Daniel Van Buyten

Minn Wikipedija, l-enċiklopedija l-ħielsa
Jump to navigation Jump to search
Daniel Van Buyten
Daniel Van Buyten.jpg
Informazzjoni personali
Isem sħiħDaniel Van Buyten
Twelid7 ta' Frar 1978 (1978-02-07) (41 sena)
Chimay
PajjiżBandiera tal-Belġju Belġju
Tul1.96 m
RwolDifensur
Klabbs ġovanili
1986–1991JS Froidchapelle
1991–1993Olympic Charleroi
1993–1994UBS Auvelais
1994–1997FC Somzée
1997–1998Charleroi
Klabbs professjonali*
SninKlabbPreżGwls
1998–1999Charleroi19(1)
1999–2001Standard Liège57(7)
2001–2004Marseille76(12)
2004Manchester City (self)5(0)
2004–2006Hamburger SV61(7)
2006–2014Bayern Munich158(20)
2010–2011Bayern Munich II2(0)
Tim nazzjonali
2001–2014Belġju83(10)
* Il-preżenzi u l-gowls fil-karriera professjonali huma validi biss għall-kampjonat domestiku.

Daniel Van Buyten (Chimay, 7 ta' Frar 1978) huwa eks-futboler Belġjan li kien jilgħab bħala difensur ċentrali.

Karriera[immodifika | immodifika s-sors]

Wara li beda l-karriera tiegħu ma' Charleroi ġewwa l-Belġju, aktar tard ingħaqad ma' Standard Liège fejn matul iż-żmien żviluppa bħala wieħed mill-aqwa difensuri fil-kampjonat nazzjonali. Fl-2001, waslet il-qabża l-kbira meta ingħaqad ma' Olympique Marseille ġewwa Franza għal somma ta' 12-il miljun ewro. Ma' dan il-klabb hu kopra l-irwol ta "difensur-attakkant", fejn barra d-daqqiet ta' ras tajbin li kellu, kien jipposjedi xuttijiet qawwijin. Għall-istaġun 2003–04 ġie msellef lill-klabb Ingliż ta' Manchester City, esperjenza li ratu biss jilgħab ħames logħbiet fil-kampjonat.

Fl-2004, hu ngħaqad ma' Hamburg fejn fiż-żewġ staġuni li qatta' mal-klabb irfina r-reputazzjoni tiegħu fil-Bundesliga. Din ir-reputazzjoni attirat lil Bayern Munich, li fl-2006 akkwistawh fejn iffirma kuntratt li kien se jżommu mal-klabb Bavarjan sal-istaġun 2009–10. Minkejja l-kompetizzjoni qawwija li kienet teżisti għal post regulari fl-iskwadra, Van Buyten żviluppa ma' Lúcio koppja difensiva affidabbli, li kienet il-preferuta tal-kowċ Ottmar Hitzfeld. L-ewwel gowl tiegħu wasal fid-9 ta' Diċembru, 2006, hekk kif il-gowl tiegħu issiġilla r-rebħa ta' 2–1 kontra Energie Cottbus. Madanakollu, l-ikbar kontribuzzjoni tiegħu fl-ewwel staġun tiegħu waslet fiċ-Champions League meta nhar it-3 ta' April, 2007, skorja darbtejn (wieħed minnhom fl-aħħar minuta) fl-ewwel leg tal-kwarti tal-finali barra minn darhom kontra Milan.

Fiż-żewġ staġuni li segwew hu sab postu iktar fuq il-bank tas-sostituti. Bit-tluq ta' Lúcio, għall-istaġun 2009–10 il-kowċ Louis van Gaal ta post regulari lil Van Buyten li beda jifforma koppja difensiva ma' Martin Demichelis. Dan l-istaġun kien immarkat bil-finali tal-UEFA Champions League, fejn hu lagħab il-logħba sħiħa minkejja li Bayern ħarġu telliefa.

Fi Frar tal-2010, Bayern Munich ħabbru li Van Buyten iffirma kuntratt ġdid li se jżommu mal-klabb sal-2012.

Internazzjonali[immodifika | immodifika s-sors]

Van Buyten issejjaħ għall-ewwel darba mat-tim nazzjonali Belġjan fl-2001 u kien fl-iskwadra magħżula għat-Tazza tad-Dinja 2002.

Unuri[immodifika | immodifika s-sors]

Klabb[immodifika | immodifika s-sors]

Hamburger SV
Bayern Munich

Ħajja privata[immodifika | immodifika s-sors]

Missieru, Franz, kien lottatur popolari Belġjan fl-Ewropa bejn l-1960 u l-1980. Ommu, Renate, hija ta' nazzjonalità Ġermaniża.

Ħoloq esterni[immodifika | immodifika s-sors]