Cambridge Analytica

Minn Wikipedija, l-enċiklopedija l-ħielsa
Jump to navigation Jump to search

Cambridge Analytica (CA) hija kumpanija ta' konsulenza Brittanika li tikkombina l-imminar (data mining), l-intermedjazzjoni u l-analisi tad-data b'komunikazzjoni strateġika għall-kampanja elettorali.[1][2][3]

Storja[immodifika | immodifika s-sors]

Fundazzjoni[immodifika | immodifika s-sors]

Cambridge Analytica twaqqfet fl-2013 bil-kwartieri ġenerali f'Londra.[4][5] Il-fundaturi kienu Steve Bannon u Robert Mercer li investew 15-il mijun dollaru Amerikan.[6] Skont ir-rekords tal-UK Companies House, din il-kumpanija ġiet inkorporata fis-6 ta' Jannar 2015 bl-isem ta' SCL USA Limited, li aktar tard inbidel għal Cambridge Analytica (UK) Limited.

Attivitajiet[immodifika | immodifika s-sors]

Il-Kap Eżekuttiv ta' Cambridge Analytica, Alexander Nix, f'Novembru tal-2017

Fl-2014, CA kienet involuta f'44 kampanja elettorali politika Amerikani.[7] Fl-2015, ħadmet għall-kampanja presidenzjali ta' Ted Cruz bħala kumpanija ta' analisi tad-data. Wara li l-kampanja ta' Cruz majnat, fl-2016 CA ħadmet fil-kampanja presidenzjali ta' Donald Trump u fuq il-kampanja tal-ħruġ tar-Renju Unit mill-Unjoni Ewropa, il-Brexit. Ir-rwol ta' CA f'dawn il-kampanji kien wieħed kontroversjali u huwa suġġett ta' investigazzjonijiet kriminali fiż-żewġ pajjiżi. L-esperti politiċi sfidaw l-affermazzjonijiet ta' CA fuq l-effettività tal-metodi tagħha li jimmiraw lill-votanti.[8]

Nhar is-17 ta' Marzu 2018, The New York Times u The Observer irrappurtaw fuq kif il-kampanja għamlet użu ta' informazzjoni personali ta' 50 miljun utent Amerikan miġbura minn Facebook, mingħajr permess, minn riċerkatur barrani li stqarr li kien ġabra din l-informazzjoni għal fini akkademiċi. B'risposta, Facebook issospendiet lil Cambridge Analytica talli naqset milli tħassar informazzjoni tal-utenti miksuba b'mod illiċitu.[9] Il-gazzetta The Guardian stqarret kif Facebook kienet taf diġà b'din il-vjolazzjoni ta' sigurtà minn sentejn qabel, imma m'għamlet xejn biex tipproteġi l-utenti tagħha.[10]

F'serje ta' vidjows pubblikati f'Marzu tal-2018 li saru b'kamera moħbija mingħajr l-għarfien tal-interlokuturi, urew lill-kap eżekuttiv Alexander Nix jiftaħar fuq l-użu ta' prostituti, korruzzjoni u metodi oħra sabiex jiġu skreditati membri tal-kamp oppost fuq liema kienet issir tfittxija u analisi għall-kampanji elettorali. Nix iddikjara kif il-kumpanija "kienet tmexxi l-kampanja elettorali diġitali ta' Donald Trump", inkluża l-possibilità ta' attivitajiet illegali. Il-Kummissarju għall-Informazzjoni tar-Renju Unit talab għal mandat biex issir tfittxija fuq is-servers tal-kumpanija.[11][12] Giovanni Buttarrelli, is-superviżur tal-protezzjoni tad-data tal-Unjoni Ewropea, iddeskriva dan l-avveniment ta' serq tad-data tal-utenti bħala "possibilment l-ikbar skandlu tas-seklu".[13]

Referenzi[immodifika | immodifika s-sors]

  1. ^ (Ingliż) Cambridge Analytica: What you need to know about the firm at the center of Facebook's data scandal, CNBC, 20 ta' Marzu 2018. Aċċess tal-URL: 23 ta' Marzu 2018.
  2. ^ (Ingliż) David Ingram, Factbox: Who is Cambridge Analytica and what did it do?, Reuters, 20 ta' Marzu 2018. Aċċess tal-URL: 23 ta' Marzu 2018.
  3. ^ (Ingliż) Exposed: Undercover secrets of Trump’s data firm, Channel 4 News, 20 ta' Marzu 2018. Aċċess tal-URL: 23 ta' Marzu 2018.
  4. ^ Hilary Osborne. (Ingliż) What is Cambridge Analytica? The firm at the centre of Facebook's data breach. The Guardian, 18 ta' Marzu 2018. Aċċess tal-URL: 23 ta' Marzu 2018.
  5. ^ (Ingliż) A timeline of events, CA Political, 22 ta' Marzu 2018. Aċċess tal-URL: 23 ta' Marzu 2018.
  6. ^ (Ingliż) Matthew Rosenberg, Bolton Was Early Beneficiary of Cambridge Analytica’s Facebook Data, 23 ta' Marzu 2018. Aċċess tal-URL: 23 ta' Marzu 2018.
  7. ^ (Ingliż) Frances Stead Sellers, Cruz campaign paid $750,000 to ‘psychographic profiling’ company, Washington Post, 19 ta' Ottubru 2015. Aċċess tal-URL: 21 ta' Marzu 2018.
  8. ^ (Ingliż) Angela Chen, Alessandra Potenza, Cambridge Analytica’s Facebook data abuse shouldn’t get credit for Trump, The Verge, 20 ta' Marzu 2018. Aċċess tal-URL: 21 ta' Marzu 2018.
  9. ^ (Ingliż) Elizabeth Dwoskin, Facebook bans Trump campaign's data analytics firm for taking user data, The Washington Post, 16 ta' Marzu 2018 (arkivjat mill-URL oriġinali nhar il-17ta' Marzu 2018)
    "Facebook said it was suspending the accounts of Strategic Communication Laboratories, the parent company of Cambridge Analytica, as well as the accounts of a University of Cambridge psychologist Aleksandr Kogan, and Christopher Wylie of Eunoia Technologies, Inc. Cambridge Analytica, a firm specializing in using online data to create voter personality profiles in order to target them with messages, ran data operations for Trump's presidential campaign.".
  10. ^ (Ingliż) Carole kunjom-Cadwalladr, ‘I made Steve Bannon’s psychological warfare tool’: meet the data war whistleblower, The Guardian, 18 ta' Marzu 2018. Aċċess tal-URL: 21 ta' Marzu 2018.
  11. ^ (Ingliż) Cambridge Analytica CEO ‘admits to dirty tricks’, The Week UK, 20 ta' Marzu 2018. Aċċess tal-URL: 21 ta' Marzu 2018.
  12. ^ (Ingliż) Cambridge Analytica Boasted of Disappearing Emails in Campaigns, Bloomberg, 20 ta' Marzu 2018. Aċċess tal-URL: 21 ta' Marzu 2018.
  13. ^ (Ingliż) Martin Banks, Cambridge Analytica revelations are only 'tip of the iceberg', warns EU data protection chief, The Parliament Magazine, 20 ta' Marzu 2018. Aċċess tal-URL: 24 ta' Marzu 2018.

Ħoloq esterni[immodifika | immodifika s-sors]