Anderson Ribeiro

Minn Wikipedija, l-enċiklopedija l-ħielsa
Jump to navigation Jump to search
Anderson Ribeiro
Informazzjoni personali
Isem sħiħAnderson Mendes Ribeiro
Twelid2 ta' Lulju 1981 (1981-07-02) (37 sena)
Porto Alegre
PajjiżBandiera tal-Brażil Brażil
Tul1.84 m
RwolAttakkant
Informazzjoni fuq il-klabb
Klabb kurrentiĦamrun Spartans
Klabbs ġovanili
Internacional
Klabbs professjonali*
SninKlabbPreżGwls
2003–2004Arsenal Kharkiv41(15)
2004Metalist Kharkiv12(4)
2005–2009Kharkiv92(15)
2009–2010Tarxien Rainbows21(11)
2010–2011Metalurh Zaporizhya7(1)
2011–2012Ħamrun Spartans31(15)
2012–Hibernians13(3)
* Il-preżenzi u l-gowls fil-karriera professjonali huma validi biss għall-kampjonat domestiku.
Aġġornament: 09:48, 16 Diċembru 2012 (UTC)

Anderson Mendes Ribeiro (Porto Alegre, 2 ta' Lulju 1981) huwa plejer tal-futbol Brażiljan li jilgħab bħala attakkant ma' Hibernians.

Karriera[immodifika | immodifika s-sors]

Imwieled il-Brażil, fl-2002 il-president ta' Arsenal Kharkiv Volodymyr Chumak stiednu fil-klabb Ukren, li dakinhar kien għadu jilgħabu fit-tieni diviżjoni tal-pajjiż. Ribeiro aċċetta l-offerta, biex b'hekk sar l-ewwel Brażiljan li qatt ingħaqad mal-klabb. Wara perjodu ta' adattament fejn fost oħrajn tgħallem ir-Russu,[1] hu mal-ewwel sar favorit fost il-partitarji. Fl-ewwel u l-uniku staġun tiegħu mal-klabb, hu skorja 15-il gowl.

Fl-2005 issieħeb ma' Kharkiv, fejn għal darb'oħra sar pedina importanti tal-iskwadra. Magħhom għamel sal-2009, meta f'Lulju tal-2009 kompla t-trasferiment tiegħu mal-klabb Malti ta' Tarxien Rainbows. Iddebutta fit-22 ta' Awwissu 2009, fir-rebħa ta' 4–1 kontra Dingli Swallows, fejn skorja doppjetta.[2][3] Fl-ewwel staġun tiegħu f'Malta hu lagħab 21 logħba fil-kampjonat, u ħalla l-marka tiegħu bi ħdax-il gowl fejn ġie nominat għal erba' darbiet bħala l-plejer tal-logħba.

Fi tmiem l-istaġun iddeċieda li jirritorna lura l-Ukrajna meta iffirma kuntratt ta' sentejn ma' Metalurh Zaporizhya.[4] Madanakollu, it-tieni esperjenza tiegħu ġewwa l-Ukrajna kellha tkun waħda qarsa kemm mil-lat personali u anki min-naħa tal-klabb; Ribeiro ftit li xejn sab spazju fl-ewwel tim, partikularment minħabba l-problemi fiżiċi fil-bidu tal-istaġun, u l-klabb safa relegat għall-Persha Liha (it-tieni serje) għall-ewwel darba fl-istorja.

Magħluqa l-parentesi Ukrajna, Ribeiro irritorna Malta għal darb'oħra fejn issieħeb mal-klabb ta' Ħamrun Spartans b'kuntratt ta' sentejn.[5] Iddebutta fl-ewwel ġurnata tal-kampjonat 2011–12, u skorja darbtejn fil-konfront kontra Balzan Youths fir-rebħa ta' 3–1.[6] Hu spiċċa l-istaġun bħala l-aqwa skorer tat-tim bi 15-il gowl hekk kif għen lil Ħamrun jaħarbu mir-relegazzjoni. Fis-sajf tal-2012 hu ngħaqad ma' Hibernians.

Referenzi[immodifika | immodifika s-sors]

  1. ^ (Russu) Украина стала для меня второй родиной (L-Ukrajna saret it-tieni dar tiegħi). ua-football.com, 29-04-2008
  2. ^ (Ingliż) Dingli Swallows FC 1-4 Tarxien Rainbows FC. mfa.com.mt, 22-08-2009. Aċċess tal-URL: 22-08-2011.
  3. ^ Carl Farrugia. Tarxien Rainbows jibdew b'rebħa kbira. maltarightnow.com, 22-08-2009. Aċċess tal-URL: 22-08-2011.
  4. ^ (Russu) Рибейро: "Еще зимой мог вернуться в Украину". football.ua, 18-07-2010
  5. ^ (Ingliż) Ħamrun unveil Ribeiro, Hibs eye Brazilian trio. timesofmalta.com, 25-06-2011. Aċċess tal-URL: 22-08-2011.
  6. ^ (Ingliż) Quick goals propel Reds to victory. timesofmalta.com, 22-08-2011. Aċċess tal-URL: 22-08-2011.

Ħoloq esterni[immodifika | immodifika s-sors]