Il Cartaginese

Minn Wikipedija, l-enċiklopedija l-ħielsa
Jump to navigation Jump to search
L-ewwel edizzjoni ta' Il Cartaginese

Il Cartaginese kienet gazzetta ppubblikata fil-protettorat Ingliż ta' Malta bejn l-1804 u l-1805.[1] Matul dawk is-snin, kienet l-unika pubblikazzjoni perjodika f'Malta. Il Cartaginese kienet preċeduta minn L'Argo (1804) u kienet segwita mill-Giornale di Malta (1812–1813).

L-edituri tal-gazzetta kienu Vittorio Barzoni u Gavino Bonavita, u kienet tiffoka fuq aħbarijiet barranin. Il-pubblikazzjoni tagħha kienet ikkontrollata mill-gvern u kien fiha propaganda kontra l-Franċiżi. Il-gazzetta ġeneralment kien ikun fiha tmien paġni u ġieli kien ikollha suppliment. B'kollox ħarġu 15-il edizzjoni u kull waħda kellha ċirkolazzjoni ta' bejn 400 u 1000 kopja.[2] Il-gazzetta ma rnexxietx, possibilment minħabba li l-maġġoranza tal-popolazzjoni dak iż-żmien kienet illitterata.[3]

Kopji ta' din il-pubblikazzjoni jinstabu kkonservati fil-Bibljoteka Nazzjonali ta' Malta.

Referenzi[immodifika | immodifika s-sors]

  1. ^ Grima, Josepf F. (2019-09-14). "The publication of Malta's first newspaper" (bl-Ingliż). The Sunday Times of Malta. pp. 56–57.
  2. ^ Zammit, William (1994). "Printing in Malta during the British Protectorate". F' Schirò, Joseph; Sørensen, Sven; Xuereb, Paul (ed.). Liber amicorum: essays on art, history, cartography and bibliography in honour of Dr. Albert Ganado (bl-Ingliż). Malta University Library. pp. 89–98. ISBN 9990946027.
  3. ^ Hough, Barry; Davis, Howard (2010). Coleridge's Laws: A Study of Coleridge in Malta (bl-Ingliż). Tradott minn Davis, Lydia. OpenBook Publishers. p. 155. ISBN 9781906924133.