Unione Politica Maltese
L-Unione Politica Maltese (bil-Malti: Unjoni Politika Maltija, bl-Ingliż: Maltese Political Union) kienet partit politiku f'Malta. Għalkemm l-ismijiet bil-Malti u bl-Ingliż kienu jintużaw kollokjalment, il-partit kien magħruf uffiċjalment bl-isem bit-Taljan
Storja[immodifika | immodifika s-sors]
Il-partit twaqqaf fl-1920 b’għaqda tal-Assoċjazzjoni Politika Maltija (magħrufa bl-isem Taljan Associazione Politica Maltese) u l-Kumitat Patrijottiku (magħruf ukoll bl-isem Taljan: Comitato Patriottico).[1] Fir-riżultat tal-elezzjonijiet tal-1921 ħareġ bħala l-akbar partit fil-Parlament u l-mexxej tiegħu Joseph Howard sar l-ewwel Prim Ministru tal-pajjiż.[1] Tnejn mill-aktar politiċi popolari fi ħdan il-partit kienu Enrico Dandria u Ignazio Panzavecchia, it-tnejn saċerdoti kattoliċi li jirrappreżentaw lill-partit fil-Parlament.
L-elezzjonijiet tal-1924 raw lill-partit inaqqas l-preżenza tiegħu fil-parlament għal għaxar siġġijiet, u kellu jifforma koalizzjoni mal- Partit Demokratiku Nazzjonalista biex jibqa’ fil-poter. Fl-1926 iż-żewġ partiti ngħaqdu biex jiffurmaw il-Partit Nazzjonalista.[1]
Fl-1947 il-Partit Azzjoni Demokratika twaqqaf bħala attentant biex jitqajjem mll-ġdid il-partit tal-Unjoni Politika Maltija.[2]
Ideoloġija[immodifika | immodifika s-sors]
Il-partit kien jagħfas l-aktar fuq l-idea ta' awto-gvern magħrufa ukoll bħala self-government. Fittex ukoll li jagħti lill-lingwa Taljana status ugwali mal-Ingliż fl-edukazzjoni. Iddefenda wkoll il-poteri tal-knisja Kattolika.[1]
Rizultati elettorali[immodifika | immodifika s-sors]
Assemblea Leġiżlattiva[immodifika | immodifika s-sors]
| Elezzjoni | Kap | Voti | % | Siġġijiet | +/– | Pożizzjoni | Status |
|---|---|---|---|---|---|---|---|
| 1921 | Joseph Howard | 7,999 | 39.07 | 14 / 32
|
- | 1 | Gvern ta' minoranza |
| 1924 | Francesco Buhagiar | 6,553 | 27.23 | 10 / 32
|
 4
|
2
|
Gvern ta' koalizzjoni |
Senat[immodifika | immodifika s-sors]
| Elezzjoni | Kap | L-ewwel preferenza | It-tieni preferenza | Siġġijiet eletti | Pożizzjoni | Status | ||
|---|---|---|---|---|---|---|---|---|
| Voti | % | Voti | % | |||||
| 1921 | Joseph Howard | 1,611 | 57.95 | 1,635 | 63.25 | 4 / 7
|
1 | Gvern |