Isco

Minn Wikipedija, l-enċiklopedija l-ħielsa
Aqbeż lejn: navigazzjoni, fittex
Isco
Francisco Román Alarcón Suárez.jpg
Informazzjoni personali
Isem sħiħ Francisco Román Alarcón Suárez
Twelid 21 ta' April 1992 (1992-04-21) (22 sena)
Benalmádena
Pajjiż Bandiera ta' Spanja Spanja
Tul 1.75m
Rwol Midfilder offensiv
Informazzjoni fuq il-klabb
Klabb kurrenti Real Madrid
Numru 23
Klabbs ġovanili
Benamiel
2006–2009 Valencia
Klabbs professjonali*
Snin Klabb Preż Gwls
2009–2011 Valencia B 52 (16)
2010–2011 Valencia 4 (0)
2011–2013 Málaga 60 (13)
2013– Real Madrid 3 (3)
Tim nazzjonali
2008 Spanja U16 3 (1)
2008–2009 Spanja U17 21 (6)
2010 Spanja U18 1 (1)
2010–2011 Spanja U19 12 (7)
2011 Spanja U20 6 (1)
2011– Spanja U21 16 (9)
2012 Spanja U23 5 (0)
2013– Spanja 1 (0)
* Il-preżenzi u l-gowls fil-karriera professjonali huma validi biss għall-kampjonat domestiku.
Aġġornament: 3 ta' Awwissu 2013

Francisco Román Alarcón Suárez (Benalmádena, 21 ta' April 1992), komunement magħruf bħala Isco, huwa futboler professjonali Spanjol li jilgħab ma' Real Madrid bħala midfilder offensiv.

Karriera[editja]

Valencia[editja]

Isco huwa prodott tal-akkademija ta' Valencia, u ddebutta mat-tim tal-kbar fil-11 ta' Novembru 2010 kontra UD Logroñés, partita valida għall-Copa del Rey; hu skorja żewġ gowls f'rebħa ta' 4–1 (7–1 bl-aggregat).[1] Preċedentement, huwa qatta' staġun sħiħ mat-tim tar-riservi fis-Segunda División B, fejn skorja darba f'25 logħba filwaqt li sofra r-relegazzjoni.

Isco lagħab l-ewwel logħba tiegħu fil-La Liga fl-14 ta' Novembru 2010, billi lagħab 20 minuta f'rebħa ta' 2–0 kontra Getafe, wara li ħa post Aritz Aduriz.[2]

Málaga[editja]

F'Lulju tal-2011, wara li għen it-tim B ta' Valencia jirritornaw lura għat-tielet livell tal-futbol Spanjol fejn skorja 15-il gowl, Isco iffirma kuntratt ta' ħames snin ma' Málaga, wara li l-klabb attiva l-klawsola tiegħu ta' 6 miljuni.[3] Huwa skorja l-ewwel gowl tiegħu fil-21 ta' Novembru 2011, fir-rebħa ta' 3-1 barra min darhom kontra Racing de Santander.[4] Isco temm l-ewwel staġun tiegħu bi 32 logħba u ħames gowls, hekk kif għen lit-tim jikkwalifika għall-UEFA Champions League għall-ewwel darba fil-karriera tiegħu u għall-ewwel darba fl-istorja ta' Málaga.

Fit-18 ta' Settembru 2012, fl-ewwel logħba ta' Málaga fil-fażi tal-gruppi tal-UEFA Champions League, Isco skorja darbtejn f'rebħa ta' 3–0 kontra Zenit Saint Petersburg, u kien magħżul bħala l-plejer tal-logħba.[5] Fit-22 ta' Diċembru, hu skorja l-ewwel gowl f'rebħa ta' 3–2 kontra Real Madrid ġewwa La Rosaleda, li fissret l-ewwel rebħa ta' Málaga kontra l-avversarji f'29 sena.[6] F'Diċembru, hu rebaħ l-premju tal-Golden Boy meta għeleb lil Stephan El Shaarawy u Thibaut Courtois.[7]

Fit-28 ta' Jannar 2013, Isco iffirma kuntratt ġdid li rat il-klawsola għall-bejgħ tiegħu stabbilita għal €35 miljun.[8]

Real Madrid[editja]

Fis-26 ta' Ġunju 2013, il-president ta' Real Madrid Florentino Pérez ikkonferma li ntlaħaq ftehim ma' Isco u li l-plejer se jiġi ppreżentat mill-klabb fil-ġimgħa d-dieħla, ġaladarba huwa jkun għadda mit-testijiet mediċi tiegħu.[9] Ġurnata wara, Isco ffirma kuntratt ta' ħames snin ma' Real Madrid, hekk kif sar l-ewwel plejer li nxtara taħt il-kowċ il-ġdid Carlo Ancelotti.[10]

Fit-18 ta' Awwissu 2013, huwa għamel id-debutt tiegħu ma' Real Madrid fl-ewwel ġurnata tal-kampjonat fejn assista u skorja l-gowl tar-rebħa, b'daqqa ta' ras fil-85 minuta, f'rebħa ta' 2–1 f'darhom kontra Real Betis.[11] Huwa kompla bil-forma tiegħu billi skorja żewġ gowls kontra Athletic Bilbao fl-1 ta' Settembru.[12]

Internazzjonali[editja]

Isco deher mat-tim Spanjol ta' taħt is-17-il sena fit-Tazza tad-Dinja U-17 2009, u skorja tliet darbiet hekk kif Spanja spiċċaw it-tielet. Fl-2011 huwa rrappreżenta lil pajjiżu fit-Tazza tad-Dinja U-20 miżmuma fil-Kolombja, u skorja gowl wieħed fil-kwarti tal-finali.

Fil-15 ta' Mejju 2012, ġie magħżul għall-ewwel darba mat-tim tal-kbar għal-logħba ta' ħbiberija kontra s-Serbja u l-Korea t'Isfel, iżda ma ħa daħal jilgħab fl-ebda logħba. Fis-6 ta' Frar 2013, Isco għamel id-debutt tiegħu mal-iskwadra hekk kif lagħab l-aħħar 30 minuta fir-rebħa ta' 3–1 kontra l-Urugwaj f'Doha, il-Qatar.[13]

Unuri[editja]

Nazzjonal[editja]

Individwali[editja]

Statistika[editja]

Klabb[editja]

Statistika aġġornata sal-1 ta' Settembru 2013

Klabb Staġun Kampjonat Tazza Kontinentali Total
Preż Gowls Preż Gowls Preż Gowls Preż Gowls
Spanja Kampjonat Copa del Rey Ewropa Total
Valencia 2010–11 4 0 1 2 2 0 7 2
Total 4 0 1 2 2 0 7 2
Málaga 2011–12 32 5 3 0 35 5
2012–13 28 8 0 0 6 3 34 11
Total 69 14 3 0 10 3 82 17
Real Madrid 2013–14 3 3 0 0 0 0 3 3
Total 3 3 0 0 0 0 3 3
Total tal-karriera 76 17 4 2 12 3 92 22

Referenzi[editja]

  1. ^ (Ingliż) Valencia 4-1 Logrones CF. ESPN, 11 ta' Novembru 2010
  2. ^ (Ingliż) Valencia 2 - 0 Getafe. ESPN, 14 ta' Novembru 2010
  3. ^ (Spanjol) Isco firma cinco temporadas por el Málaga, Marca, 11 ta' Lulju 2011.
  4. ^ (Ingliż) Racing Santander 1 - 3 Malaga. ESPN, 21 ta' Novembru 2011
  5. ^ (Ingliż) Graham Hunter, Magical Málaga make it a debut to remember, UEFA.com, 18 ta' Settembru 2012.
  6. ^ (Ingliż) Keeghann Sinanan, Malaga 3-2 Real Madrid: Casillas dropped as beleaguered Blancos succumb to Santa Cruz double, Goal.com, 22 ta' Diċembru 2012. Aċċess tal-URL: 7 ta' Jannar 2013.
  7. ^ (Spanjol) Isco, ganador del prestigioso Golden Boy 2012, Málaga CF, 22 ta' Diċembru 2012. Aċċess tal-URL: 4 ta' April 2013.
  8. ^ (Ingliż) Isco ends speculation regarding future by penning new Malaga contract, Sky Sports, 28 ta' Jannar 2013. Aċċess tal-URL: 28 ta' Jannar 2013.
  9. ^ (Ingliż) Transfer News: Real Madrid say they have won battle to sign Isco, Sky Sports, 26 ta' Ġunju 2013.
  10. ^ (Spanjol) Isco, nuevo jugador del Real Madrid, Real Madrid CF, 26 ta' Ġunju 2013.
  11. ^ (Ingliż) Real Madrid give Carlo Ancelotti winning start after Isco's dream debut, Guardian, 18 ta' Awwissu 2013. Aċċess tal-URL: 19 ta' Awwissu 2013.
  12. ^ (Spanjol) Progresa adecuadamente, Marca, 1 ta' Settembru 2013. Aċċess tal-URL: 1 ta' Settembru 2013.
  13. ^ (Spanjol) Campeón hasta en los simulacros, Marca, 6 ta' Frar 2013.

Ħoloq esterni[editja]