Ġużè Cassar

Minn Wikipedija, l-enċiklopedija l-ħielsa
Jump to navigation Jump to search

Ġużè Cassar (Qrendi, 22 ta' Jannar 1918 - 27 ta' Novembru 2001) kien Deputat Priministru tal-Gvern Malti fis-snin sebgħin u tmenin. Kien ukoll Ministru fl-aħħar tas-snin erbgħin u fis-snin ħamsin.

Politika[immodifika | immodifika s-sors]

Fl-1945 kien elett mill-ewwel distrett bħala Membru tal-Kunsill tal-Gvern mal-Partit Laburista. Fl-1947 reġa' kien elett, fuq it-tielet distrett. Għamel sitt xhur speaker.

Ministru[immodifika | immodifika s-sors]

Fl-1948 inħatar Ministru tal-Ġustizzja u Affarijiet Parlamentari. Wara li l-Partit Laburista nqasam, huwa ħareġ mal-partit ġdid ta' Pawlu Boffa u kien elett mit-tielet distrett fl-1950 u fl-1951. F'dak il-gvern ta' koalizzjoni huwa kien Ministru tal-Ġustizzja.

Fl-1953 huwa reġa' ngħaqad mal-Partit Laburista, u fl-1955 reġa' sar Ministru. Fl-1962 u l-1966 huwa ma kkontestax l-elezzjoni li fiha l-Partit kellu fuqu d-dnub il-mejjet impost mill-Knisja.

Fl-1971 inħatar Ministru tas-Servizzi Soċjali u Xogħol.

Fl-1974 inħatar Ministru tal-Edukazzjoni.

Fl-1976 inħatar Deputat Priministru u Ministru tal-Ġustizzja, Artijiet u Djar.

Fl-1979 inħatar Ministru tal-Finanzi.

Fl-1981 reġa' nħatar Ministru tal-Ġustizzja.

Fl-1987 huwa kien elett għall-aħħar darba fil-Parlament. Fl-1992 reġa' kkontesta iżda ma telax.


Predeċessur
Anton Buttigieg
Deputat Priministru ta' Malta
1976–1987

Suċċessur
Guido de Marco