Oreste Chircop
| Oreste Chircop | |
|---|---|
| Ħajja | |
| Twelid | Ħamrun, 26 Lulju 1923 |
| Nazzjonalità | Malta |
| Mewt | 10 Mejju 1998 |
| Okkupazzjoni | |
| Okkupazzjoni |
kantant tal-opri attur ċinematografiku |
| Tip ta' leħen | tenur |
| Strument/i tal-mużika | vuċi |
Oreste Kirkop (twieled fis-26 ta' Lulju 1923 – miet fl-10 ta' Mejju 1998) kien tenur u attur Malti magħruf l-aktar għall-film ta' Hollywood The Vagabond King.
Karriera operistika
[immodifika | immodifika s-sors]Chircop beda l-karriera operistika tiegħu fl-1945 fir-Radio City Opera House tal-Ħamrun bil-karattru Turiddu fil-Cavalleria Rusticana.[1] Fil-ħames snin ta' wara ħadem mas-60 rwol ta' tenur, ammont li l-ebda tenur ieħor ma qabeż, f'għaxar opri differenti. Huwa kien ikanta l-opra mal-kumpaniji Taljani li kienu jiġu Malta u kanta ma' Tito Gobbi u Maria Caniglia.[2]
Fl-1950 mar l-Ingilterra u kellu partijiet ewlenin ta' tenur mal-Carl Rosa Opera Company, u wara ma' Sadler's Wells (1952) fejn għamilha ta' Turiddu, Mario Cavaradossi u Rodolfo f'Luisa Miller. Huwa deher fuq il-BBC TV bħala Canio f'Pagliacci.[3]
Fl-1954 Chircop għamel id-debutt tiegħu fir-Royal Opera House Covent Garden bħala d-Duka fir-Rigoletto u wara bħala Rodolfo f'La bohème.
The Vagabond King (1956)
[immodifika | immodifika s-sors]Paramount Pictures ta' Hollywood rabtitu b'kuntratt ta' Lm10,000 biex ikanta fil-parti ewlenija ta' François Villon f'The Vagabond King li kien ukoll l-ewwel film musical tiegħu fl-1956. Dan kien l-uniku film ta' Hollywood għal Chircop minkejja li xi kritiċi kienu wissew lil Mario Lanza, li f'dak iż-żmien kien fl-aqwa tiegħu, biex joqgħod attent minn dan ir-rivali ġdid. Oreste ħa sehem flimkien ma' Kathryn Grayson.
L-aħħar snin tal-karriera
[immodifika | immodifika s-sors]Wara The Vagabond King, Chircop kanta l-opra f'Las Vegas u fil-Hollywood Bowl u deher fuq l-NBC TV fil-produzzjonijiet ta' Madame Butterfly, La traviata u Rigoletto. Fl-1958 irritorna Covent Garden u rtira Malta fl-1960 għal raġunijiet ta' saħħa li dak iż-żmien ma ssemmewx. Sentejn qabel miet, fl-1996, Chircop ħareġ double CD album b'41 track ta' opri u kant.
Ħoloq esterni
[immodifika | immodifika s-sors]
Referenzi
[immodifika | immodifika s-sors]- ^ Maltese Biographies Of The Twentieth Century, Malta, 1997, p. 357.
- ^ "Oreste Kirkop - Tenors". Opera Vivrà (bl-Ingliż). 2016-01-21. Miġbur 2022-09-12.
- ^ KTA Productions Double CD Cover - Oreste Kirkop The Maltese Tenor-(KTA 070 & 071) Malta, 1996.