Joe Brincat (politiku)

Minn Wikipedija, l-enċiklopedija l-ħielsa
Jump to navigation Jump to search

Joe Brincat (22 ta' Marzu 1943) huwa avukat u kien Ministru tal-Ġustizzja, Artijiet u Djar għal sentejn u nofs, minn Lulju 1979 sa Diċembru 1981. Huwa kien darbtejn Deputat Mexxej tal-Partit Laburista għall-affarijiet tal-Partit, bejn l-1976 u l-1980, u bejn l-2003 u l-2008. Kien Deputat Mexxej għall-affarijiet tal-Parlament mill-1987 sal-1992. Kien viċi-president tal-Assemblea tal-Kunsill tal-Ewropa fl-1978 u għal ħafna snin kien rappreżentant ta' Malta fl-istess Parlament.

Politika[immodifika | immodifika s-sors]

Fl-1992 huwa kien ikkontesta għall-elezzjoni ta' mexxej tal-Partit Laburista, iżda l-elezzjoni ntrebħet minn Alfred Sant. Sal-1996 huwa rriżenja mill-Partit Laburista iżda żamm postu fil-Parlament. Meta Sant sar Priministru, Brincat reġa' resaq lejn il-Partit u ħejja liġi fuq l-annimali b'rabta mal-Pulizija.

Brincat kien l-uniku wieħed mill-grupp parlamentari Laburista li kien preżenti ghall-funeral ta’ Raymond Caruana f’Diċembru 1986 fil-Gudja. B’mod pubbliku kien l-uniku wieħed mill-Partit Laburista li dakinnhar iddisassoċja ruħu mill-vjolenza politika.

Wara r-rebħa tal-Partit Laburista fl-2013, Brincat beda jħejji emendi ghal ligijiet ezistenti li jirrigwardaw id-drittijiet tal-annimali, u wara għadda dawn il-proposti lill-Kunsill ghall-Harsien tal-Annimali (Animal Welfare Council).

Predeċessur
Ġużè Cassar
Ministru tal-Ġustizzja
1979–1981

Suċċessur
Ġużè Cassar