinent tal-Amerika t'Isfel, fin-Nofsinhar tal-Brażil, fl-istat ta' Rio Grande do Sul u b'hekk endemiku ta' dan l-istat u tal-Brażil.

Klassifikazjoni[immodifika | immodifika s-sors]

Sinonimi[immodifika | immodifika s-sors]

"Marmosa microtarsus guahybae", "Gracilinanus microtarsus guahybae" u "Gracilinanus guahybae" huma kollha sinonimi jew l-istess bħal u jirreferu għal Cryptonanus guahybae ta' Tate, 1931.

Referenzi[immodifika | immodifika s-sors]

  • Tate, G.H.H. 1931. Brief diagnoses of twenty-six apparently new forms of Marmosa (Marsupialia) from South America. American Museum Novitates 493:1–14.
  • Voss, R.S., Lunde, D.P. & Jansa, S.A. 2005. On the Contents of Gracilinanus Gardner & Creighton, 1989, with the Description of a Previously Unrecognized Clade of Small Didelphid Marsupials. American Museum Novitates 3482:1-34, 25 juli 2005. Tista tara il-fajl hawn.

Ħoloq esterni[immodifika | immodifika s-sors]