Rudolf Clausius

Rudolf Clausius
rettur	; 1884 - 1885 ; ← Joseph Langen (en) - Karl Binz (en) →
rettur
Ħajja
Isem propju	Rudolf Julius Emanuel Clausius
Twelid	Koszalin (mul) , 2 Jannar 1822
Nazzjonalità	Renju tal-Prussja
Mewt	Bonn, 24 Awwissu 1888
Post tad-dfin	Alter Friedhof Bonn (en)
Familja
Konjuga/i	Adelheid Rimpau (mul) (1859 - 1875); Sophie Sack (mul) (1886 - 1888)
Ulied	uri Mathilde Zimmer (en) ;
Edukazzjoni
Alma mater	Friedrich-Wilhelms-Gymnasium (mul) 1840) ; Università ta' Halle-Wittenberg 1847) Dottore ; Università Friedrich-Wilhelms ; (1840 - 1844)
Livell tal-edukazzjoni	PhD fil-filosofija; honorary doctorate (en)
Teżi	De iis atmosphaere particulis quibus lumen reflectitur
Direttur tat-teżi	Johann Schweigger (en)
Studenti dottorali	Carl von Linde
Lingwi	Ġermaniż
Għalliema	Johann Schweigger (en)
Okkupazzjoni
Okkupazzjoni	għalliem fl-università; matematiku; fiżiku teoriku; fiżiku
Post tax-xogħol	Bonn; Würzburg
Impjegaturi	Università ta' Zurich ; Università Friedrich-Wilhelms (1850 - 1855); ETH Zurich (en) (1855 - 1867); Università ta' Würzburg (1867 - 1869); Università ta' Bonn (1869 - 1888)
Xogħlijiet importanti	Clausius theorem (en) ; Clausius–Clapeyron relation (en) ; Clausius–Mossotti relation (en) ; Clausius number (en) ; Clausius–Duhem inequality (en) ; Clausius's postulate (en) ; heat death paradox (en) ; Q131699758
Premjijiet	List Copley Medal (1879) ; Pour le Mérite for Sciences and Arts order (1888) ; Poncelet Prize (1882) ; Bavarian Maximilian Order for Science and Art (1885) ; Iron Cross (1871) ; Foreign Member of the Royal Society (1868) ; Huygens medal (1870) ;
Sħubija	Soċjetà Rjali; Akkademja Ġermaniża tax-Xjenzi Leopoldina; Akkademja Rjali Żvediża tax-Xjenzi; Akkademja tax-Xjenzi ta' San Pietruburgu; Akkademja Amerikana tal-Arti u tax-Xjenzi; Akkademja Ungeriża tax-Xjenzi; Koninklijke Nederlandse Akademie van Wetenschappen; Accademia dei Lincei; Akkademja tax-Xjenzi Prussjana; Accademia Nazionale delle Scienze detta dei XL; Soċjetà Rjali ta' Edinburgu; Akkademja tax-Xjenzi ta' Göttingen; Akkademja Bavarjana tax-Xjenzi; Akkademja Nazzjonali tax-Xjenzi; Akkademja tax-Xjenzi ta’ Torino
Servizz militari
Iġġieldu	gwerra Franko Prussjana; Battle of Mars-la-Tour (en) ; Battle of Gravelotte (en)

Rudolf Julius Emanuel Clausius (imwieled Rudolf Gotitlieb^[1]) (2 ta' Jannar, 1822 - 24 ta' Awissu 24, 1888), kien fiżiku u matematiku Ġermaniż u hu meqjus bħala wieħed mill-fundaturi ċentrali tax-xjenza tat-termodinamika^[2]. Permezz tal-formolazzjoni ġdida tiegħu tal-prinċipju ta' Sadi Carnot magħrufa bħala ċ-Ċiklu ta' Carnot, poġġa t-teorija tas-sħana fuq bażi aktar veru u soda. Fl-artiklu l-aktar importanti tiegħu, Dwar it-teorija mekkanika tas-sħana, ippubblikat fl-1850, ifformola ghall-ewwel darba l-ideat bażiċi tat-tieni liġi tat-termodinamika. Fl-1865 introduċa l-kunċett tal-entropija.

Ħajja

Clausius twieled f'Köslin (issa tissejjaħ Koszalin) fil-Provinċja tal-Pomeranja. Beda l-edukazzjoni tiegħu fl-iskola ta' missieru. Wara ftit snin, beda jmur il-Ġinnażju fi Stettin (issa Szczecin). Clausius ħa l-lawrja mill-Università ta' Berlin fl-1844 fejn studja l-matematika u l-fiżika taħt, fost oħrajn, Heinrich Magnus, Johann Dirichlet u Jakob Steiner. Studja wkoll l-istorja taħt Leopold von Ranke. Fl-1847, ħa dottorat mill-Università ta' Halle b'tezi dwar l-effetti ottiċi fl-atmosfera tal-Art. Imbagħad laħaq professur tal-fiżika fl-iSkola Rjali tal-Artilerija u l-Inġinerija f'Berlin u Privatdozent fl-Università ta' Berlin. Fl-1855 huwa sar professur fl-ETH Zürich, l-Istitut Federali Żvizzeru tat-Teknoloġija f'Zürich, fejn baqa' sal-1867. Matul dik is-sena, telaq biex isir professur fl-Università ta' Würzburg u sentejn wara, fl-1869 fl-Università ta' Bonn.

Ix-xogħol tiegħu

It-teżi tad-Dottorat ta' Clausius dwar ir-rifrazzjoni tad-dawl ipproponiet li naraw is-sema kaħla matul il-jum, u gradi differenti ta' aħmar fi tlugħ u nżul ix-xemx (fost fenomeni oħra) minħabba r-rifrazzjoni u r-riflessjoni tad-dawl. Aktar tard, Lord Rayleigh kellu juri li fil-fatt dan kien minħabba t-tifrix tad-dawl, imma madankollu, Clausius kien uża approċċ ferm aktar matematiku milli kien użaw xi wħud.

L-artiklu l-aktar famuż tiegħu, "Über die bewegende Kraft der Wärme" ("Dwar il-qawwa li tmexxi tas-sħana") ^[3] ġie ppubblikat fl-1850, u ttratta t-teorija mekkanika tas-sħana. F'dan id-dokument, wera li kien hemm kontradizzjoni bejn il-prinċipju ta' Carnot u l-kunċett tal-konservazzjoni tal-enerġija. Clausius ifformola mill-ġdid iż-żewġ liġijiet tat-termodinamika biex titneħħa din il-kontradizzjoni (it-tielet liġi ġiet żviluppata minn Walther Nernst, matul is-snin 1906-1912). Dan id-dokument għamlu famuż fost ix-xjenzjati.

Matul l-1857, Clausius ikkontribwixxa għall-qasam tat-teorija ċinetika wara li rfina l-mudell ċinetiku sempliċi ħafna tal-gassijiet ta' Awissu Krönig biex jinkludi movimenti translazzjonali, rotazzjonali u vibrazzjonali. F'dan l-istess xogħol introduċa l-kunċett tal-"Mogħdija ħielsa medja" ta' partiċella. ^[4] ^[5] ^[6].

Clausius iddeduċa r-relazzjoni ta' Clausius-Clapeyron mit-termodinamika. Din ir-relazzjoni, li hi mod kif tista' tiġi kkaratterizzata l-tranżizzjoni tal-fażi bejn żewġ stati tal-materja bħal solidu u likwidu, oriġinarjament kienet ġiet żviluppata fl-1834 minn Émile Clapeyron.

L-entropija

Fl-1865, Clausius ta l-ewwel verżjoni matematika tal-kunċett tal-entropija, u taha isimha wkoll. Użat l-unità ‘Clausius' issa abbandunata (simbolu: "'Cl"') għall-entropija. Clausius ħa l-kelma "entropija" mill-Grieg, en + tropein, jiġifieri "kontenut ta' bidla" ("Verwandlungsinhalt") ^[7] ^[8],

1 Cl = 1 kal/°C = 4.1868 joule għal kull kelvin (J/K)

Dawn huma żewġ frażijiet famużi li qal Clausius fl-1865:

L-enerġija tal-univers hi kostanti.

L-entropija tal-univers dejjem tersaq lejn il-massimu.

Unuri

Ġie elett Fellow tar-Royal Society of London fl-1868 u ngħata l-Midalja Copley fl-1879.
Ġie elett membru tal-Akkademja Rjali Żvediża tax-Xjenzi fl-1878.
Ingħata l-midalja Huygens fl-1870.
Ingħata l-Premju Poncelet fl-1883.
Ingħata dottorat onorarju mill-Università ta' Würzburg fl-1882.
Il-krateru Clausius fuq il-Qamar issemma għalih.

Referenzi

↑ Atkins, P.W. The Second Law (It-Tieni Liġi ), New York, Scientific American Library, 1984, isbn 0-7167-5004-X)
↑ Cardwell, D.S.L. From Watt to Clausius: The Rise of Thermodynamics in the Early Industrial Age (Minn Watt sa Clausius: Il-Bidu tat-Termodinamika fl-Età Industrijali bikrija ), Londra, Heinemann, 1971, isbn 0-435-54150-1
↑ Clausius, R. Über die bewegende Kraft der Wärme, Parti I, Parti II, Annalen der Physik, vol. 79, paġni 368–397, 500–524, 1850
↑ Clausius, R. Über die Art der Bewegung, die wir Wärme nennen, Annalen der Physik, vol. 100, paġni 353–379, 1857
↑ Clausius, R. Über die Wärmeleitung gasförmiger Körper, Annalen der Physik, vol. 15, paġni 1–57, 1862
↑ Clausius, R. (1864), Abhandlungen über die Mechanische Wärmetheorie. Manuskritt elettroniku minn Bibliothèque nationale de France
↑ Clausius, R. Über die Wärmeleitung gasförmiger Körper, Annalen der Physik, vol. 125, paġni 353–400, 1865
↑ Clausius, R. (1865). The Mechanical Theory of Heat – with its Applications to the Steam Engine and to Physical Properties of Bodies. London: John van Voorst, 1 Paternoster Row. MDCCCLXVII

Ħoloq esterni

Revival of Kinetic Theory by Clausius
bijografija ta' Clausius fuq MacTutor
Chisholm, Hugh, ed (1911). "Clausius, Rudolf Julius Emmanuel". Encyclopædia Britannica (Il-ħdax l-ed.). Cambridge University Press.

[1] Atkins, P.W. The Second Law (It-Tieni Liġi ), New York, Scientific American Library, 1984, isbn 0-7167-5004-X)

[2] Cardwell, D.S.L. From Watt to Clausius: The Rise of Thermodynamics in the Early Industrial Age (Minn Watt sa Clausius: Il-Bidu tat-Termodinamika fl-Età Industrijali bikrija ), Londra, Heinemann, 1971, isbn 0-435-54150-1

[3] Clausius, R. Über die bewegende Kraft der Wärme, Parti I, Parti II, Annalen der Physik, vol. 79, paġni 368–397, 500–524, 1850

[4] Clausius, R. Über die Art der Bewegung, die wir Wärme nennen, Annalen der Physik, vol. 100, paġni 353–379, 1857

[5] Clausius, R. Über die Wärmeleitung gasförmiger Körper, Annalen der Physik, vol. 15, paġni 1–57, 1862

[6] Clausius, R. (1864), Abhandlungen über die Mechanische Wärmetheorie. Manuskritt elettroniku minn Bibliothèque nationale de France

[7] Clausius, R. Über die Wärmeleitung gasförmiger Körper, Annalen der Physik, vol. 125, paġni 353–400, 1865

[8] Clausius, R. (1865). The Mechanical Theory of Heat – with its Applications to the Steam Engine and to Physical Properties of Bodies. London: John van Voorst, 1 Paternoster Row. MDCCCLXVII

[1]

[2]

[3]

[4]

[5]

[6]

[7]

[8]