Opri Venezjani tad-Difiża bejn is-sekli 15 u 17: Stato da Terra – Stato da Mar tal-Punent
L-Opri Venezjani tad-Difiża bejn is-sekli 15 u 17: Stato da Terra – Stato da Mar tal-Punent huwa d-deżinjazzjoni uffiċjali tas-Sit ta’ Wirt Dinji transnazzjonali tal-UNESCO. Din id-deżinjazzjoni tirreferi għal sitt opri tad-difiża li nbnew mir-Repubblika ta’ Venezja fid-dominji tagħha fuq l-art (Stato da Terra) u fid-dominji tagħha fuq il-baħar (Stato da Mar).[1][2][3][4]
Sit ta’ Wirt Dinji
[immodifika | immodifika s-sors]L-Opri Venezjani tad-Difiża bejn is-sekli 15 u 17: Stato da Terra – Stato da Mar tal-Punent ġew iddiżinjati bħala Sit ta’ Wirt Dinji transnazzjonali fl-2017.[1]
Il-valur universali straordinarju tagħhom ġie rrikonoxxut abbażi ta’ żewġ kriterji tal-għażla tal-UNESCO: il-kriterju (iii) “Xhieda unika jew minn tal-inqas eċċezzjonali ta’ tradizzjoni kulturali jew ta’ ċivilizzazzjoni li għadha ħajja jew li għebet”, ladarba l-opri Venezjani tad-Difiża jipprovdu xhieda eċċezzjonali tal-kultura militari alla moderna, li evolviet fi ħdan ir-Repubblika ta’ Venezja fis-sekli 15 sa 17; u l-kriterju (iv) “Eżempju straordinarju ta’ tip ta’ bini, ta’ grupp ta’ siti jew ta’ pajsaġġ arkitettoniku jew teknoloġiku li joħroġ fid-dieher stadju/i sinifikanti fl-istorja tal-bniedem”, ladarba l-Opri Venezjani tad-difiża huma eżempju straordinarju ta’ arkitettura militari li kienet essenzjali għall-espansjoni u għall-awtorità tas-Serenissima, u li kellha influwenza fuq l-arkitettura militari madwar l-Ewropa kollha.[1]
Sitt Opri Venezjani tad-Difiża
[immodifika | immodifika s-sors]| Sit | Ritratt | Post u Koordinati |
|---|---|---|
| Il-Belt Iffortifikata ta’ Bergamo | 
|
Lombardia, l-Italja
45°42′12″N 9°39′49″E |
| Il-Belt Iffortifikata ta’ Peschiera del Garda | _2.jpg)
|
Veneto, l-Italja
45°26′20″N 10°41′39″E |
| Il-Belt Fortizza ta’ Palmanova | 
|
Friuli-Venezia Giulia, l-Italja
45°54′22″N 13°18′35″E |
| Is-Sistema Difensiva ta’ Zadar | 
|
Il-Kontea ta’ Zadar, il-Kroazja
44°6′42″N 15°13′49″E |
| Il-Fortizza ta’ San Nikola, f’Šibenik | 
|
Il-Kontea ta’ Šibenik-Knin, il-Kroazja
43°43′17″N 15°51′17″E |
| Il-Fortifikazzjonijiet ta’ Kotor | 
|
Il-Muniċipalità ta’ Kotor, il-Montenegro
42°25′25″N 18°46′19″E |
Referenzi
[immodifika | immodifika s-sors]- ^ a b ċ Centre, UNESCO World Heritage. "Venetian Works of Defence between the 16th and 17th Centuries: Stato da Terra – Western Stato da Mar". UNESCO World Heritage Centre (bl-Ingliż). Miġbur 2021-03-22.
- ^ "Venetian Works of Defence". Italian Tourism Official Website (bl-Ingliż). 2017-09-28. Arkivjat minn l-oriġinal fl-2021-05-07. Miġbur 2021-03-22.
- ^ "The Venetian Works of Defence between the 16th and 17th Centuries". This is the Croatia Tourism website! (bl-Ingliż). Miġbur 2021-03-22.
- ^ “The Venetian Works of Defence between 15th and 17th centuries” (PDF)