Digão

Minn Wikipedija, l-enċiklopedija l-ħielsa
Jump to navigation Jump to search
Digão
Informazzjoni personali
Isem sħiħRodrigo Izecson dos Santos Leite
Twelid14 ta' Ottubru 1985 (1985-10-14) (33 sena)
Brasília
PajjiżBandiera tal-Brażil Brażil
Tul1.94 m
RwolDifensur
Informazzjoni fuq il-klabb
Klabb kurrentiNew York Red Bulls
Numru3
Klabbs ġovanili
2003–2004São Paulo
2004–2005Sampdoria
2004–2005Milan (self)
Klabbs professjonali*
SninKlabbPreżGwls
2005–Milan1(0)
2005–2007Rimini (self)23(0)
2008–2009Standard Liège (self)1(0)
2009–2010Lecce (self)2(0)
2010Crotone (self)0(0)
2010–Penafiel (self)11(0)
2012–New York Red Bulls1(0)
* Il-preżenzi u l-gowls fil-karriera professjonali huma validi biss għall-kampjonat domestiku.
Aġġornament: 1:54, 2 ta' Marzu 2013 (UTC)

Rodrigo Izecson dos Santos Leite, magħruf aħjar bħala Digão[1] (Brasília, 14 ta' Ottubru 1985) huwa plejer tal-futbol Brażiljan li jilgħab mal-klabb Portugiż ta' Penafiel taħt self minn ma' AC Milan. Digão jiġi ħu l-plejer ta' Real Madrid Kaká.

Karriera[immodifika | immodifika s-sors]

Digão ngħaqad mat-tim ta' Milan minn São Paulo fis-sajf tal-2004 taħt self mit-tim ta' Sampdoria li kienu ttesserawh minflok il-Milan, minħabba li dawn tal-aħħar kienu laħqu plejers ekstra-komunitarji.

Fl-2005, wara li kien għadda definittivament mal-Milan, ingħaqad b'self mar-Rimini fis-Serie B, fejn magħhom lagħab sal-aħħar tal-istaġun 2006–07. Lura mal-Milan hu lagħab l-ewwel logħba tiegħu fit-telfa ta' Milan ta' 2–1 kontra Catania fl-20 ta' Diċembru 2007, logħba valida mill-Coppa Italia. L-ewwel dehra tiegħu fis-Serje A liebes flokk aħmar u iswed wasal fl-1 ta' Marzu 2008, bħala sostitut għal Marek Jankulovski kontra l-Lazio.

Fit-13 ta' Awwissu 2008, Standard Liège ħabbru li Digão kien se jingħaqad mal-kampjuni Belġjani għal perjodu ta' sena taħt self.[2] Però, wara li weġġa' l-ligamenti tal-irkoppa kellu jibqa' barra mil-logħba għal sitt xhur. Lura l-Italja, hu ssieħeb ma' Lecce, fejn wara biss żewġ logħbiet il-kuntratt tiegħu ġie mħassar sabiex għadda mat-tim ta' Crotone.

Huwa ma lagħab l-ebda logħba mat-tim ta' Crotone, u allura f'Lulju 2010 għadda mat-tim mit-tieni diviżjoni Portugiża, Penafiel.

Referenzi[immodifika | immodifika s-sors]

  1. ^ Il-laqam Digão ġej, bħal fil-każ ta' ħuh Kaká, minn qsim tal-isem: Rodrigo (ċioè Digo) tbiddel f'Digão, hekk kif il-plejer wasal f'tul ta' 194 ċm.
  2. ^ A.C.MILAN COMUNICATO UFFICIALE

Ħoloq esterni[immodifika | immodifika s-sors]