Ġużeppi Stalin

Minn Wikipedija, l-enċiklopedija l-ħielsa
(Rindirizzat minn Josif Stalin)
Aqbeż lejn: navigazzjoni, fittex
Stalin lg zlx1.jpg

Ġużeppi Stalin (Russu: Иосиф Виссарионович Сталин) (Trażlitterazzjoni: Iosif Vissarjonoviċ Stalin), imwieled Джугашвили (Ġugaxvili), Ġjorġja:(Ioseb Jughashvili); (18 ta' Diċembru, 18785 ta' Marzu, 1953) kien l-isem li kien juża d-dittatur Komunist, Iosev Jugashvili (18 ta' Diċembru, 18785 ta' Marzu, 1953). Huwa kien it-tieni mexxej politiku tal-Unjoni Sovjetika, wara Vladimir Lenin. Stalin kien mexxej totalitarju u kkawża l-mewt ta' miljuni. Huwa beda l-verżjoni tiegħu ta' komuniżmu, l-Istaliniżmu.

Stalin ikkoopera ma' Hitler qabel it-Tieni Gwerra Dinjija u finalment, fl-1939 it-tnejn għamlu patt sabiex jieħdu l-Polonja u jaqsmuha bejniethom; din kienet kif faqqgħet it-Tieni Gwerra Dinjija.

Iżda fl-1941, Hitler dar kontra Stalin u attakka l-Unjoni Sovjetika bl-iskop li jirbaħha. Minħabba f'hekk l-Unjoni Sovjetika bdiet taħdem mal-Alleati sabiex jegħlbu l-Ġermanja. Fl-aħħar il-Ġermanja ħarġet telliefa, però l-URSS kellha l-ikbar numru ta' mwiet u feruti mill-pajjiżi kollha li ħadu sehem fil-gwerra.

Meta ntemmet it-Tieni Gwerra Dinjija, l-armata Sovjetika spiċċat tokkupa ħafna pajjiżi fl-Ewropa, bħall-Polonja, iċ-Ċekoslovakkja, l-Ungerija, u parti mill-Ġermanja, u bdiet timponi l-komuniżmu f'dawn il-pajjiżi maħkuma.

Stalin żamm il-kmand fuq l-Unjoni Sovjetika sal-mewt tiegħu. Huwa ta importanza kbira lill-militar, u ffoka l-ħin u l-enerġija kollha tar-Russja lejn il-bini ta' armi, vejikoli u forzi armati. Jingħad li Stalin seraq sigrieti nukleari mill-Amerika sabiex ikun jista' jibni l-armamenti tiegħu. Din ġabet magħha l-bidu tal-Gwerra Bierda, li baqgħet għaddejja sal-waqa' tal-Unjoni Sovjetika fl-1990.

Stalin miet b'puplesija fl-1953. Huwa ġie suċċedut minn Nikita Hruxċjov.