Claude de la Sengle
| Claude de la Sengle | |||
|---|---|---|---|
 | |||
1553 - 1557 ← Juan de Homedes - Jean Parisot de la Valette → | |||
| Ħajja | |||
| Twelid | Franza, 1494 | ||
| Nazzjonalità | Franza | ||
| Mewt | Mdina, 18 Awwissu 1557 | ||
| Edukazzjoni | |||
| Lingwi | Franċiż | ||
| Okkupazzjoni | |||
| Okkupazzjoni | patri ġellied | ||
Claude de la Sengle (1494 – 18 ta’ Awwissu 1557) kien it-48 Gran Mastru tal-Ordni ta’ Malta, mill-1553 sa mewtu fl-1557. Is-suċċessur tiegħu kien Jean Parisot de Valette.
Imwieled Franza, Sengle, beda l-karriera militari tiegħu bħala balliju tal-langue Franċiża tal-Ordni. Kien involut sew fil-battalji tal-Kavallieri fil-Mediterran u fl-Afrika ta’ Fuq kontra l-kursari Ottomani mmexxija mill-Ammiral Turgut Reis, u partikolarment fil-ġlidiet għal Djerba u Tripli.
Sengle kellu impatt konsiderevoli fuq it-tisħiħ militari ta' Malta, notevolment billi beda l-iżvilupp tal-belt ta' l-Isla fl-1554, li aktar tard isemmiet għalih u bdiet tuża l-arma tiegħu.[1] Huwa kabbar ukoll il-Forti San Mikiel f'sur ewlieni u lesta l-Forti Sant'Iermu, li kien inbeda mill-predeċessur tiegħu, il-Gran Mastru Juan de Homedes y Coscon.
Aktar tard, Karlu V ried jagħti Mehdia lill-Ordni, iżda l-kummissjoni li twaqqfet għal dan iddeċidiet li kienet se tkun tiswa wisq biex tinżamm. Għalhekk, Karlu V ordna lill-Viċire ta’ Sqallija, Juan de Vega, biex jeqridha biex jipprevjeni l-okkupazzjoni Musulmana.[2] Vega ħaraq lil Mehdia, iżda rritalja kontra Malta talli ma aċċettatx il-belt u pprojbixxa l-esportazzjoni tal-qamħ lejn il-gżira. Biex jiġġieled dan, Sengle ġab Malta lill-inġinier Vincenzo Vogo biex jaġġorna l-imtieħen ħalli l-popolazzjoni ma tmutx bil-ġuħ.
It-tromba li ħakmet lill-Port il-Kbir aktarx li seħħet matul ir-renju ta’ Sengle fl-1555 jew fl-1556, għalkemm xi sorsi jgħidu li seħħet fl-1551. Skont xi sorsi, erba’ galljuni bl-isem ta’ Santa Fè, San Michele, San Filippu, u San Claudio nqalbu fit-tromba tal-arja u kellha tasal għajnuna minn barra biex l-Ordni tissostiwixxi dawn il-galjuni b'oħrajn ġodda. Fl-1557, il-Prijur François de Lorena kkmanda ħamsa mill-galljuni tal-Ordni u huma tqabdu ma' flotta Musulmana 'l barra minn Rodi. L-Ottomani rebħu t-taqbida, u mietu ħafna nies. Il-galjuni li kien fadal waslu fil-Port il-Kbir fis-17 ta’ Ġunju, u Sengle u ħafna oħrajn bkew meta semgħu bit-telfa ta' dawk li mietu fit-taqbida.[3]
Wara din it-telfa, saħħet Sengle marret lura u rtira lejn Boschetto. Huwa miet fit-18 ta' Awwissu 1557 fl-Imdina u ndifen fil-Kappella ta' Sant'Anna ġewwa l-Forti Sant'Anġlu. Qalbu kienet midfuna fil-Knisja tal-Lunzjata, barra r-Rabat.[4] Aktar tard fis-seklu 16 il-fdalijiet tiegħu ġew imċaqalqa għall-kripta tal-Kon-Katidral ta' San Ġwann fil-Belt Valletta.[5]
Referenzi[immodifika | immodifika s-sors]
- ^ "Sovereign Military Order of Malta - Grandmaster Claude de la Sengle". Flags of the World. Miġbur 5 October 2014.
- ^ Houtsma, M. Th. (1993). E. J. Brill's first encyclopaedia of Islam : 1913 – 1936. 5. Leiden: BRILL. p. 122. ISBN 9789004097919.
- ^ Abela, Joe. "Claude de la Sengle (1494 - 1557)". Senglea Local Council. Miġbur 5 October 2014.
- ^ "Claude De La Sengle : 1553-1557". San Andrea School. Arkivjat minn l-oriġinal fl-6 July 2007. Miġbur 5 October 2014.
- ^ Mallia-Milanes, Victor (2008). The Military Orders: History and heritage. Aldershot: Ashgate Publishing Limited. p. 62. ISBN 9780754662907. Miġbur 21 September 2014.
| Internazzjonali | |
|---|---|
| Nazzjonali | |
| Nies | |
| Oħra | |
Ħoloq esterni[immodifika | immodifika s-sors]
- Muniti tal-Gran Mastru Claude de la Sengle fuq coinsofmalta.com
| Predeċessur Juan de Homedes y Coscon |
Gran Mastru tal-Ordni ta' San Ġwann 1553–1557 |
Suċċessur |