Anton Agius Muscat

Minn Wikipedija, l-enċiklopedija l-ħielsa
Jump to navigation Jump to search

Anton Agius Muscat (Ħamrun, 19 ta’ April 1931 - 2 ta' Frar 2018) kien għalliem u awtur Malti.

Studji[immodifika | immodifika s-sors]

Studja l-Liċeo, is-St Michael’s Training College u f’St Mary University College ta’ Twickenhan, l-Ingilterra.

Għalliem[immodifika | immodifika s-sors]

Fl-1950 beda jgħallem mad-Dipartiment tal-Edukazzjoni, fl-1960 laħaq assistent kap u fl-1970 inħatar Kap ta’ skola. Huwa rtira mis-servizz fl-1992.

Ħidma Favur il-Malti[immodifika | immodifika s-sors]

Agius Muscat hu magħruf aktar għall-ħidma tiegħu fil-Moviment tal-Malti u l-Għaqda Letterarja Maltija fejn ħa ħsieb jippreżenta diversi programmi letterarji fiż-żewġ għaqdiet.

Fl-1960 kien milqugħ bħala membru tal-Għaqda tal-Kittieba tal-Malti, magħrufa llum bħala l-Akkademja tal-Malti, u għal snin twal ħadem fil-kunsill kemm bħala Segretarju Relazzjonijiet Pubbliċi kif ukoll bħala Teżorier u Viċi President.

F’isem L-Akkademja tal-Malti organizza u mexxa erbatax-il programm televiżiv fl-1980/81 bl-isem Ħarsa mill-Qrib, li fihom it-telespettatur iltaqa’ ma’ kittieba anzjani.

Fl-1982, Karmenu Vassallo ddeskrivieh bħala “kontributur ħawtiel u lieżem fil-qasam ġurnalistiku Malti, b’ħemel ta’ kitba bl-Ingliż u bil-Malti ta’ qatgħa u xejra kulturali/edukattiva/soċjali."