Chris Eagles
Chris Eagles  |
||
| Informazzjoni personali | ||
|---|---|---|
| Isem sħiħ | Christopher Mark Eagles | |
| Twelid | 19 ta' Novembru 1985 Hemel Hempstead |
|
| Pajjiż |  Ingilterra |
|
| Tul | 1.83 m | |
| Rwol | Midfilder | |
| Informazzjoni fuq il-klabb | ||
| Klabb kurrenti | Burnley | |
| Numru | 33 | |
| Klabbs ġovanili | ||
| 1998–2000 2000–2003 |
Watford Manchester United |
|
| Klabbs professjonali | ||
| Snin | Klabb | Preż (Gwl)* |
| 2003–2008 2005 2005 2006 2006 2008– |
Manchester United → Watford (self) → Sheffield Wednesday (self) → Watford (self) → NEC Nijmegen (self) Burnley |
6 (1) 13 (1) 25 (3) 17 (3) 15 (1) 43 (7) |
|
Aġġornament: 05:39, 10 Mejju 2009 (UTC) |
||
Christopher Mark Eagles (Hemel Hempstead, 19 ta' Novembru 1985) hu plejer tal-futbol Ingliż li twieled f'Hemel Hempstead, Hertfordshire. Il-pożizzjoni favorita tiegħu hi dik ta' attakkant-midfilder. Hu jilgħab ma' Burnley, wara li iffirma minn mat-tim ta' Manchester United f'Lulju 2008. Hu kien ilu ma' United minn meta kien tfajjel, imma qatt ma rnexxielu jagħmilha mal-ewwel tim u qatta' ż-żmien ma' Manchester United, taħt self ma' klabbs oħra.
Werrej |
[editja] Karriera
[editja] Bidu tal-karriera
Oriġinarjament, Eagles kien parti mis-sistema ġovanili ta' Watford, fejn fl-età tenera ta' erbatax-il sena hu ngħaqad mal-akkademja ta' Manchester United.
[editja] Manchester United
Eagles iddebutta mal-ewwel tim fit-28 ta' Ottubru 2003 bħala sostitut fit-tieni taqsima għal Kieran Richardson fil-ħin supplementari kontra Leeds United fil-kompetizzjoni tal-League Cup.[1]
Eagles ġie msellef lil Watford fil-21 ta' Jannar 2005, fejn irnexxielu jagħmel tlettax-il apparenza u skorja gowl wieħed. Hu kien ukoll misluf lil Sheffield Wednesday għall-ewwel nofs tal-istaġun 2005–06 fejn skorja l-ewwel gowl għal Sheffield Wednesday fid-derby kontra Leeds United.[2] Hu temm il-perjodu ta' self b'total ta' tliet gowls.
Fis-6 ta' Jannar 2006, Eagles kien misluf għal darb'oħra lil Watford, fejn iddebutta kontra Bolton Wanderers fl-FA Cup, fejn il-"Hornets" tilfu 3–0. Fl-ewwel apparenza fil-kampjonat għal Watford kontra Stoke City, hu skorja l-unika gowl għal Watford f'dik il-logħba. Il-gowl rebbieħ fir-rebħa ta' 1–0 kontra Brighton & Hove Albion fit-18 ta' Frar li kien minn madwar 45 metru (kważi mil-linja tan-nofs) — li jixbah ħafna l-gowl ta' David Beckham għal Manchester United kontra Wimbledon madwar għaxar snin qabel — tah l-unur tal-aktar gowl prestiġjuż tal-klabb f'dak l-istaġun.
Minkejja li kien hemm nuqqas ta' midfilders fil-klabb, fil-31 ta' Awissu 2006, Eagles qabel li jagħmel erba' xhur taħt self mat-tim Olandiż ta' NEC Nijmegen, biex jikseb aktar esperjenza.
Fil-21 ta' Diċembru 2006, Eagles iddeċieda li jirritorna lura lejn Manchester United wara li kien qed ibati biex ikun plejer regulari mat-tim ta' NEC Nijmegen.[3] Hu għamel biss 11-il apparenza għal NEC, bil-maġġoranza jkunu bħala sostitut. Fit-13 ta' Marzu 2007, Eagles daħal fit-tieni taqsima għal United f'logħba ta' esebizzjoni f'Old Trafford kontra Europe XI ta' Marcello Lippi.
Fit-28 ta' April 2007, Eagles skorja l-ewwel gowl mal-ewwel tim (fit-93 minuta) għal United fir-rebħa ta' 4-2 kontra Everton wara li daħal bħala sostitut fil-logħba tal-Premier League. Din ir-rebħa tat vantaġġ ta' ħames punti f'ras il-klassifika. Fl-20 ta' Lulju 2007, matul sett ta' logħob ta' ħbiberija li saru fl-Asja bħala preparamenti għall-istaġun li jmiss, hu skorja għal United kontra FC Seoul. Erbat ijiem wara, hu skorja wkoll gowl spettakulari minn madwar 30 metru kontra Shenzhen FC, fejn b'hekk skorja 3 gowls f'5 logħbiet. Fil-partiti li ntlagħbu ta' qabel l-istaġun, Eagles skorja gowl ieħor fejn dan kien il-gowl li kiseb il-pari ta' 1-1 kontra Kaiser Chiefs. Hu beda wkoll mal-ewwel ħdax fil-partita tal-pre-staġun kontra Portsmouth fin-Niġerja, fejn skorja l-gowl tal-ftuħ għal United.
[editja] Burnley
Fid-29 ta' Lulju 2008, Eagles iffirma kuntratt ta' tliet snin ma' Burnley.[4] Id-debutt tiegħu wasal kontra Sheffield Wednesday fid-9 ta' Awwissu 2008. Ma' Burnley irnexxielu jirbaħ lura l-promozzjoni lejn il-Premier League.
[editja] Referenzi
- ^ (Ingliż) Leeds 2-3 Man Utd. BBC Sport, 28-10-2003. Aċċess tal-URL: 20-04-2008.
- ^ (Ingliż) Sheff Wed 1-0 Leeds. BBC Sport, 13-09-2005. Aċċess tal-URL: 20-04-2008.
- ^ (Ingliż) Man Utd gain work permit for Dong. BBC Sport, 06-12-2006. Aċċess tal-URL: 20-04-2008.
- ^ (Ingliż) "Burnley sign Eagles from Man Utd", 29-07-2008.
