Gareth Barry
Gareth Barry  |
||
 |
||
| Informazzjoni personali | ||
|---|---|---|
| Isem sħiħ | Gareth Barry | |
| Twelid | 23 ta' Frar 1981 Hastings |
|
| Pajjiż |  Ingilterra |
|
| Tul | 1.83 m | |
| Rwol | Midfilder | |
| Informazzjoni fuq il-klabb | ||
| Klabb kurrenti | Manchester City | |
| Klabbs ġovanili | ||
| 1996–1997 | Brighton & Hove Albion | |
| Klabbs professjonali | ||
| Snin | Klabb | Preż (Gwl)* |
| 1997–2009 2009– |
Aston Villa Manchester City |
365 (41) 0 (0) |
| Tim nazzjonali | ||
| 2000– | Ingilterra | 30 (2) |
|
Aġġornament: 11:37, 25 Ġunju 2009 (UTC) |
||
Gareth Barry (Hastings, 23 ta' Frar 1981) hu plejer tal-futbol Ingliż li jilgħab fil-Premier League ma' Manchester City u fuq livell internazzjonali mat-tim nazzjonali Ingliż.
Werrej |
Karriera [editja]
Aston Villa [editja]
Barry ingħaqad ma' Aston Villa fl-1997 minn Brighton & Hove Albion, flimkien ma' Michael Standing. Madanakollu, it-trasferiment ħoloq tensjoni bejn Brighton & Hove u Aston Villa, bit-tim preċedenti ta' Barry u Stading isaqsi lill-Villains għal risarċiment ta' £2.5 miljun, imma l-Football Association (FA) istabilixxiet risarċiment ta' £2.4 miljun, flimkien ma' klawżoli oħra. Hu lagħab l-ewwel partita tiegħu għal Villa fit-2 ta' Mejju 1998 kontra Sheffield Wednesday. Għall-bidu beda jilgħab bħala difensur, fuq in-naħa xellugija tat-trident difensiv li kien jinkludi lil Gareth Southgate u Ugo Ehiogu. Minn dak iż-żmien Barry beda jkabbar kwalitajiet versatili, fejn minn difensur ċentrali, mexa għal difensur xellugija, imbagħad għal midfilder xellugi u finalment stabbilixxa ruħu bħala midfilder ċentrali.
F'Novembru tal-2007, kien ġie irrappurtat li Aston Villa kienu qed jippreparaw partita ta' testimonjanza għal Barry, fl-età ta' 26 sena, biex jirrikonoxxu l-għaxar snin li qatta' mal-klabb. Nhar il-5 ta' April 2008, Barry għen iwaqqaf serje ta' riżultati negattivi, meta skorja fir-rebħa ta' 4–0 fuq Bolton Wanderers, grazzi għad-doppjetta tiegħu u żewġ assists li wettaq tul il-partita.
Sa April 2008, Barry, li kien qed joqrob l-400 apparenza għal Aston Villa, kien l-iktar plejer li qatt serva lit-tim fl-istorja.[1] Matul il-partita mill-kampjonat kontra Bolton Wanderers tat-28 ta' Ottubru 2007, Barry sar l-iżgħar plejer li qatt deher fi 300 logħba tal-Premier League (meta dakinhar Barry kellu 26 sena u 247 ġurnata), fejn ħa post id-detentur tar-rekord, Frank Lampard.[2]
Kontroversja ma' Liverpool [editja]
F'Mejju tal-2008, Liverpool esprimew interess f'Barry u offrew somma ta' £10 miljun, liema offerta ġiet rifjutata; ġew offerti diversi somom oħra, bl-offerta ta' £13-il miljun tat-12 ta' Ġunju 2008, tiġi rrifjutata. Liverpool naqsu li jilħqu l-istima ta' Aston Villa.[3][4][5]
Fid-29 ta' Ġunju 2008, Barry, li kien għadu baqagħlu sentejn fil-kuntratt attwali tiegħu, pubblikament ikkritika lill-kowċ O'Neill f'gazzetta tal-Ħadd fejn stqarr li ma kien sar l-ebda sforz mill-organiku ta' Aston Villa biex jinżamm f'Villa Park. Hu qal: "Villa komplew jgħidu li huma xtaqu li jienu nibqa' imma jien, għal diversi ġimgħat, ma smajt xejn min-naħa tal-kowċ" u reġa' wera x-xewqa li jingħaqad ma' Liverpool għal possibilità ta' esperjenza fil-UEFA Champions League.[6] O'Neill irrisponda billi stqarr li hu u l-proprjetarju tal-klabb Randy Lerner taw lil plejer diversi għażliet u inċentivi biex jibqa' jilgħab mal-klabb. Dan l-inċident wassal lil Aston illa biex uffiċjalment jiddixiplinaw lil Barry nhar it-2 ta' Lulju 2008, talli ta intervista mhux awtorizzata. F'dak l-istess żmien, offerta oħra ta' £15-il miljun mit-tim ta' Liverpool ġiet miċħuda, li kienet għadha 'l bogħod mit-18-il miljun li kienu qed jippretendu Aston Villa. Steven Finnan iddaħħal fit-trattativa, imma Aston Villa barra Finnan riedu somma ta' £17-il miljun, skont dak irrapuratat mill-BBC.[7] Fil-31 ta' Lulju 2008, Villa ħabbru li Barry kien se jibqa' mal-klabb.
Kontinwazzjoni ma' Aston Villa [editja]
Minkejja l-ħafna spekulazzjonijiet li ġabu għagħa kbira matul is-sajf kollu fuq il-futur inċert ta' Barry, nhar l-14 ta' Awwissu, Barry beda l-partita għal Aston Villa fil-konfront validu għat-Tazza UEFA kontra FH Hafnarfjordur, fir-rebħa ta' 4–1. Id-dehra tiegħu f'kompetizzjoni Ewropea poġġiet f'dubju kbir jekk it-trasferiment tiegħu għal Liverpool setax jimmaterjalizza. Il-gowl tiegħu konta Hafnarfjordur kien l-ewwel wieħed għal Barry fl-Ewropa minn mindu skorja penalty fit-Tazza Intertoto kontra Celta Vigo lura fis-sena 2000. Fit-18 ta' Settembru 2008, Barry għamel l-400 apparenza bil-flokk ta' Villa fil-partita barra minn darhom kontra Litex Lovech fit-Tazza UEFA. Hu skorja penalty hekk kif Villa ħarġu 3–1 rebbieħa. Minħabba l-ħafna għajdut fuq il-futur ta' Barry, O'Neill iddeċieda li jneħħilu l-faxxa ta' kaptan u minflok beda jilbisha d-difensur veteran Martin Laursen għall-istaġun 2008–09. Wara li Laursen weġġa', Barry reġa' ħa l-faxxa f'Jannar tal-2009. Fil-karriera tiegħu ma' Aston Villa, Gareth Barry għamel 440 dehra fejn skorja 52 gowl.
Manchester City [editja]
Nhar it-2 ta' Ġunju 2009, Barry iffirma kuntratt ta' ħames snin ma' Manchester City għal somma ta' £12-il miljun.[8]
Internazzjonali [editja]
Wara li lagħab 27 partita mat-tim nazzjonali Ingliż ta' taħt il-21 sena, Kevin Keegan sejjaħlu għat-tim nazzjonali tal-kbar. Ġie magħżul fost l-iskwadra għall-Kampjonati Ewropej tas-sena 2000, minflok l-imweġġa' Jason Wilcox, imma ma lagħab fl-ebda partita. Idebutta f'partita ta' ħbiberija kontra l-Ukrajna, fil-31 ta' Mejju 2000. Lagħab l-ewwel 90 minuta tiegħu fil-partita kontra Franza tat-2 ta' Settembru 2000. L-ewwel gowl bil-flokk Ingliż wasal kontra t-Trinidad u Tobago, logħba ta' ħbiberija tal-1 ta' Ġunju 2008. Taħt il-gwida l-ġdida ta' Fabio Capello, Barry hu regularment imniżżel fl-iskwadra Ingliża fejn l-iktar pożizzjoni li jiġi skjerat fiha hi dik ta' midfilder quddiem id-difiża.[9]
Statistika tal-karriera [editja]
| Klabb | Staġun | Kampjonat | Tazza | League Cup | Ewropa | Total | |||||
|---|---|---|---|---|---|---|---|---|---|---|---|
| App | Gowls | App | Gowls | App | Gowls | App | Gowls | App | Gowls | ||
| Aston Villa[1] | 1997–98 | 2 | 0 | 0 | 0 | 0 | 0 | 0 | 0 | 2 | 0 |
| 1998–99 | 32 | 2 | 2 | 0 | 0 | 0 | 3 | 0 | 37 | 2 | |
| 1999–2000 | 30 | 1 | 6 | 0 | 8 | 0 | 0 | 0 | 44 | 1 | |
| 2000–01 | 30 | 0 | 3 | 0 | 1 | 0 | 4 | 1 | 38 | 1 | |
| 2001–02 | 20 | 0 | 1 | 0 | 0 | 0 | 7 | 0 | 28 | 0 | |
| 2002–03 | 35 | 3 | 1 | 0 | 4 | 1 | 4 | 0 | 44 | 4 | |
| 2003–04 | 36 | 3 | 1 | 1 | 6 | 0 | 0 | 0 | 43 | 3 | |
| 2004–05 | 34 | 7 | 1 | 1 | 1 | 0 | 0 | 0 | 36 | 8 | |
| 2005–06 | 36 | 3 | 3 | 1 | 3 | 2 | 0 | 0 | 42 | 6 | |
| 2006–07 | 35 | 8 | 1 | 0 | 3 | 1 | 0 | 0 | 39 | 9 | |
| 2007–08 | 37 | 9 | 1 | 0 | 2 | 0 | 0 | 0 | 40 | 9 | |
| 2008–09 | 37 | 5 | 1 | 0 | 1 | 0 | 8 | 3 | 47 | 8 | |
| Total tal-karriera | 364 | 41 | 21 | 3 | 29 | 4 | 26 | 4 | 440 | 52 | |
Korretti sal-21 ta' Mejju 2009.
Unuri [editja]
Klabb [editja]
Aston Villa
- Tazza Intertoto: 2001
Individwali [editja]
- Plejer tas-Sena: 2006–07
Referenzi [editja]
- ^ a b (Ingliż) "Gareth Barry: Player Profile".
- ^ (Ingliż) Bolton 1-1 Aston Villa. BBC Sport. Aċċess tal-URL: 31-05-2008.
- ^ (Ingliż) Villa reveal Liverpool Barry bid. BBC, 02-05-2008. Aċċess tal-URL: 02-05-2008.
- ^ (Ingliż) Villa plan last-ditch Barry talks. BBC, 12-05-2008. Aċċess tal-URL: 12-05-2008.
- ^ (Ingliż) Liverpool bid for Barry rejected. BBC, 12-06-2008. Aċċess tal-URL: 12-06-2008.
- ^ Gareth Barry: I want to join Liverpool, my mind is made up
- ^ (Ingliż) O'Neill awaits improved Barry bid. BBC, 03-07-2008. Aċċess tal-URL: 04-07-2008.
- ^ (Ingliż) England ace Barry in £12m City switch. Manchester City F.C., 02-06-2009. Aċċess tal-URL: 02-06-2009.
- ^ (Ingliż) "Defoe and Barry secure England win", 01-06-2008.
Ħoloq esterni [editja]
 |
Wikimedia Commons għandha fajls multimedjali li għandhom x'jaqsmu ma': Gareth Barry |
|
|||||
