Palazz ta' Sant'Anton

Minn Wikipedija, l-enċiklopedija l-ħielsa
Palazz ta' Sant' Anton - Attard - Malta

Il-Palazz ta' Sant'Anton huwa palazz li jinsab tista' tgħid fiċ-ċentru ta' Ħ'Attard, Malta. Hija ir-residenza uffiċjali tal-President ta' Malta, li fiha wieħed jista' jgawdi il-ġonna kemm privati kemm dawk pubbliċi ta' Sant'Anton.

Storja[immodifika | immodifika s-sors]

Dan il-palazz maestuż, illum għall-abitazzjoni tal-Presidenti ta' Malta, ġie mibni madwar l-1620 mill-Gran Mastru de Paule li kien joqgħod fih qabel ma ġie maħtur Gran Mastru. Għalkemm l-istoriċi lkoll jaqblu li dan il-palazz inbena qabel ma de Paule tela' Gran Mastru, Castagna jgħid li l-palazz sar madwar l-1625, jiġifieri sentejn wara t-tlugħ tiegħu fil-Maġistratura Calleja jgħid li nbena fl-1635. Fil-bidu tiegħu dan il-palazz kien iżgħar milli hu llum għaliex il-Gran Mastru de Paule meta sar sultan, kabbru. Dan ifisser li hemm kellu villa jew dar biss, li meta laħaq fil-Maġistratura ta' pranzu fih li kienu mistednin 600 ruħ.

Ġonna[immodifika | immodifika s-sors]

Il-ġonna ta' Sant' Anton jinkludu ukoll vaski b'papri kif ukoll ċinji

Il-ġonna ta' Sant'Anton, miftuħin għall pubbliku mill-1882, huma ġonna tista tgħid arjużi, miżrugħa b'ħafna siġar ta' kull tip u b'ħafna fjuri li jpinġu l-arja. Fost il-ħafna siġar, wieħed jista' jsib siġar li kienu ilhom hemm xi tliet sekli. Hemm numru kbir ta' larinġ kif ukoll ta' palm. Fid-diversi vaski hemm papri u ċinji, imbagħad sezzjoni mdaqqsa għal-għasafar.

Il-Palazz[immodifika | immodifika s-sors]

Is-swali tal-palazz huma kbar biżżejjed u arjużi. Fost il-Prinċipijiet Irjali li laqa' fih dan il-Palazz insibu li twieldet fih il-Prinċipessa Melita ta' Wales fl-1877-78, bint id-Duka ta' Edinburgh. Il-Gran Mastru Manoel de Vilhena ħaseb biex jibni fin-naħa ta' ġewwa qrib il-bieb ewlieni għajn li fuqha jinqara dan il-kliem minqux fl-irħam:

QUAS PROPRIAE HUC AEDIS DE PAULE ADDUXIT IN USAS COMMUNES MANOEL PROVIDUS AGIT AQUAS MDCCXXIIIC

Ħoloq esterni[immodifika | immodifika s-sors]