Aqbeż għall-kontentut

Damo Suzuki

Minn Wikipedija, l-enċiklopedija l-ħielsa
Damo Suzuki
Ħajja
Twelid Ġappun, 16 Jannar 1950
Nazzjonalità Ġappun
Ġermanja
Mewt 9 Frar 2024
Edukazzjoni
Lingwi Ġappuniż
Ġermaniż
Okkupazzjoni
Okkupazzjoni artist tat-triq
kantant
vokalista
Moviment artistiku mużika rock
Strument/i tal-mużika kitarra
vuċi
Tikketta tar-reġistrazzjoni Fruits de Mer Records (en) Translate

Kenji Suzuki (bil-Ġappuniż: 鈴木健次, Suzuki Kenji, 16 ta' Jannar 1950 – 9 ta' Frar 2024), magħruf bħala Damo Suzuki (ダモ鈴木), kien mużiċist Ġappuniż magħruf l-aktar bħala l-kantant tal-grupp German tal-Krautrock Can bejn l-1970 u l-1973. Twieled fl-1950 f'Kobe, l-Ġappun, u emigra lejn l-Ewropa lejn tmiem is-snin sittin. Kien hekk li l-bassista ta' Can Holger Czukay u d-drummer Jaki Liebezeit rawh idoqq fit-toroq ta' Munich. Il-Can kienu għadhom kemm infirdu minn mal-kantant Malcolm Mooney, u talbu lil Suzuki ikanta xi siltiet fuq l-album tagħhom Soundtracks li ħareġ fl-1970.[1] Wara dan huwa sar il-kantant regolari tagħhom u deher fuq tlett albums influenti tagħhom[2] Tago Mago (1971), Ege Bamyası (1972) u Future Days (1973).

Huwa telaq minn Can fl-1973, abbanduna l-mużika, u sar Xhud taʼ Ġeħova. F’nofs is-snin tmenin telaq minn dik l-organizzazzjoni u reġa’ lura għall-karriera fil-mużika. Matul l-għexieren ta’ snin ta’ wara, Suzuki rreġistra numru kbir ta’ albums taħt ismijiet differenti, li aktar tard ippreżenta bħala x-xogħol tad-"Damo Suzuki's Network".[1]

Karriera

[immodifika | immodifika s-sors]

Kenji Suzuki twieled f'Kobe, il-Ġappun fis-16 ta' Jannar 1950.[3] Fl-1968, waqt li kien għadu żagħżugħ, huwa mar l-Ewropa, l-ewwel f'komun Svediż, u eventwalment beda idur fl-Irlanda, Franza, ir-Renju Unit u l-Ġermanja tal-Punent, jaqla' l-flus billi jdoqq u jkanta fit-triq.[4][5] Meta Malcolm Mooney telaq lill-Can wara l-ewwel album talgħhom Monster Movie (1969), Holger Czukay u Jaki Liebezeit iltaqgħu ma' Suzuki waqt li kien qed idoqq fit-toroq ta' Munich, fil-Ġermanja tal-Punent. Huma stiednu biex jingħaqad mal-grupp, u dakinhar filgħaxija stess deher magħhom għall-ewwel darba.[6]

L-ewwel reġistrazzjoni ta’ Suzuki ma’ Can kienet “Don’t Turn the Light On, Leave Me Alone” għall-album Soundtracks (1970).[7] Huwa daħal membru regolari ma' Can mill-1970 sal-1973, u l-ewwel album sħiħ tiegħu magħhom kien l-album doppju influwenti ħafna Tago Mago (1971), meqjus b’mod wiesa’ bħala fundamentali fl-iżvilupp ta’ Krautrock[8][9] u li kien t'influwenza kbira fuq bands li jvarjaw mis-Sex Pistols sal-Happy Mondays.[10][11] Il-vuċi ta' Suzuki saret aktar kunfidenti u definittiva bl-album ta' Can tal-1972 Ege Bamyası, kif inhu evidenti fil-kanzunetti "Vitamin C" u "Spoon".[1] Il-band żviluppat ħoss aktar atmosferiku għal Future Days (1973), l-aħħar album tagħhom ma' Suzuki.[6][12] Madankollu, wara l-ħruġ ta' dan l-album, Suzuki ħalla l-band u ngħaqad max-Xhieda ta' Ġeħova, u waqaf mill-mużika għall-għaxar snin.[13][14]

Il-lirika ta’ Suzuki b’forma ħielsa, ħafna drabi improvizzata, kienet fil-biċċa l-kbira tagħha indixxernibbli, u wassal lil ħafna kritiċi biex jaħsbu li huma ma kien ikantati bl-ebda lingwa partikolari.[15]

Kompla l-karriera tiegħu fil-mużika fl-1983 u mexxa dak li sar magħruf bħala "Damo Suzuki's Network" - waqt li daqq mużika improvizzata live ma' diversi mużiċisti lokali, li ddeskriva bħala "trasportaturi tal-ħoss", fil-postijiet li kien iżur biex idoqq fihom.[16] Suzuki ippubblika l-awtobijografija tiegħu I Am Damo Suzuki fl-2019.[15] Fl-2022 wara l-album Arkaoda, irreġistrat flimkien ma' Spiritczualic Enhancement Center, intlaqa' tajjeb huwa gawda attenzjoni minn udjenzi ġodda. [15]

Ħajja personali

[immodifika | immodifika s-sors]

Suzuki ltaqa' ma' martu Elke Morsbach f'Cologne fl-1985.[17] Huwa għex f'dik il-belt għal ħafna snin, iżda daqq aktar spettakli fir-Renju Unit u qal li l-udjenzi Brittaniċi kienu japprezzaw il-mużika tiegħu aktar minn dawk Ġermaniżi.[14] Matul il-waqfa tiegħu mill- mużika f'nofs is-snin sebgħin, Suzuki sar Xhud taʼ Ġeħova iżda wara li ħalla dik l-organizzazzjoni xorta sostna li kompla jemmen fil-Bibbja mingħajr sħubija fl-ebda denominazzjoni jew knisja.[18]

Huwa rċieva djanjosti ta' kanċer fil-kolon għall-ewwel darba meta kellu 33 sena. Din kienet l-istess marda li qatlet lil missieru meta Suzuki kellu ħames snin. Il-kanċer reġa' tfaċċalu fl-2014 u ngħata ċans ta’ 10% li jgħix.[1] [13] Miet fid-9 ta’ Frar 2024 fl-età ta’ 74 sena. [19]

Id-dokumentarju Energy jittratta l-battalja ta’ Suzuki mal-kanċer u r-relazzjoni tiegħu ma’ martu.[20]

Legat

[immodifika | immodifika s-sors]

Il-Can huma meqjusa bħala pijunieri tax-xena krautrock li ħarġet mill-Ġermanja tal-Punent.[21] Skont il-ġurnalist Jo Vito, Suzuki "kellu mod innovattiv u inimitabbli kif ikanta, ħafna drabi kien jimprovizza partijiet kantati f'varjetà ta' lingwi (taħlita li hu rrefera bħala 'l-lingwa tal-Żmien il-Ħaġar')".[3]

L-album tal-1985 ta' The FallThis Nation's Saving Grace fih kanzunetta bit-titlu "I Am Damo Suzuki".[22] Il-kantant ta’ The Fall Mark E. Smith kien ammiratur kbir ta’ Can u kien anke sar ħabib ta’ Suzuki, li uża t-titlu tal-kanzunetta għall-bijografija tiegħu tal-2019 I Am Damo Suzuki.[23][24]

Il-band Mooney Suzuki għażlet isimha għal Suzuki u l-kantant li kien hemm qablu fil-grupp Can, Malcolm Mooney.[25]

Diskografija

[immodifika | immodifika s-sors]

Ma' Can

[immodifika | immodifika s-sors]
  • Tago Mago (1971)[4]
  • Ege Bamyası (1972)[26]
  • Jiem Ġejjieni (1973)[4]

Referenzi

[immodifika | immodifika s-sors]
  1. ^ a b ċ d Strauss, Matthew. "Damo Suzuki, Legendary Can Vocalist, Dies at 74". Pitchfork, 10 February 2024. Retrieved 11 February 2024
  2. ^ "Damo Suzuki, Can Vocalist, Dies At 74". Spin, 10 February 20240. Retrieved 11 February 2024
  3. ^ a b Vito, Jo. "Damo Suzuki, Pioneering Vocalist of Can, Dead at 74". Consequence of Sound, 10 February. Retrieved 11 February 2024
  4. ^ a b ċ Walmsley, Derek. "Damo Suzuki: Can's free-floating vocalist gave us some of the 1970s' most open-minded rock music". The Guardian, 10 February 2024. Retrieved 11 February 2024.
  5. ^ Damo Suzuki and Jelly Planet, All Tomorrow's Parties. Retrieved 6 January 2014.
  6. ^ a b "Damo Suzuki Remembered: 'Life is so short, so face in front of you, not backside'". [Mogo, 10 February 2024. Retrieved 11 February 2024
  7. ^ Sweeting, Adam (12 February 2024). "Damo Suzuki obituary". The Guardian. Miġbur 12 February 2024.
  8. ^ Reynolds, Simon (1995). "Krautrock Reissues". Melody Maker.
  9. ^ Cope, p. 55
  10. ^ "John Lydon: Soundtrack of my Life". The Guardian, 1 November 2009. Retrieved 11 February 2024
  11. ^ Petridi, Alexis. "Happy Mondays, Bummed. The Guardian, 15 December 2007. Retrieved 11 February 2024
  12. ^ Czukay, Holger (May 1997). "A Short History of the Can – Discography". Perfect Sound Forever. Retrieved 6 January 2014
  13. ^ a b Wray, Daniel Dylan (31 October 2022). "'Having limits is boring': experimental survivor Damo Suzuki on Can, cancer and krautrock". The Guardian (bl-Ingliż). ISSN 0261-3077. Miġbur 10 February 2024.
  14. ^ a b Hughes, Rob (2016). "The Prog Interview: Can's Damo Suzuki". Louder. Arkivjat mill-orġinal fl-15 April 2021.
  15. ^ a b ċ Eede, Christian. "Can's Damo Suzuki Has Died, Aged 74". The Quietus, 10 February 2024. Retrieved 11 February 2024
  16. ^ "A list of Damo's "Sound Carriers"". Arkivjat minn l-oriġinal fl-20 June 2008. Miġbur 14 October 2021.
  17. ^ "Damo Suzuki: 'I just don't like to have any kind of a goal'". yorkshirepost.co.uk (bl-Ingliż). Miġbur 25 February 2022.
  18. ^ Greer, Robert (2014). "Being Damo Suzuki: The Man Who Practically Invented Post-Punk and Ambient Music". Vice. Arkivjat mill-orġinal fl-12 June 2021.
  19. ^ Chelosky, Danielle (10 February 2024). "Can vocalist Damo Suzuki dead at 74". Stereogum (bl-Ingliż). Miġbur 10 February 2024.
  20. ^ "Damo Suzuki Documentary "Energy" Gets Strong Crowdfund Support" (bl-Ingliż). 17 July 2021. Miġbur 25 February 2022.
  21. ^ Hunt, Elle (23 January 2017). "Jaki Liebezeit, drummer of seminal krautrock band Can, dies at 78". The Guardian. London. Miġbur 28 April 2019.
  22. ^ Johnson, Craig. "Damo Suzuki : HollyAris : I Am Damo Suzuki". Spike Magazine, 1 February 2005. Retrieved 1 May 2022
  23. ^ "I Am Damo Suzuki biography to be published by Omnibus Press". The Wire, 2 January 2019. Retrieved 10 February 2024
  24. ^ Middles, Mick. "The Fall: This Nation's Saving Grace Omnibus Edition – review". The Quietus, 26 January 2011. Retrieved 11 February 2024
  25. ^ Minkovsky, Natalya. "Mooney Suzuki Interview". Kludge. Arkivjat minn l-oriġinal fl-9 February 2006. Miġbur 24 November 2015.
  26. ^ Stubbs, David (2004). Ege Bamyasi (CD liner notes). Spoon Records.

Ħoloq esterni

[immodifika | immodifika s-sors]
Miksub minn "https://mt.wikipedia.org/w/index.php?title=Damo_Suzuki&oldid=303885"