Susan Mulvaney

Dan l-artiklu ġie ppubblikat l-ewwel fil-Wikipedija bil-Malti
Minn Wikipedija, l-enċiklopedija l-ħielsa
Susan Mulvaney
Ħajja
Twelid 1946
Nazzjonalità Malta
Mewt 7 Ottubru 2017
Okkupazzjoni
Okkupazzjoni kittieb
xandar

Susan Mulvaney (Mosta, 19467 ta' Ottubru 2017) kienet preżentatriċi televiżiva u radjofonika Maltija, l-iktar magħrufha għall-produzzjoni ta' diversi programmi edukattivi u soċjali fuq ir-radju, fosthom fuq Radju Malta u l-RTK.

Xandir[immodifika | immodifika s-sors]

Il-karriera ta' Mulvaney fix-xandir bdiet f'April tal-1964 meta kienet l-ewwel tfajla fit-tieni dħul ta' apprendisti mal-Union Press f'kors tal-ġurnaliżmu u wara nħatret sotto-editur tal-ġurnal L-Orizzont fejn kellha wkoll ir-responsabbiltà tal-paġna tan-nisa.

Ħadmet ukoll fuq il-Mediterranean News u f'April tal-1976 issejħet biex tieħu f'idejha l-programm tan-nisa ta' Radju Malta Wieħed fuq bażi part-time, fejn bdiet tipproduċi programm ta' kuljum fuq ir-radju li kien immirat għan-nisa. Fl-1981 bdiet taħdem full-time ma' Xandir Malta. Fost id-diversi temi li kienet tittratta, insibu suġġetti dwar is-saħħa fiżika u mentali, il-bżonn tal-eżerċizzju, is-sigurtà fid-dar, u kif ukoll tisjir bnin.

Fl-1991 kienet fost l-ewwel ħaddiema tal-RTK, fejn ipproduċiet programmi ta' kuljum għall-familja kollha u kienet kontributur regolari għal Il-Ġens illum.

Fl-2000 kienet fost dawk nominati għall-Premju Ħaddiem tas-Sena għall-kontribut tagħha lill-Media Centre.

Kittieba[immodifika | immodifika s-sors]

Mulvaney kienet magħrufa wkoll għall-pubblikazzjoni ta' diversi kotba ta' interess għall-familja, fosthom kotba tar-riċetti u dwar l-etikett jew l-imġieba soċjali, u kienet involuta wkoll f'għaqdiet filantropiċi.

Ħajja personali[immodifika | immodifika s-sors]

Susan Mulvaney kienet miżżewġa lil Charles Sacco u kellhom żewġ ulied, Marika u Daniela.