Park Naturali ta' Dinara
,_Dinara_--_2022_--_0046.jpg)
Il-Park Naturali ta' Dinara huwa t-tnax-il park naturali fil-Kroazja. Il-park ikopri erja ta' 63,052 ettaru (630.52 km2), u jinsab fl-inħawi tal-Kontea ta' Split-Dalmazja u tal-Kontea ta' Šibenik-Knin. Huwa t-tieni l-ikbar park naturali Kroat (l-ikbar wieħed huwa l-Park Naturali ta' Velebit).[1]
Territorju
[immodifika | immodifika s-sors]Fit-22 ta' Mejju 2020, saret preżentazzjoni pubblika fi Knin bħala parti mir-rieżami pubbliku tal-Liġi dwar il-Proklamazzjoni tal-Park Naturali ta' Dinara. Għall-preżentazzjoni kienu preżenti l-Ministru għall-Protezzjoni Ambjentali u għall-Enerġija Tomislav Ćorić, il-Prefett tal-Kontea ta' Šibenik-Knin Goran Pauk, il-Prefett tal-Kontea ta' Split-Dalmazja Blaženko Boban, is-Sindku ta' Knin Marko Jelić, kif ukoll iċ-ċittadini, ir-rappreżentanti tal-organizzazzjonijiet mhux governattiv u pubbliku ieħor interessat.
Il-formazzjoni karstika Dinarika hija fenomenu rikonoxxut internazzjonalment u tkopri żona ferm usa'. Ingħatat isem Dinara bħal-lokalità. Hija l-ikbar korp karstiku naturali fid-dinja, b'depożiti bi ħxuna ta' tmien kilometri u b'meded karstiċi żviluppati ferm li jinkludu l-fenomeni karstiċi kollha.
L-inħawi ta' Dinara fihom rikkezza ta' speċijiet endemiċi u fil-periklu. Il-park jospita iktar minn 1,000 speċi ta' pjanti (20 fil-mija tal-flora Kroata kollha), li minnhom 75 speċi huma speċijiet endemiċi nazzjonali. Iktar minn 20 speċi endemika ta' annimali huma magħrufa, inkluż mammiferu wieħed – il-far tal-ilma ta' Dinara. Fil-Park Naturali ta' Dinara hemm l-ogħla quċċata tar-Repubblika tal-Kroazja – Dinara, magħrufa wkoll bħala Sinjal (1,831 metru). Fit-territorju tal-Park Naturali ta' Dinara hemm 11-il żona tan-network ekoloġiku (2 żoni għall-għasafar u 9 żoni għall-ispeċijiet u għall-ħabitats), biex b'hekk 87 % tat-territorju tal-Park Naturali ta' Dinara jifforma parti min-network ekoloġiku ta' Natura 2000.[2] Il-bwar tal-ħaxix Dinariċi għoljin (rudina) huma l-iżjed ħabitat importanti tal-vipera endemika tal-muntanji (Vipera ursinii macrops) fil-Kroazja.[3]
Referenzi
[immodifika | immodifika s-sors]- ^ "Dinara postaje 12. park prirode u Hrvatskoj". Hrvatska radiotelevizija (bil-Kroat). Miġbur 2024-06-10.
- ^ Narod.hr (2021-02-06). "Dinara postala 12. park prirode u Hrvatskoj - pogledajte prizore sa zadivljujuće planine!" (bil-Kroat). Miġbur 2024-06-10.
- ^ "Park prirode Dinara". Parkovi Hrvatske (bil-Kroat). Miġbur 2024-06-10.