Denílson Pereira Neves

Minn Wikipedija, l-enċiklopedija l-ħielsa
Jump to navigation Jump to search
Denílson
Denílson Pereira Neves.jpg
Informazzjoni personali
Isem sħiħDenílson Pereira Neves
Twelid16 ta' Frar 1988 (1988-02-16) (33 sena)
São Paulo, Brażil
Tul1.80 m
RwolMidfilder
Informazzjoni fuq il-klabb
Klabb attwaliSão Paulo
(taħt self minn Arsenal)
Numru15
Mixtliet
São Paulo
Karriera professjonali
SninKlabb
2005–2006São Paulo
2006–Arsenal
2006–São Paulo (self)

Denílson Pereira Neves, magħruf sempliċement bħala Denílson (São Paulo, 16 ta' Frar 1988) huwa plejer tal-futbol Brażiljan li jilgħab f'nofs il-grawnd. Attwalment jinsab mal-klabb ta' São Paulo, taħt self mingħand Arsenal.

Bijografija[immodifika | immodifika s-sors]

L-ewwel snin[immodifika | immodifika s-sors]

Imwieled fil-belt ta' São Paulo, Denílson huwa t-tieni fost erbat aħwa ta' José Neves u Luciene Pereira. Missieru kien eks-plejer ta' Botafogo.

Karriera fil-futbol[immodifika | immodifika s-sors]

Beda l-esperjenza fil-futbol mal-klabb lokali ta' São Paulo, fejn kien parti mit-tim rebbieħ tal-Copa Libertadores 2005 u tat-Tazza tad-Dinja tal-Klabbs 2005. Madanakollu fl-istaġun li qatta' mal-ewwel tim ġie wżat biss tnax-il darba, bi tmien preżenzi jiġu minn fuq il-bankina.

Fil-31 ta' Awwissu 2006, ingħaqad mal-klabb Ingliż ta' Arsenal għas-somma ta' £3.4 miljun. Ħafna baqgħu sorpriżi b'dan it-trasferiment minħabba n-nuqqas ta' esperjenza tiegħu.[1] Id-debutt tiegħu wasal fl-24 ta' Ottubru 2006, fil-logħba valida mit-tielet rawnd tal-Carling Cup kontra West Bromwich Albion. Hu kien preżenti matul il-kampanja kollha fejn lagħab ukoll il-finali mitlufa kontra Chelsea bl-iskor ta' 2–1. Hu ddebutta fil-Premier League fit-30 ta' Diċembru 2006 bħala sostitut fit-telfa ta' 1–0 kontra Sheffield United.

L-ewwel gowl mal-Gunners wasal fil-25 ta' Settembru 2007, f'partita mit-tielet rawnd tal-Carling Cup kontra Newcastle United li assigurat rebħa ta' 2–0. L-ewwel logħba mal-ewwel ħdax kienet fl-24 ta' Novembru 2007 kontra Wigan Athletic.

Fl-istaġun segwenti 2008–09, bit-tluq ta' diversi plejers veterani hu sab aktar post fl-iskwadra u fforma koppja ma' Cesc Fàbregas f'nofs il-grawnd. F'dak l-istaġun lagħab 37 logħba fil-kampjonat minn 38.

Fl-istaġuni li segwew minħabba l-emerġenza taż-żagħżugħ Jack Wilshere u l-problemi fiżiċi tiegħu, fl-istaġun 2010–11 beda biss sitt partiti tal-kampjonat minn total ta' 16 li lagħab. B'riżultat ta' dan, fit-18 ta' Lulju 2011 ġie msellef lura lill-klabb ta' São Paulo.[2]

Referenzi[immodifika | immodifika s-sors]

  1. ^ Guardian, ed. (31-01-2007). "Denilson times his run to perfection" (bl-Ingliż). Iċċekkja l-valuri tad-data f': |data= (għajnuna)
  2. ^ BBC Sport, ed. (18-07-2011). "Arsenal midfielder Denilson returns to Brazil" (bl-Ingliż). Iċċekkja l-valuri tad-data f': |data= (għajnuna)

Ħoloq esterni[immodifika | immodifika s-sors]