Opossum sufi ta' denbu għarwien

Opossum sufi ta' denbu għarwien
Stat ta' konservazzjoni
Riskju minimu  (IUCN 3.1)
Klassifikazzjoni xjentifika
Renju	Animalia
Phylum	Chordata
Klassi	Mammalia
Ordni	Didelphimorphia
Familja	Didelphidae
Ġeneru	Caluromys
speċi	Caluromys philander Linnaeus, 1758
Distribuzzjoni ġeografika

L-Opossum sufi ta' denbu għarwien, magħruf xjentifikament bħala Caluromys philander, huwa mammiferu marsupjal tal-familja Didelphidae (didelfidu), fl-ordni Didelphimorphia (didelfimorfju), nattiv tal-kontinent tal-Amerika ta' isfel u mifrux mal-Lvant kollu tal-kontinent, mil-Lvant tal-Kolombja sat-Tramuntana tal-Arġentina.

Dan huwa speċi ta' opossum sufi li ġeneralment jippreferi jgħix f' abitat ta' foresti subtropikali jew tropikali xotti, u jinsab fi stat, kemm minn dak ta' lokalment komuni, kif ukoll fi stat ta' mhux komuni f' inħawi oħrajn.

Bħal kull membru tal-ġeneru Caluromys, l-Opossum sufi ta' denbu għarwien huwa annimal strettament tas-siġar, għandu il-kwozjent tal-enċefalizazjoni (il-massa ċelebrali mmqabla fi proporzjon mal-massa tal-ġisem) ta' rata aktar għolja minn dik tal-opossumi l-oħrajn, botna iżgħar u denb twil u tqil ħafna f' aktar minn nofs it-tul kollu tiegħu.

Dieta

L-Opossum sufi ta' denbu għarwien huwa annimal omnivoru u d-dieta tikkonsisti minn frott, nettari, żrieragħ, ħxejjex, insetti u annimali vertebrati u invertebrati żgħar oħrajn.

Distribuzzjoni

Dan l-opossum sufi għandu distribuzzjoni ma' bosta pajjiżi fil-Lvant tal-kontinent tal-Amerika ta' isfel u jinsab fil-Arġentina, Brażil, Ekwador, Gujana, Gujana Franċiża, Kolombja, Surinam, Trinidad u Tobago u Venezwela (inklużi l-Antilles tal-Venezwela, il-Gżira ta' Margarita).

Klassifikazzjoni

• Ordni Didelphimorphia
  • Superfamilja Didelphoidea
    • Familja Didelphidae
      • Sottofamilja Caluromyinae
        • Ġeneru Caluromys
          • Sottoġeneru Caluromys
            • Opossum sufi ta' denbu għarwien, Caluromys philander
              • Sottospeċi
                • Caluromys philander affinis (Wagner,1842)
                • Caluromys philander dichurus (Wagner,1842)
                • Caluromys philander philander (Linnaeus,1758)
                • Caluromys philander trinitatis (Thomas,1894)

Referenzi

• Gardner, Alfred (November 16, 2005). Wilson, D. E., and Reeder, D. M. (eds) Mammal Species of the World, 3rd edition, Johns Hopkins University Press, 3-18. ISBN 0-801-88221-4
• John F. Eisenberg and Kent H. Redford, 2000. Mammals of Neotropics: Ecuador, Bolivia and Brazil.

Ħoloq Esterni

• New World Marsupial Specialist Group 1996.Caluromys philander In: IUCN 2006. 2006 IUCN Red List of Threatened Species. Downloaded on 19 January 2007.
• The Paleobiology Database.
• Tassonomija tal-Mammiferi.