Elisabetta Canalis

Elisabetta Canalis
Ħajja
Twelid	Sassari (en) , 12 Settembru 1978 (44 sena)
Nazzjonalità	Italja
Familja
Koppja/i	Christian Vieri (en) ; Steve-O (en) ; Gabriele Muccino (en) ; George Clooney (en)
Edukazzjoni
Alma mater	Università ta’ Milan
Lingwi	Taljan
Okkupazzjoni
Okkupazzjoni	attur; art model (en) ; preżentatur televiżiv; showgirl (en) ; mudell; attur ċinematografiku; Q4009363
Piż	59 kg
Għoli	170 cm

Elisabetta Canalis (twieldet fit-12 ta' Settembru 1978) hija mudella u attriċi Taljana.

Bijografija[immodifika | immodifika s-sors]

Imwielda f'Sassari, ġewwa Sardinja, hi attendiet il-Liċeo D. A. Azuni ta' Sassari, u wara ttrasferixxiet Milan sabiex inkitbet fil-kors għad-diploma fil-Lingwi u Letteratura Barranija tal-Università Statali. Ipparteċipat f'diversi selezzjonijiet għall-għażla tal-atturi, fejn fost dawn insibu għall-film Il pesce innamorato ta' Leonardo Pieraccioni. Fl-1999, barra mill-parteċipazzjoni fit-Telegatti u pubbliċità għall-karamelli M&M's, ġiet magħżulha bħala velina għat-trażmissjoni Striscia la notizia flimkien ma' Maddalena Corvaglia, rwol li baqgħet isservi sal-2002.

Wara s-suċċess kbir tal-kalendarju 2003 għar-rivista Max, ipparteċipat fil-konduzzjoni ta' żewġ edizzjonijiet tal-programm sportiv Controcampo, fuq l-istazzjon Italia 1. Kellha sehem fit-tielet u r-raba' edizzjoni tas-serje Carabinieri.

Fl-2003, flimkien ma' Federica Fontana, ipparteċipat fil-programm komiku Ciro presenta Visitors, u sena wara f'Super Ciro, dejjem fuq Italia 1. Fl-2004, kienet protagonista tal-vidjo mużikali tal-kanzunetta ta' Biagio Antonacci, Convivendo. Sena wara, kienet protagonista, flimkien ma' Fabio De Luigi, tat-tieni staġun tas-sitcom Love Bugs, b'direzzjoni ta' Marco Limberti.

Suċċessivament, marret l-Istati Uniti biex tipparteċipa f'korsijiet tad-drama u tal-lingwa Ingliża. Dehret ukoll f'żewġ films: Deuce Bigalow: European Gigolo ta' Mike Bigelow, u Decameron Pie ta' David Leland, imma f'dawn iż-żewġ okkażjonijiet għamlet ftit aktar minn dehra waħda.

Fl-2005, ikkonduċiet għal ġimgħa l-programm Striscia la Notizia flimkien mal-eks-kollega tagħha Maddalena Corvaglia. Fl-2006, ħadet sehem fil-film Natale a New York, ta' Neri Parenti, fejn interpretat it-tifla ta' Christian De Sica.

Irritornat mal-kumpanija ta' Sandro Piccinini f'Controcampo Ultimo Minuto fil-bidu tal-istaġun 2006–07. Fl-2007 kienet ospiti fissa fil-programm tal-Gialappa's Band Mai dire Martedì, fejn assistiet fil-konduzzjoni lil Mago Forest. Barra minn hekk ippreżentat il-Festivalbar flimkien ma' Giulio Golia u Enrico Silvestrin.