Granivoru
Fiż-Żooloġija, il-kelma Granivoru (mil-Latin "granum" - "grani-" li tfisser żerriegħa u "vorare" - "-voru" li tfisser tibla u taħtaf l-ikel) tiddiskrivi organiżmu li għandu dieta erbivora speċċjalizzata billi jiekol biss iż-żerriegħa. L-annimali ta' dan it-tip huma normalment selettivi ħafna fl-ikel tagħhom u jagħżlu bir-reqqa iż-żrieragħ tal-pjanti, nklużi dawk tal-ġimnospermi, li għandhom ħafna nutrijenti.
Il-biċċa l-kbira tal-granivori huma insetti, għasafar jew mammiferi. Din it-tip ta' dieta hija l-iżjed komuni f'abitat xott bħal tad-deżert, fejn iż-żerriegħa tinstab matul is-sena kollha.
L-insetti granivori jinkludu ħafna speċi ta' ħniefes, nemel u skarabej, iżda anke ftit speċi ta' baħrijiet u żnażan parasitiċi. Il-baħrijiet tal-jukka u ż-żnażan tat-tin jieklu iż-żerriegħa u jippollinaw l-istess pjanta, magħqudin flimkien f'relazzjoni ko-evoluta.
Għalkemm numru kbir ta' għasafar jieklu ħafna żerriegħa, dawn m' humiex strettament granivori għax jieklu ħafna insetti ukoll. L- ispeċi li huma primarjament granivori sakemm jilħqu l-istat adult, ħafna drabi jitrabbew b' dieta insettivora. Għasafar strettament granivori jżoqqu l-frieħ tagħhom ta' żerriegħa li tkun diġà parzjalment diġerita.
Ara Ukoll
[immodifika | immodifika s-sors]Referenzi
[immodifika | immodifika s-sors]- Elphick, C, JB Dunning, Jr. and DA Sibley.(eds.) 2001. The Sibley Guide to Bird Life and Behavior. Alfred A. Knopf, New York.
- Brown, J. H., Reichman, O. J. and Davidson, D. W. 1979. Granivory in desert ecosystems. – Annu. Rev. Ecol. Syst. 10: 201–227.
- MacMahon, J. A., Mull, J. F. and Crist, T. O. 2000. Harvester ants (Pogonomyrmex spp.): their community and ecosystem influences. – Annu. Rev. Ecol. Syst. 31: 265–291.
Link Esterni
[immodifika | immodifika s-sors]- Interazzjoni tat-tin u żnażan tat-tin Multi-award-winning documentary
- Tin u żnażan tat-tin
- Stampi taż-żnażan tat-tin f' MorphBank, bankadati ta' stampi bijoloġiċi