Jean Zaleski

Minn Wikipedija, l-enċiklopedija l-ħielsa
Jump to navigation Jump to search

Jean Zaleski (imwielda Jean Busuttil, magħrufa ukoll bħala Jean Busuttil Zaleski; Birkirkara, Malta 11 ta' April 1920 - 2 ta' Mejju 2010) kienet artista Maltija li qattgħet ħafna mill-ħajja adulta tagħha fl-Istati Uniti. Ix-xogħol tagħha deher f’diversi wirjiet fl-Istati Uniti u f’Malta.[1]

Ritratt mill-wirja tal-2019 fi Spazju Kreattiv fil-Belt Valletta, Malta ta' artisti minn Malta jew b'rabta ma' Malta. Din id-dehra hija wirja ta' monitor (placard tal-mużew) li tiddeskrivi l-artista u x-xogħol ta' l-arti - "Untitled (minn Malta: Memories and Explorations 1989-2001)" 2002, midja mħallta fuq l-injam.[1]

Bijografija[immodifika | immodifika s-sors]

Jean Busuttil twieldet Birkirkara, [2] l-iżgħar fost 11 itfal. Meta kellha 8 snin, flimkien mal-familja tagħha, hija emigrat lejn l-Istati Uniti.

Edukazzjoni u premjijiet[immodifika | immodifika s-sors]

Bħala artista studjat fl-Istati Uniti fil-Moore College of Art and Design ta’ Philadelphia, fi New York fl-Pratt Institute, fil-Parsons School of Design, u fil-Art Students League. Fl-1986 irċeviet il-Premju "Susan B Anthony" fil-qasam tal-pittura mill-Organizzazzjoni Nazzjonali għan-Nisa [3]. Fl-1975 ġiet mistiedna mill-President Jimmy Carter fil-White House bħala parti minn delegazzjoni ta' ħames artisti nisa.

Xogħlijiet[immodifika | immodifika s-sors]

Diversi pitturi ta' Zaleski ġew ippreżentati f'wirjiet matul ħajjitha [4] u wara mewtha.[5]

Apparti mill-wirjiet tal-arti, ix-xogħol tagħha deher ukoll f-kotba. Dawn il-pubblikazzjonijiet jaqgħu f'żewġ kategoriji: kotba ta' illustrazzjonijiet u kotba tal- artisti. Ta' spiss il-kotba tagħha ikun fihom mit-tnejn [6]. Dawn jinkludu, fost l-oħrajn, Cowlines, Copper Beach Press 1982. ISBN 9780914278375[7] ktieb artistiku li fih ukoll poeżiji ta' Edwin Honig ISBN 0-914278-37-1. Dan il-ktieb artsitiku fost l-oħrajn, fih żewġ folji maqgħuda flimkien, maħdum bi 22 paġna fuq kull naħa, qishom pjanu akkordjin. Il-ktieb jista' jinqara bħala ktieb normali jew inkella bħala miftuħ beraħ.

Il-ktieb Winged Spirits:24 contemporary American poets fih bosta collage maħduma minn Zaleski.

Referenzi[immodifika | immodifika s-sors]

  1. ^ a b Wiki Loves Art 2019 in Malta
  2. ^ Sleeman, Elizabeth The International Who's Who of Women 2002 Psychology Press, 2001. ISBN: 978-1-85743-122-3
  3. ^ "Susan B. Anthony Awards Alumni - NOW-NYC |NOW-NYC |" web.archive.org. 2018-10-17.
  4. ^ https://books.google.com.mt/books?id=FP2tEodbTlYC&pg=PA807&lpg=PA807&dq=jean+zaleski+exhibition&source=bl&ots=sX6cAX2k8n&sig=ACfU3U0-P9KihLzTg93JbRZ0kFWt9lOyRg&hl=mt&sa=X&ved=2ahUKEwi2l7-YsYboAhUQWsAKHfuwCzgQ6AEwEnoECAoQAQ#v=onepage&q=jean%20zaleski%20exhibition&f=false
  5. ^ https://timesofmalta.com/articles/view/retrospective-exhibition-on-jean-busuttil-zaleski.775733
  6. ^ https://www.worldcat.org/title/cowlines/oclc/27113306
  7. ^ Zaleski, Jean. (1982). Cow/lines. Honig, Edwin. Providence, R.I.: Copper Beach Press