Opossum bugeddum Peruvjan
| Opossum bugeddum Peruvjan | |
|---|---|
 | |
| Stat ta' konservazzjoni | |
 Riskju minimu (IUCN 3.1) | |
| Klassifikazzjoni xjentifika | |
| Phylum | Chordata |
| Klassi | Mammalia |
| Ordni | Paucituberculata |
| Familja | Caenolestidae |
| Ġeneru | Lestoros (en) 
|
| speċi | Lestoros inca , 1917
|
| Distribuzzjoni ġeografika | |
 | |
L-opossum bugeddum Peruvjan (Lestoros inca), jew kif isibuh ukoll opossum far tal-Inka, huwa wieħed minn sitt speċi ta' opossumi bugdiedem li għadhom ħajjin illum. Huwa pjuttost uniku wkoll fost l-ispeċi tal-ordni Paucituberculata u għalhekk qiegħed fil-ġeneru Lestoros għalih waħdu.
Deskrizzjoni
[immodifika | immodifika s-sors]L-opossum bugeddum Peruvjan għandu l-pil twil u ħafif li jista' jkun jew ta' lewn kannella skur ħafna uniformi (kullimkien) jew inkella ta' lewn kannella skur fuq id-dahr u jiċċara lejn in-naħa ta' taħt iż-żaqq. It-tul totali (ras, ġisem u denb) ivarja bejn 9 u 14-il ċentimetru, filwaqt il-piż totali huwa ta' madwar 40 gramma. In-nisa ta' dan il-marsupjal m'għandhomx marsupju u mgħammra b'erba' żejżiet.
L-opossum bugeddum Peruvjan huwa marsupjal b'dieta prinċipalment karnivora li tikkonsisti minn varjetà ta' insetti u annimali vertebrati u invertebrati żgħar, għalkemm xi fungi u ħxejjex jittieklu wkoll.
Dan jgħix qalb il-muntanji fir-reġjuni tal-Andi fil-Perù u l-Bolivja, f'altitudni bejn 2,800 u 4,000 metru 'l fuq mil-livel tal-baħar. Il-popolazzjoni residenti ta' dan il-marsupjal fil-Perù hija ħafna akbar u ħafna aktar mifruxa meta mqabbla mal-popolazzjoni żgħira fil-Bolivja.
Konservazzjoni
[immodifika | immodifika s-sors]Din l-ispeċi, għalkemm fil-Lista l-Ħamra tal-Unjoni Internazjonali għall-Konservazzjoni tan-Natura (IUCN Red List), qiegħdha mmniżżla bħala fi stat ta' riskju ta' estinzjoni baxx. Ħafna awturi jaħsbu li d-deforestazzjoni għaddejja fl-erja fejn huwa mifrux dan l-opossum bugeddum jista tkun ta' riskju kbir.
Klassifikazzjoni
[immodifika | immodifika s-sors]Bublitz fl-1987 għadda suġġeriment li jkun hemm żewġ speċi fil-ġeneru Lestoros] (Lestoros inca u Lestoros gracilis). Madanakollu, il-biċċa l-kbira tal-mammoloġisti ma jimxux ma' din il-klassifikazzjoni ta' Bublitz u jaċċettaw speċi waħda b'żewġ sottospeċi.
- Ordni Paucituberculata
- Familja Caenolestidae
- Ġeneru Lestoros
- Opossum bugeddum Peruvjan, Lestoros inca
- Sottospeċi]]
- Lestoros inca inca (Thomas, 1917)
- Lestoros inca gracilis (Bublitz, 1987)
- Opossum bugeddum Peruvjan, Lestoros inca
- Ġeneru Lestoros
- Familja Caenolestidae
Referenzi
[immodifika | immodifika s-sors]- Wilson, D. E.; Reeder, D. M. Mammal Species of the World (bl-Ingliż) (3 ed.). Johns Hopkins University Press. ISBN 0-8018-8221-4.
- Nowak, Ronald W. (1999). Walker's Mammals of the World (bl-Ingliż). Johns Hopkins University Press. ISBN 0-8018-5789-9.
Ħoloq esterni
[immodifika | immodifika s-sors]- Lestoros inca fuq il-Lista Ħamra tal-IUCN