Liebru ta' Granada

Minn Wikipedija, l-enċiklopedija l-ħielsa

Liebru ta' Granada
Liebru ta' Granada Lepus granatensis
Klassifikazzjoni Xjentifika
Renju: Animalia Fajlum: Chordata Klassi: Mammalia Sottoklassi: Theria Infraklassi: Eutheria Superordni: Euarchontoglires Ordni: Lagomorpha Familja: Leporidae Ġeneru: Lepus Speċi: L. granatensis
Isem binominali
Lepus granatensis (Rosenhauser, 1856)
Sottospeċi
Lepus granatensis gallaecius Lepus granatensis granatensis Lepus granatensis solisi

Il-Liebru ta' Granada jew kif inhu magħruf xjentifikament Lepus granatensis huwa speċi ta' mammiferu plaċentat tal-familja Leporidae (leporidu), fl-ordni Lagomorpha (lagomorfu), nattiv tal-kontinent ta' l-Ewropa.

Dan il-liebru huwa speċi komuni mifruxa sew ma' arja vasta fil-penisula Iberika u rari jekk mhux estinta fuq il-gżira ta' Majorka ("Mallorca").

Din l-ispeċi kienet ikkunsidrata għal żmien twil bħala sottospeċi tal-Liebru Ewropew Lepus europaeus u anke bħala sottospeċi tal-Liebru ta' Kap Lepus capensis. Il-Liebru ta' Granada huwa l-iżgħar speċi ta' liebru li hemm fil-penisula Iberika, b' tul massimu ta' 45 ċentimetru, b' 10 ċentimetri oħra f' denb u b' piż li jvarja bejn 2 u 2.5 kilogrammi.

[editja] Klassifikazzjoni

Dan il-liebru wara ħafna riklassifikazzjonijiet bħala sottospeċi ġie kklassifikat bħala speċi separata, 1 minn 10 speċijiet li qegħdin ikklassifikati fis-sottoġeneru Eulagos u maqsuma minn ta' linqas f' 3 sottospeċijiet.

• Ordni Lagomorpha
  • Familja Leporidae
    • Sottofamilja Leporinae
      • Tribù Leporini
        • Ġeneru Lepus
          • Sottoġeneru Eulagos
            • Liebru ta' Granada Lepus granatensis
              • Sottospeċi
              • Liebru Galliku, Lepus granatensis gallaecius (Miller, 1907)
              • Liebru Kastellan, Lepus granatensis granatensis (Rosenhauser, 1856)
              • Liebru Majorkin, Lepus granatensis solisi (Palacios & Fernández, 1992)

[editja] Sinonimi

"Lepus europaeus granatensis" u "Lepus capensis granatensis" huma sinonimi jew l-istess bħal u jirreferu għal Lepus granatensis ta' Rosenhauser, 1856.

[editja] Referenzi

• Hoffmann, Robert S.; Andrew T. Smith (November 16, 2005). Wilson, D. E., and Reeder, D. M. (eds): Mammal Species of the World, 3rd edition, Johns Hopkins University Press. ISBN 0-8018-8221-4.
• The Paleobiology Database.
• Tassonomija tal-Mammiferi.