Digão

Digão

Informazzjoni personali
Isem sħiħ	Rodrigo Izecson dos Santos Leite
Twelid	14 ta' Ottubru 1985 (1985-10-14) Brasília, Brażil
Tul	1.94 m
Rwol	Difensur
Mixtliet
2003–2004	São Paulo
2004–2005	Sampdoria
2004–2005	→ Milan (self)
Karriera professjonali
Snin	Klabb
2005–2011	Milan
2005–2007	→ Rimini (self)
2008–2009	→ Standard Liège (self)
2009–2010	→ Lecce (self)
2010	→ Crotone (self)
2010–2011	→ Penafiel (self)
2012–2013	New York Red Bulls

Rodrigo Izecson dos Santos Leite, magħruf aħjar bħala Digão (twieled fl-14 ta' Ottubru 1985) huwa eks-plejer tal-futbol Brażiljan li kien jilgħab bħala difensur. Digão jiġi ħu l-plejer Kaká.

Karriera

Digão ngħaqad mat-tim ta' Milan minn São Paulo fis-sajf tal-2004 taħt self mit-tim ta' Sampdoria li kienu ttesserawh minflok il-Milan, minħabba li dawn tal-aħħar kienu laħqu plejers ekstra-komunitarji.

Fl-2005, wara li kien għadda definittivament mal-Milan, ingħaqad b'self mar-Rimini fis-Serie B, fejn magħhom lagħab sal-aħħar tal-istaġun 2006–07. Lura mal-Milan hu lagħab l-ewwel logħba tiegħu fit-telfa ta' Milan ta' 2–1 kontra Catania fl-20 ta' Diċembru 2007, logħba valida mill-Coppa Italia. L-ewwel dehra tiegħu fis-Serje A liebes flokk aħmar u iswed wasal fl-1 ta' Marzu 2008, bħala sostitut għal Marek Jankulovski kontra l-Lazio.

Fit-13 ta' Awwissu 2008, Standard Liège ħabbru li Digão kien se jingħaqad mal-kampjuni Belġjani għal perjodu ta' sena taħt self. Però, wara li weġġa' l-ligamenti tal-irkoppa kellu jibqa' barra mil-logħba għal sitt xhur. Lura l-Italja, hu ssieħeb ma' Lecce, fejn wara biss żewġ logħbiet il-kuntratt tiegħu ġie mħassar sabiex għadda mat-tim ta' Crotone.

Huwa ma lagħab l-ebda logħba mat-tim ta' Crotone, u allura f'Lulju 2010 għadda mat-tim mit-tieni diviżjoni Portugiża, Penafiel.

Ħoloq esterni

• (IT) Digão fuq TuttoCalciatori