Emma Muscat

Minn Wikipedija, l-enċiklopedija l-ħielsa
Emma Muscat
Ħajja
Isem propju Emma Louise Marie Muscat
Twelid San Ġiljan, 27 Novembru 1999 (24 sena)
Nazzjonalità Malta
L-ewwel lingwa Malti
Edukazzjoni
Lingwi Malti
Taljan
Ingliż
Okkupazzjoni
Okkupazzjoni kantawtur
pjanist
mudell
Parteċipant
Piż 58 kg
Għoli 170 cm
Moviment artistiku mużika pop
Tikketta tar-reġistrazzjoni Warner Music Group

Emma Louise Marie Muscat (twieldet fis-27 ta' Novembru 1999) hija kantanta u mudella Maltija li spiss taħdem fl-Italja.

Ħajja bikrija u karriera[immodifika | immodifika s-sors]

Imwielda f'Malta f'familja sinjura[1], Emma saret midħla tal-mużika minn età bikrija. Wara l-edukazzjoni obbligatorja, iddeċidiet li tattendi l-Università tal-Arti tal-Ispettaklu. Bħala adolexxenti wriet it-talent u l-kapaċitajiet tagħha fil-kant, fiż-żfin, u fl-użu tal-istrumenti mużikali. B'mod partikolari, hija speċjalizzat fil-pjanu, u bdiet ukoll tikkomponi l-mużika u l-lirika tal-kanzunetti tagħha.

Fl-2016 hija rrilaxxat l-ewwel single tagħha "Alone" fuq l-kanal tal-YouTube tagħha u iktar 'il quddiem, fl-2017, irrilaxxat it-tieni single tagħha "Without You".[2]

Fl-2018 ipparteċipat fis-sbatax-il edizzjoni tat-talent show televiżiv Amici di Maria De Filippi, u rnexxielha tasal tal-fażi finali tal-programm magħrufa bħala l-fase serale fejn ġiet eliminata fis-semifinali. Hija spiċċat fir-raba' post fil-kategorija tal-kant u ngħatat kuntratt ma' Warner Music Italy.[3] Wara l-esperjenza tagħha f'Amici, hija pparteċipat fl-"Isle of MTV 2018" ma' Jason Derulo, Hailee Steinfeld u Sigala u mbagħad reġgħet ħadet sehem is-sena ta' wara flimkien ma' Martin Garrix, Bebe Rexha u Ava Max.[4] Iktar 'il quddiem, fil-kunċert annwali ta' Joseph Calleja f'Malta, għamlet duwett mat-tenur Malti u ma' Eros Ramazzotti.[5] Fis-6 ta' Lulju hija rrilaxxat l-ewwel EP tagħha bit-titlu Moments, li kien fih ukoll iż-żewġ singles li kienet irrilaxxat preċedentement fuq YouTube. L-EP ġie antiċipat mis-single "I Need Somebody", li ġiet irrilaxxata fit-2 ta' Lulju. Fis-7 ta' Diċembru tal-istess sena, hija rrilaxxat l-ewwel album tagħha rreġistrat fi studjo bit-titlu Moments Christmas Edition b'covers ta' bosta kanzunetti klassiċi tal-Milied. Fis-16 ta' Novembru 2018 kantat f'duwett mar-rapper Taljan Shade fil-kanzunetta Figurati noi.[6]

Fis-26 ta' April 2019 hija rrilaxxat l-ewwel single tagħha Avec moi, b'siltiet mid-diska kantati minn Biondo, li kellha relazzjoni ta' xi sena u nofs miegħu waqt u wara l-programm ta' Amici.[7] Fl-14 ta' Novembru 2019 hija pparteċipat fir-remix tal-hit "Sigarette" tar-rapper Junior Cally. Fl-10 ta' Diċembru rrilaxxat is-single "Vicolo Cieco"; wara r-rilaxx tal-kanzunetta, f'intervista ddikjarat li kienet se tkun l-ewwel estratt mill-album il-ġdid tagħha. Fit-3 ta' Lulju 2020 hija rrilaxxat is-single sajfi tagħha Sangria mar-rapper Taljan Astol, li ġiet iċċertifikata bħala diska tad-deheb fl-Italja u li laħqet il-21 miljun stream fuq YouTube.[8]

Festival tal-Eurovision 2022[immodifika | immodifika s-sors]

Muscat ressqet kanzunetta biex tieħu sehem fil-Malta Eurovision Song Contest 2022 fi Frar 2022.[9] Il-kanzunetta "Out of Sight" wasslitha biex tirbaħ il-kompetizzjoni b'total ta' 92 punt, u b'hekk kisbet id-dritt li tirrappreżenta lil pajjiżha fil-Festival tal-Eurovision 2022 f'Torino, l-Italja.[10] Hija rebħet il-vot tal-ġurija kif ukoll dak tal-pubbliku. Emma ngħatat 12-il punt mis-sitt membri kollha tal-ġurija nazzjonali Maltija, kif ukoll 20 punt mill-pubbliku bit-televotazzjoni.[11] Fl-14 ta' Marzu 2022, ġiet irrilaxxata kanzunetta ġdida, bit-titlu "I Am What I Am", li se tissostitwixxi l-kanzunetta "Out of Sight" fil-Festival tal-Eurovision 2022 fl-Italja.[12][13]

Familja[immodifika | immodifika s-sors]

Emma Muscat hija parti mill-familja li hija l-fundatur u s-sid ta' Muscat's Universal Limited, kumpanija bbażata fil-Belt Valletta li tispeċjalizza fl-ilbies għan-nisa tqal, għat-trabi u għat-tfal.[14][15]

Diskografija[immodifika | immodifika s-sors]

Albums irreġistrati fi studjo[immodifika | immodifika s-sors]

Lista ta' albums, b'għażla ta' pożizzjonijiet u ċertifikazzjonijiet
Titlu Dettalji tal-albums Pożizzjoni
ITA
Moments Christmas Edition
  • Rilaxx: is-7 ta' Diċembru 2018
  • Tikketta: Warner Music Italy
  • Format: CD, tniżżil diġitali, streaming
 47

EPs[immodifika | immodifika s-sors]

Lista ta' EPs, b'għażla ta' pożizzjonijiet u ċertifikazzjonijiet
Titlu Dettalji tal-EPs Pożizzjoni
ITA
Moments
  • Rilaxx: is-6 ta' Lulju 2018
  • Tikketta: Warner Music Italy
  • Format: CD, tniżżil diġitali, streaming
 3

Singles[immodifika | immodifika s-sors]

Bħala artista ewlenija[immodifika | immodifika s-sors]

Lista ta' singles, b'għażla ta' pożizzjonijiet u ċertifikazzjonijiet
Single Sena Pożizzjoni Ċertifikazzjonijiet Album jew EP
ITA
"I Need Somebody" 2018 — Moments
"Avec Moi" (feat. Biondo) 2019 81 Singles mhux f'album
"Vicolo Cieco" —
"Sangria" (feat. Astol) 2020 58
  • FIMI: Diska tad-Deheb
"Meglio di sera" (feat. Álvaro de Luna & Astol) 2021 55[16]
  • FIMI: Diska tad-Deheb
"Più di te" —
"Out of Sight" 2022 —
"I Am What I Am"
"—" tfisser li s-singles ma kklassifikawx jew ma ġewx rilaxxati.

Bħala artista f'"feat."[immodifika | immodifika s-sors]

Lista ta' singles, b'għażla ta' pożizzjonijiet u ċertifikazzjonijiet
Single Sena Pożizzjoni Ċertifikazzjonijiet Album jew EP
ITA
"Figurati noi" (Shade feat. Emma Muscat) 2018 41 Truman
"Sigarette Remix" (Junior Cally feat. Emma Muscat) 2019 — Single mhux f'album
"—" tfisser li s-singles ma kklassifikawx jew ma ġewx rilaxxati.

Referenzi[immodifika | immodifika s-sors]

  1. ^ "Emma Muscat" (bl-Ingliż). Miġbur 2022-03-20.
  2. ^ Urpani, David Grech (2017-12-18). "The Story Of Emma Muscat, The 18-Year-Old University Student Turned Overnight-Superstar". Lovin Malta (bl-Ingliż). Miġbur 2022-03-20.
  3. ^ "She's out: Emma Muscat eliminated from 'Amici' - The Malta Independent". www.independent.com.mt. Miġbur 2022-03-20.
  4. ^ "Emma Muscat to hit the Isle of MTV stage - The Malta Independent". www.independent.com.mt. Miġbur 2022-03-20.
  5. ^ "Emma Muscat to sing alongside Joseph Calleja and Eros Ramazzotti". MaltaToday.com.mt (bl-Ingliż). Miġbur 2022-03-20.
  6. ^ ""Figurati noi", Shade ed Emma Muscat insieme sotto il segno dell'internazionalità - RECENSIONE" (bit-Taljan). Miġbur 2022-03-20.
  7. ^ francy279 (2019-04-25). "Intervista con Emma Muscat e Biondo, per la prima volta insieme nel singolo "Avec Moi": "E' un invito a spegnere tutto, a staccarsi dai social e concentrarsi sulla vita reale"" (bit-Taljan). Miġbur 2022-03-20.
  8. ^ Azzopardi, Jean Paul (2020-12-09). "Maltese Starlet Emma Muscat's Latest Single Has Been Given The Gold Certification". Lovin Malta (bl-Ingliż). Miġbur 2022-03-20.
  9. ^ Diacono, Tim (2021-12-29). "Emma Muscat Takes Eurovision Plunge As She Submits Song For Malta Contest". Lovin Malta (bl-Ingliż). Miġbur 2022-03-20.
  10. ^ minn Andrea Rossitto. "Emma Muscat tirbaħ il-Malta Eurovision Song Contest" (bl-Ingliż). Miġbur 2022-03-20.
  11. ^ "Emma Muscat to represent Malta at Eurovision Song Contest - The Malta Independent". www.independent.com.mt. Miġbur 2022-03-20.
  12. ^ "Emma Muscat has released her new Eurovision 2022 song "I Am What I Am"" (bl-Ingliż). 2022-03-14. Miġbur 2022-03-20.
  13. ^ "Malta: Emma Muscat will sing "I AM WHAT I AM" at Eurovision 2022". wiwibloggs (bl-Ingliż). 2022-03-14. Miġbur 2022-03-20.
  14. ^ "MUSCAT'S UNIVERSAL LIMITED | ICIJ Offshore Leaks Database". offshoreleaks.icij.org. Miġbur 2022-03-20.
  15. ^ "MUSCAT'S UNIVERSAL LIMITED - CLOTHING AND PRODUCTS FOR PREGNANT WOMEN AND BABIES (RETAIL), CHILDREN'S CLOTHING (RETAIL), SHOPPING CENTRES AND LARGE STORES, Valletta - Muscat S Universal Limited in Valletta - TEL: 21332... - MT100044806 - Local Infobel.MT". local.infobel.com.mt. Miġbur 2022-03-20.
  16. ^ "Classifiche - FIMI". www.fimi.it (bit-Taljan). Miġbur 2022-03-20.
Predeċessur
Destiny 		Malta fil-Festival tal-Eurovision
2022

Suċċessur
The Busker

Wikimedia Commons għandha fajls multimedjali li għandhom x'jaqsmu ma': Emma Muscat (Emma Muscat)
Miksub minn "https://mt.wikipedia.org/w/index.php?title=Emma_Muscat&oldid=292452"