Edward Sapir

Minn Wikipedija, l-enċiklopedija l-ħielsa
Jump to navigation Jump to search
Edward Sapir
Edward Sapir.jpg
president of the Linguistic Society of America (en) Translate

Ħajja
Twelid Lębork (en) Translate, 26 Jannar 1884
Nazzjonalità Stati Uniti tal-Amerka
Mewt New Haven (en) Translate, 4 Frar 1939
Edukazzjoni
Alma mater Università ta' Columbia 1909) PhD fil-filosofija
Stuyvesant High School (en) Translate
DeWitt Clinton High School (en) Translate
Direttur tat-teżi Franz Boas (en) Translate
Studenti dottorali Benjamin Lee Whorf (en) Translate
Lingwi Jiddixx
Ingliż
Għalliema Franz Boas (en) Translate
Wilhelm Wundt
Okkupazzjoni
Okkupazzjoni antropologu
lingwista
sociolinguist (en) Translate
għalliem fl-università
etnologu
Impjegaturi Università ta’ Yale
Università ta' Chicago
Premjijiet
Sħubija Akkademja Amerikana tal-Arti u tax-Xjenzi
Akkademja Nazzjonali tax-Xjenzi

Edward Sapir (twieled fis-26 ta' Jannar 1884 – miet fl-4 ta' Frar 1939) kien antropologu u lingwista Amerikan, wieħed mill-mexxejja importanti fil-lingwistika strutturali. Flimkien ma' Benjamin Whorf, hu kien il-moħħ wara li dik li illum tissejjaħ l-ipoteżi ta' Sapir-Whorf.

Ħajja u xogħol[immodifika | immodifika s-sors]

Sapir twieled f'Lauenburg, il-Prussja, fis-26 ta' Jannar 1884. Fl-1904 iggradwa mill-Università ta' Columbia, fi New York, bi grad fil-lingwi Ġermaniċi, iżda l-interessi lingwistiċi tiegħu kienu jħaddnu skopijiet ħafna usa'. Fis-sentejn li segwew għamel studji diretti fuq il-lingwi Wishram u Takelma tal-Amerikani Nattivi. Waqt li kien f'Columbia iltaqa' mal-antropologu Franz Boas, li probabbilment kienet il-persuna li l-aktar tagħtu spinta biex jistudja il-lingwi Amerikani.

Għallem fl-Università ta' Chicago u aktar tard l-Università ta' Yale, fejn laħaq kap tad-dipartiment tal-antropoloġija. Kien wieħed mill-ewwel li esplora r-relazzjonijiet bejn l-istudji lingwistiċi u l-antropoloġija. Fost l-istudenti tiegħu insibu lil-Fang-kuei Li u Benjamin Whorf.

Sapir ippropona ħarsa ġdida lejn il-lingwa fl-1921 billi sostna li l-lingwa tinfluwenza l-mod kif jaħsbu in-nies. L-idea ta' Sapir ġiet adottata fl-erbgħinijiet minn Whorf u eventwalment saret tissejjaħ l-ipoteżi ta' Sapir-Whorf.

Fl-artiklu The Psychological Reality of the Phoneme (Ir-realtà psikoloġika tal-Fonema) li ppubblika fl-1949 kien l-ewwel li sostna b'mod ċar ħafna li l-fonema, kategorija astratta ġenerali tal-ħoss, hija psikoloġikament reali u tikkategoriżża l-mod kif nagħrfu.

Fost il-lingwi Amerikani l-ispeċjalitajet tiegħu kienu il-lingwi Athabaskan. Fost il-lingwi u kulturi oħra li studja Sapir ngħoddu il-Wishram Chinook, Navajo, Nootka, Paiute, Takelma, u Yana. Għalkemm magħruf għal xogħol tiegħu fil-lingwistika Amerikana, kien produttiv ħafna f'materji tal-lingwistika ġenerali, kif naraw fil-ktieb tiegħu Language, li jipprovdi kollox, minn klassifikazzjoni tipoloġika grammatikali ta' lingwi li jkopru miċ-Ċiniż san-Nootka, sa spekulazzjonijiet fuq il-fenomenu tat-tibdil fil-lingwa (drift) u l-arbitrarjetà tal-assoċjazzjonijiet bejn il-lingwa, r-razza u l-kultura.

Sapir miet fl-4 ta' Frar 1939 b'problemi tal-qalb.

Kotba[immodifika | immodifika s-sors]

  • Wishram Texts (1909)
  • Language: An introduction to the study of speech (1921) (sors)
  • Nootka Texts (1939)

Esejs u artikli[immodifika | immodifika s-sors]

  • The Function of an International Auxiliary Language (ħolqa)
  • The problem of noun incorporation in American languages. Am. Anthropol. 13:250-82. (1911)
  • Time Perspective in Aboriginal American Culture: A Study in Method. Canada Department of Mines, Geological Survey, Memoir 90. Anthropological Series, No. 13. (1916)

Biblijografija[immodifika | immodifika s-sors]

  • Koerner, E. F. K.; Koerner, Konrad (1985). Edward Sapir: Appraisals of his life and work (bl-Ingliż). Amsterdam: John Benjamins. ISBN 978-90-272-4518-2.
  • Sapir, Edward; Darnell, Regna; Irvine, Judith T.; Handler, Richard (1999). The collected works of Edward Sapir: culture (bl-Ingliż). Berlin: Walter de Gruyter. ISBN 978-3-11-012639-6.

Ħoloq esterni[immodifika | immodifika s-sors]