Opossum bugeddum skur

Opossum bugeddum skur
Stat ta' konservazzjoni
Riskju minimu  (IUCN 3.1)
Klassifikazzjoni xjentifika
Phylum	Chordata
Klassi	Mammalia
Ordni	Paucituberculata
Familja	Caenolestidae
Ġeneru	Caenolestes
speċi	Caenolestes fuliginosus Tomes, 1863
Distribuzzjoni ġeografika

L-Opossum bugeddum skur (Caenolestes fuliginosus), li jsibuh ukoll bħala Opposum bugeddum tal-ħarir, huwa marsupjal żgħir li jgħix fil-foresti alpini tal-Andi. Mis-seba' speċijiet tal-ordni Paucituberculata, li għadhom ħajjin illum, dan huwa l-aktar opossum bugeddum li hu magħruf u l-aktar wieħed li hemm tagħrif u informazzjoni dwaru.

Deskrizzjoni

Din l-ispeċi hija simili ħafna tal-ispeċi l-oħrajn li qegħdin miġburin fl-istess ġeneru (Caenolestes).

L-opossum bugeddum skur għandu l-pil fin u folt ta' lewn kannella skur li jkanġi fl-iswed fuq id-dahr, filwaqt li jiċċara ħafna fin-naħa taż-żaqq. Il-wiċċ tawwali li ġej għall-ponta mgħammar b' par għajnejn ċkejknin.

Din l-ispeċi ta' opossum bugeddum tippreżenta fiha dimorfiżmu sesswali qawwi fejn in-nisa huma ta' daqs notevolment iżgħar. It-tul tar-ras u l-ġisem huwa bejn 90 u 140 millimetru u d-denb kważi għarwien kapaċi jilħaq jew iqarreb dan it-tul ukoll. Il-piż totali ta' l-irġiel ijvarja bejn 25 u 41 gramma filwaqt il-piż tan-nisa jvarja bejn 16.5 u 22.5 grammi u ma għandhomx marsupju.

Dieta

L-Opossum bugeddum skur huwa marsupjal b'dieta karnivora li tikkonsisti minn varjetà ta' insetti u annimali vertebrati u invertebrati żgħar.

Distribuzzjoni

Id-distribuzzjoni ta' dan il-marsupjal tal-Amerika t'Isfel hija l-akbar fost l-ispeċi ta' din l-ordni. L-opossum ġurdien skur qiegħed mifrux fil-boskijiet u fil-prateriji umdi, f'altitudni bejn 1,500 u 4,000 metru, fil-Peru, l-Ekwador, il-Kolombja u l-Veneżwela, fejn jiċċaqlaq minn post għall-ieħor billi jħaffer mini taħt l-art.

Klassifikazzjoni

Opossum bugeddum skur jew Opposum bugeddum tal-ħarir hemm erba' sottospeċijiet.

• Ordni Paucituberculata
  • Familja Caenolestidae
    • Ġeneru Caenolestes
      • Speċi
      • Opossum bugeddum skur, Caenolestes fuliginosus
        • Sottospeċi
        • Caenolestes fuliginosus centralis (Tomes, 1863)
        • Caenolestes fuliginosus fuliginosus (Bublitz, 1987)
        • Caenolestes fuliginosus obscurus (Thomas, 1895)
        • Caenolestes fuliginosus tatei (Anthony, 1923)

Konservazzjoni

Din l-ispeċi, fil-lista l-ħamra tal-Unjoni Internazjonali għall-Konservazzjoni tan-Natura (IUCN red list) qiegħda mniżżla bħala fi stat ta' riskju ta' estinzjoni baxx.

Referenzi

• Wilson, D. E.; Reeder, D. M. Mammal Species of the World, 3rd edition, Johns Hopkins University Press, ISBN 0-8018-8221-4

Ħoloq esterni

• Daħla ta' Caenolestes fuliginosus fuq Animal Diversity Web
• Caenolestes fuliginosus fuq il-Lista Ħamra tal-IUCN 2007