Lina Brockdorff
| Lina Brockdorff | |
|---|---|
| Ħajja | |
| Isem propju | Lina Mahoney |
| Twelid | L-Isla, 21 Mejju 1930 |
| Nazzjonalità | Malta |
| Mewt | 10 Frar 2026 |
| Familja | |
| Aħwa | |
| Edukazzjoni | |
| Alma mater | Università ta' Malta |
| Lingwi |
Malti (mul)  Ingliż |
| Okkupazzjoni | |
| Okkupazzjoni |
kittieb drammaturgu announcer (en) |
| Premjijiet |
List |
| Sħubija |
Akkademja tal-Malti Għaqda Poeti Maltin |
Lina Brockdorff kienet awtriċi, drammaturgu u xandar tar-radju Malti.
Ħajja bikrija
[immodifika | immodifika s-sors]Brockdorff twieldet fl-Isla; bint Patrick u Mary Mahoney fl-1930.[1] Il-ħajja ta' tfulita kienet ikkaratterizzata mit-Tieni Gwerra Dinjija minn mindu Brockdorff kellha disa' snin.[2] Il-familja tagħha marret tgħix f'diversi postijiet f'Malta matul il-gwerra, u għexet f'diversi lokalitajiet bħall-Birgu, Tas-Sliema, Ħad-Dingli u r-Rabat.[1]
Edukazzjoni
[immodifika | immodifika s-sors]L-edukazzjoni bikrija ta' Brockdorff ġiet interrotta minħabba li faqqgħet il-gwerra, iżda meta l-gwerra spiċċat hija marret lura l-iskola fuq l-insistenza ta' missierha.[2] Riedet issegwi karriera medika, madankollu, il-familja tagħha ma setgħetx taffordja li tibgħatha l-università u rreġistratha f'kors ta' taħriġ għall-għalliema mingħajr ma infurmawha. Hija reġgħet bdiet l-edukazzjoni tagħha aktar tard f'ħajjitha, meta daħlet f'kors ta' sena ta' introduzzjoni fit-teoloġija fl-1991, segwit minn kors ta’ Baċellerat ta' ħames snin. Hija eventwalment kisbet grad ta' Masters fit-teoloġija u l-istudji umanistiċi fl-2002 meta kellha 72 sena.[2]
Karriera
[immodifika | immodifika s-sors]Il-karriera ta' għalliema ta' Brockdorff bdiet fi skola primarja tal-Istat, madankollu hija waqfet tgħallem biex trabbi lill-erba' wlied tagħha. Matul dan iż-żmien, hija ffukat fuq il-kitba tagħha. Aktar tard kompliet il-karriera tagħha fil-Kulleġġ San Alwiġi bħala għalliema tal-lingwa Ingliża.[2] Hija serviet bħala membru tal-kunsill tal-Akkademja tal-Malti bejn l-2004 u l-2005 u għadha membru tal-akkademja.[3] Hija serviet ukoll bħala President tal-Għaqda Letterarja Maltija għal tmien snin u hija membru tal-Għaqda Poeti Maltin.[4]
Kitbiet
[immodifika | immodifika s-sors]Brockdorff bdiet tikteb fl-età ta' 17-il sena waqt li kienet qed tattendi l-kulleġġ tat-taħriġ għall-għalliema, fejn l-istudjuż Ġużè Aquilina kien iħeġġeġ lill-istudenti tiegħu biex jiktbu stejjer jew komponimenti biex jixxandru fuq ir-radju.[1] Kienet prolifika ħafna matul l-għexieren ta' snin ta' wara, kitbet u pproduċiet diversi programmi li ġew imxandra fuq ir-Rediffusion matul is-snin ħamsin u sittin, fosthom Ħlieqa Bejnietna, Quddiem il-Mera, Nofs Siegħa Flimkien, u Magic in the Kitchen.[3][4]
Kitbet diversi drammi fuq ir-radju, fosthom Il-Fqajjar t'Assisi. Xi xogħlijiet tagħha kienu mxandra wkoll fuq ir-radju tal-Awstralja.[4]
Tul il-karriera tagħha, kitbet sitt antoloġiji, tnax-il rumanz u aktar minn 340 novella.[3] Kitbet ukoll awtobijografija dwar l-esperjenza tagħha tat-Tieni Gwerra Dinjija bl-isem Sireni u Serenati[5], li rebħitha premju bħala l-Aħjar rumanz – Non Fiction mill-Kunsill Nazzjonali tal-Ktieb ta' Malta fl-2004. Sussegwentement ġie kkonvertit ukoll f'sensiela u xxandar fuq diversi stazzjonijiet tar-radju.[6] Ingħatat il-Midalja tad-Deheb f'Ġieħ l-Akkademja tal-Malti.[3][7]
Referenzi
[immodifika | immodifika s-sors]- 1 2 3 Cini, George (3 March 2005). "A first hand account of daily life in wartime Malta". Times of Malta (bl-Ingliż). Miġbur 2022-03-05.
- 1 2 3 4 "82-year-old insists: 'It is never too late to study'". Times of Malta (bl-Ingliż). Miġbur 2022-03-05.
- 1 2 3 4 "Lina Brockdorff honoured for contribution to Maltese literature". Times of Malta (bl-Ingliż). Miġbur 2022-03-05.
- 1 2 3 "Lina Brockdorff awarded Ġieħ L-Akkademja tal-Malti Gold Medal 2020". tvmnews.mt (bl-Ingliż). Miġbur 2022-03-05.
- ↑ "The war years in Malta, as seen by a woman writer".
- ↑ "Lina Brockdorff's WW2 autobiography now in English".
- ↑ "President reiterates importance of correct use of Maltese language".
