J.J. Cremona

Minn Wikipedija, l-enċiklopedija l-ħielsa
Jump to navigation Jump to search
J.J. Cremona
J.J. Cremona.png
Ħajja
Twelid Xagħra, 6 Jannar 1918
Nazzjonalità Malta
Mewt 24 Diċembru 2020
Edukazzjoni
Alma mater University of London
Lingwi Malti
Ingliż
Taljan
Okkupazzjoni
Okkupazzjoni imħallef

John J. Cremona (ix-Xagħra, Għawdex, 6 ta’ Jannar 1918 - 24 ta' Diċembru 2020) huwa kien ġurista u poeta Malti.

Kien ġurista fl-oqsma sew nazzjonali kemm internazzjonali u kien hu li fassal il-Kostituzzjoni ta’ Malta meta Malta kisbet l-Indipendenza mir-Renju Unit fl-1964. Kien Prim Imħallef u Viċi President tal-Qorti Ewropea għad-Drittijiet tal-Bniedem. Huwa wkoll l-awtur ta’ għadd ta’ pubblikazzjonijiet ta’ xejra kostituzzjonali, u anke kotba ta' poeżiji.

Letteratura[immodifika | immodifika s-sors]

Cremona kiteb poeżija bi tliet lingwi (Taljan, Ingliż u Malti). Il-kittieb Żebbuġi Frans Sammut, lil John J Cremona jsejjaħlu Missier il-poeżija Maltija moderna.

Cremona ħareġ seba’ kotba tal-poeżija li huma: Eliotropi , Songbook of the South, Malta Malta (bl-Ingliż fl-1992), Mas-Sebħ Għasafar (bil-Malti fl-2004), Ekwinozju (bil-Malti fl-2006), Poesie-Poems-Poeżiji (fi tliet ilsna fl-2009) u Il-Kantiku tax-Xagħra (2012).

Cremona beda l-karriera poetika tiegħu qabel il-gwerra, l-ewwel f’Malta u mbagħad f’Ruma mnejn kiseb id-Dottorat fil-Letteratura. Hemm ukoll kien jippubblika l-poeżiji tiegħu bit-Taljan f’xi wħud mill-aħjar rivisti, rebaħ darbtejn premju fil-Mostra Nazionale di Poesia Contemporanea u ġie tradott bil-Franċiż minn Jeanne Tisseau f’La Revue Nationale ta’ Brussell, li ddeskrivietu bħal wieħed mill-kapijiet tal-moviment letterarju żagħżugħ. Ta’ min jgħid li l-poeżiji tiegħu (bl-Ingliż) dehru wkoll f’xi wħud mill-aħjar rivisti Ingliżi, Awstraljani u Amerikani kif ukoll kien ġie mistieden biex ikun il-poeta li jirrappreżenta lil Malta fl-Antoloġija prestiġjuża tal-English Association, Commonwealth Poems Today, u dan lura fis-sena 1967.

Cremona kien għal bosta snin Viċi President tal-International Poetry Society tal-Ingilterra meta kellha bħala President tagħha lil Christopher Fry. Poeżija tiegħu kienet ġiet moqrija mill-Poet Laureate Ingliż Cecil Day-Lewis fl-1969, u xi snin wara, fl-1992, waħda mill-poeżiji tiegħu tal-Gwerra, li iktar tard kienet ġiet ukoll immużikata minn Charles Camilleri, kienet inqrat mir-Reġina Eliżabetta t-Tieni waqt l-Inawgurazzjoni Uffiċjali tas-Siege Bell Memorial.

Kotba dwar il-kostituzzjoni[immodifika | immodifika s-sors]

  • The Maltese Constitution And Constitutional History Since 1813, Publishers Enterprises Group (PEG), Malta, 1997, (L-ewwel pubblikazzjoni fl-1994).

ISBN:9990900868 (ISBN13: 9789990900866)

  • Malta and Britain: The Early Constitutions, Publishers Enterprises Group (PEG), Malta, 1996, ISBN:999090071X (ISBN13: 9789990900712).
  • Selected Papers, 1946-1989. By J.J. Cremona. Publishers Enterprises Group (PEG), Malta, 1990. The Cambridge Law Journal 02/1993; 52(01):183 - 184. DOI:10.1017/S0008197300017487

http://www.taktos.net/Files/Booklist.pdf

Ħajja privata[immodifika | immodifika s-sors]

Fl-1949 Cremona żżewweġ lil Beatrice Crispo-Barbaro u kellhom tlett itfal.

Huwa miet fl-24 ta' Diċembru 2020 fl-età ta' 102.[1]

Referenzi[immodifika | immodifika s-sors]

  1. ^ (en) J.J. Cremona, chief justice emeritus who drafted Maltese Constitution, dies at 102 f'MaltaToday.com.mt. Aċċess tal-URL: 2020-12-26.