Tito Vilanova

Minn Wikipedija, l-enċiklopedija l-ħielsa
Jump to navigation Jump to search
Tito Vilanova
Tito Vilanova (2012).jpg
Informazzjoni personali
Isem sħiħFrancesc Vilanova i Bayó
Twelid17 ta' Settembru 1968(1968-09-17)
Bellcaire d'Empordà
PajjiżBandiera ta' Spanja Spanja
Mewt25 ta' April 2014 (45 sena)
Barċellona
Tul1.78m
RwolMidfilder
Klabbs ġovanili
1984–1988Barcelona
Klabbs professjonali*
SninKlabbPreżGwls
1988–1990Barcelona B52(6)
1990–1992Figueres72(6)
1992–1995Celta26(1)
1995–1996Badajoz33(2)
1996–1997Mallorca10(0)
1997–1998Lleida21(3)
1998–2000Elche63(6)
2000–2001Gramenet3(0)
Timijiet ikkowċjati
2003–2004Palafrugell
2007–2008Barcelona B (assistent)
2008–2012Barcelona (assistent)
2012–2013Barcelona
* Il-preżenzi u l-gowls fil-karriera professjonali huma validi biss għall-kampjonat domestiku.

Francesc "Tito" Vilanova i Bayó (Bellcaire d'Empordà, 17 ta' Settembru 1968Barċellona, 25 ta' April 2014) kien plejer tal-futbol Spanjol li lagħab bħala midfilder ċentrali, u serva bħala kowċ għal staġun ma' Barcelona.

Karriera[immodifika | immodifika s-sors]

Vilanova twieled ġewwa Bellcaire d'Empordà, Girona, fil-Katalonja. Wara li tela' mis-settur taż-żgħażagħ ta' Barcelona, huwa ħalla lill-klabb fl-1990 wara li ma sabx opportunitajiet fl-ewwel tim. Mat-tieni klabb tiegħu, Figueres, hu għenhom jispiċċaw fit-tielet post fl-istaġun 1991–92 tas-Segunda División għalkemm tilfu l-finali tal-play-off kontra Cádiz. Sussegwentement, Vilanova ngħaqad ma' Celta de Vigo fl-ogħla diviżjoni Spanjola, iżda fit-tliet snin li għamel magħhom hu deher biss 26 logħba fil-kampjonat.

Vilanova beda l-karriera ta' kowċ fit-Tielet Diviżjoni Spanjola ma' Palafrugell.[1] Fl-2007, ġie maħtur bħala assistent kowċ ta' Barcelona B, taħt il-kowċ Pep Guardiola.

Fis-sajf tal-2008, wara li wasslu lit-tim tar-riservi għall-promozzjoni lejn is-Segunda División B, kemm Vilanova u Guardiola ħadu t-tmun tal-ewwel tim tal-belt Katalana. L-ewwel staġun tagħhom kien l-iktar ta' suċċess fl-istorja tal-klabb hekk kif irnexxielhom jirbħu sitt unuri u saru l-ewwel klabb Spanjol li rebħu t-Tazza tar-Re, il-kampjonat u l-UEFA Champions League (il-famuża tripletta) fl-istaġun.[2] Fis-27 ta' April 2012, f'konferenza stampa li fiha Barcelona kkonfermaw it-tluq ta' Guardiola, ġie mħabbar li Vilanova kien se jieħu postu, u fil-15 ta' Ġunju ffirma kuntratt ta' sentejn.[3] Matul l-istaġun it-tim tilef biss tmien logħbiet hekk kif ġew inkurunati ċampjins għat-22 darba fl-istorja.

Fid-19 ta' Diċembru 2012, Barcelona ħabbru li Vilanova kien qiegħed isofri minn kanċer għat-tieni darba.[4] Vilanova għadda mill-kirurġija fl-20 ta 'Diċembru, u għas-sitt ġimgħat ta' wara kien fil-kura tal-kimoterapija u radjoterapija.[5] L-assitent tiegħu Jordi Roura ħa postu matul dan il-perjodu, u Vilanova rritorna lura fuq il-bankina f'Marzu tal-2013.

Nhar id-19 ta' Lulju 2013, minħabba problemi mediċi Vilanova ħalla l-kariga tiegħu bħala kowċ tal-ewwel tim.[6] Fil-25 ta' April 2014, minħabba kumplikazzjonijiet relatati mal-marda tal-kanċer, Vilanova miet fl-età ta' 45 sena.[7]

Statistika maniġerjali[immodifika | immodifika s-sors]

Tim Minn Sa Rekord
L R D T GF GK DG % Rebħ
Barcelona 1 ta' Lulju 2012 18 ta' Diċembru 2012 27 23 2 2 77 28 +49 85.19
Barcelona 6 ta' Jannar 2013 23 ta' Jannar 2013 5 3 1 1 16 6 +10 60.00
Barcelona 1 ta' April 2013 19 ta' Lulju 2013 13 8 3 2 28 17 +11 61.54
Total 45 34 6 5 121 51 +70 75.56

Unuri[immodifika | immodifika s-sors]

Kowċ[immodifika | immodifika s-sors]

Barcelona

Referenzi[immodifika | immodifika s-sors]

  1. ^ (Katalan) De Palafrugell al Camp Nou en 10 anys, Diari de Girona, 28 ta' April 2012. Aċċess tal-URL: 2 ta' Diċembru 2012.
  2. ^ (Ingliż) Guardiola: Barca are the "best team in the world", ESPN FC, 27 ta' Mejju 2008. Aċċess tal-URL: 29 ta' Diċembru 2009.
  3. ^ (Ingliż) Tito Vilanova to sign deal to become Barcelona manager, BBC Sport, 14 ta' Ġunju 2012. Aċċess tal-URL: 14 ta' Ġunju 2012.
  4. ^ (Spanjol) Tito Vilanova recae de su enfermedad, El Mundo Deportivo, 19 ta' Diċembru 2012. Aċċess tal-URL: 19 ta' Diċembru 2012.
  5. ^ (Spanjol) Tito Vilanova será operado este jueves, FC Barcelona, 19 ta' Diċembru 2012. Aċċess tal-URL: 19 ta' Diċembru 2012.
  6. ^ (Spanjol) Tito Vilanova deja el Barça. Mundo Deportivo, 19 ta' Lulju 2013
  7. ^ (Ingliż) Ex-Barcelona coach loses cancer battle aged 45. BBC Sport, 25 ta' April 2014

Ħoloq esterni[immodifika | immodifika s-sors]