Isabelle Borg
| Isabelle Borg | |
|---|---|
| Ħajja | |
| Twelid | Londra, 7 Settembru 1959 |
| Mewt | Malta, 23 Settembru 2010 |
| Okkupazzjoni | |
| Okkupazzjoni | pittur |
Isabelle Borg (Londra 7 ta' Settembru 1959 - Malta 23 ta' Settembru 2010) kienet artista Ingliża-Maltija. Ix-xogħol tagħha deher f’diversi wirjiet f’Malta u internazzjonalment.
Ħajja[immodifika | immodifika s-sors]
Isabelle Borg twieldet Londra fl-1959 minn missier Malti u omm Taljana.[1] Hija studjat il-pittura fil-Camberwell School of Art, Londra, u ggradwat BA (Hons) fl-1986. Hija kisbet MA (History of Art) fl-1994 u għallmet l-arti fl-Università ta’ Malta.[2] Qattgħet perjodi ta’ ħajjitha f’Berlin u West Cork, fl-Irlanda.[3] Lejn l-aħħar tas-snin tmenin hija waqqfet il-Moviment Mara Maltija.[4]
Mewt[immodifika | immodifika s-sors]
Borg mietet f’Malta fl-2010, wara li sofriet minn fibrożi pulmonari idjopatika.[5] Qattgħet l-aħħar snin ta’ ħajjitha taħdem mill-istudjo tagħha fil-Furjana.[6] Matul l-aħħar xhur ta’ ħajjitha kienet attiva tipprotesta kontra l-awtoritajiet tal-ippjanar ta’ Malta, billi sostniet li x-xogħlijiet ta' kostruzzjoni li kienu qed isiru biswit ir-residenza tagħha kienu qed ikollhom impatt negattiv fuq il-kwalità ta' ħajjitha, qed jaggravaw il-marda il-madra li kellha u jillimitawha biex tgħix fil-kamra tas-sodda tagħha, kif ukoll kellhom impatt negattiv fuq il-wirt kulturali taż-żona.[7]
Xogħlijiet[immodifika | immodifika s-sors]
Isabelle Borg regolarment esibiet ix-xogħol tagħha kemm f'Malta kif ukoll internazzjonalment, fl-Irlanda, l-Ingilterra, u l-Ġermanja, fost pajjiżi oħra.[8] Ix-xogħol tagħha kien esebit fil-Museum of Fine Arts f’Malta u fil-Kavallier ta' San Ġakbu.[9] Hija pparteċipat f'diversi wirjiet ta' gruppi u kellha r-riċerka tagħha ppubblikata.[10] Retrospettiva tax-xogħolijiet artistiċi tagħha saret f’Malta f’Ġunju 2017.[11] Is-suġġetti tagħha kienu jinkludu pajsaġġi, astratti u ritratti.[12]
Referenzi[immodifika | immodifika s-sors]
- ^ Times of Malta Fine Arts Isabelle Borg
- ^ Lomography
- ^ Malta Today, Obituary
- ^ Times of Malta Tmut Isabelle Borg
- ^ Times of Malta Kull nifs
- ^ Times of Malta tmut Isabelle Borg
- ^ Times of Malta Artista battalja
- ^ Biografija Isabelle Borg
- ^ Times of Malta esibizzjoni Fine Arts
- ^ Malta today News Tmut Isabelle Borg
- ^ "Isabelle Borg" Kollezzjoni
- ^ Malta Today Obituary
Rabtiet esterni[immodifika | immodifika s-sors]
 |
Wikimedia Commons għandha fajls multimedjali li għandhom x'jaqsmu ma': Isabelle Borg () |