Aqbeż għall-kontentut

Gregorio Carafa

Minn Wikipedija, l-enċiklopedija l-ħielsa
Gregorio Carafa
Gran Mastru tal-Ordni ta' San Ġwann ta' Ġerusalemm

1680 - 1690
← Nicolás Cotoner - Adrien de Wignacourt →
arċisqof

Ħajja
Twelid Napli, 17 Marzu 1615
Mewt Valletta, 21 Lulju 1690
Familja
Aħwa
uri
Tribù Dar ta' Carafa
Okkupazzjoni
Okkupazzjoni patri ġellied
filosofu

Gregorio Carafa (17 ta’ Marzu 1615 – 21 ta’ Lulju 1690) kien nobbli mid-Dar ta' Carafa u l-61 Gran Mastru tal-Ordni ta’ San Ġwann, mill-1680 sa mewtu fl-1690.

Ħajja bikrija

[immodifika | immodifika s-sors]

Carafa twieled fis-17 ta’ Marzu 1615 f’Castelvetere (il-lum Caulonia)[1][2][3][4] fil-Kalabrija, l-Italja minn Girolamo, Prinċep ta’ Roccella u Diana Vittori, in-neputija tal-Papa Pawlu IV. Ħu kien il-Kardinal Carlo Carafa della Spina.[5]

Ġie ingaġġat mal-Ordni ta’ San Ġwann meta kellu biss tliet xhur, f’Ġunju tal-1615. Studja f’Napli, u diversi dinjitarji u kavallieri tal-Ordni taw sehemhom fl-edukazzjoni tiegħu. Fl-1635 mar il-Katalunja ma’ zijuh Francesco Carafa, il-Pirjol ġenerali ta’ Roccella. Carafa ma damx ma ġie promoss għal Kavallier tal-Ordni, u ġie eventwalment għall-Pirjol ġenerali tar-Rocella wara li miet zijuh.[6]

Fl-1647, kien involut fir-rewwixta ta’ Masaniello li fiha pprova jġib il-paċi u l-ordni f’Napli. Wara t-telfa tar-ribelli f’Napli, intbagħat il-Kalabrija biex irażżan ir-rewwixta hemmhekk. Dawn il-ġrajjiet wasslu biex jiġi promoss mill-ġdid u ngħata kmand tal-flotta tal-Ordni.[6]

Fl-1656, hu kmanda s-7 xwieni Maltin fil-Battalja tad-Dardanelli. F’din il-battalja, il-flotta konġunta Venezjana-Maltija kienet rebbieħa, u bħala premju, Malta rċeviet 11-il bastiment Ottoman maqbud. Din il-battalja kienet telfa navali akbar għall-Ottomani mill-Battalja ta' Lepanto.[7]

Wara l-battalja rebbieħa ġie milqugħ f’Malta bħala eroj. Sussegwentement huwa ħa lura l-artijiet mistagħdra ta’ Bormla u saħħaħ il-flotta tal-Ordni.[6]

Maġistratura

[immodifika | immodifika s-sors]

Fl-1682, ġie elett Gran Mastru tal-Ordni wara l-mewt ta' Nicolas Cotoner. Fl-istess sena li sar Gran Mastru, Carafa ħallas għar-rinnovament tal-Berġa tal-Italja. Il-faċċata reġgħet inbniet fi stil Barokk, u tpoġġa bust tal-bronż ta’ Carafa f’pożizzjoni prominenti fuq il-bieb ta’ barra tal-Berġa. L-arma personali tiegħu kienet ukoll skolpita qrib il-bust.[8]

Mill-1681 'il quddiem, il-Forti Sant' Anġlu ġie msaħħaħ u mibni mill-ġdid mill-perit Carlos de Grunenbergh, fuq talba ta' Carafa. Isem Carafa jidher fuq il-plakka ta’ fuq il-bieb prinċipali tal-forti.

Matul ir-renju tiegħu, il-flotta tal-Ordni kienet fl-aqwa tagħha, b’kċejjen immexxija minn kavallieri u mħaddma minn ekwipaġġi ta’ esperjenza. Billi kien jibża’ minn attakk Ottoman, fl-1687 Carafa saħħaħ il-Forti Sant’Iermu billi bena sensiela ta’ fortifikazzjonijiet magħrufa bħala l-Sur ta' Carafa fuq ix-xatt ta’ madwar il-fortizza.[9]

Il-Karti tal-Logħob iddaħħlu f’Malta għall-ewwel darba matul ir-renju tiegħu.[10]

Carafa miet fil-21 ta' Lulju 1690 u warajh laħaq Adrien de Wignacourt. Huwa midfun fil-Kappella tal-Lingwa tal-Italja tal-Kon-Katidral ta' San Ġwann fil-Belt Valletta, Malta.

  • Coat of arms of Carafa from a demolished building, now located at Auberge d'Italie
    Armi ta' Carafa minn bini mwaqqa', issa qiegħed fil-Berġa tal-Italja
  • Bronze bust of Carafa at Auberge d'Italie
    Bust tal-bronż ta' Carafa fil-Berġa tal-Italja
  • Plaque at Fort Saint Angelo making a reference to Carafa
    Plakka fil-Forti Sant'Anġluli tagħmel referenza għal Carafa
  • Carafa Enceinte at Fort Saint Elmo
    Is-Sur ta' Carafa fil-Forti Sant Iermu
  • Tomb of Carafa at the St. John's Co-Cathedral
    Qabar ta' Carafa fil-Kon-Katidral ta’ San Ġwann

Referenzi

[immodifika | immodifika s-sors]
  1. ^ "ROCCELLA IONICA: 400' ANNIVERSARIO DI GREGORIO CARAFA, IL MAESTRO DI CASTELVETERE CHE PORTO' LA CALABRIA NEL MONDO - TELEMIA - Emittente Televisiva". Arkivjat minn l-oriġinal fl-2015-09-24. Miġbur 2015-08-23.
  2. ^ "Roccella celebra i 400 anni della nascita di Gregorio Carafa". 12 May 2015. Arkivjat minn l-oriġinal fl-4 March 2016. Miġbur 8 January 2024.
  3. ^ "Comune Roccella Jonica - Sito Istituzionale del Comune - Presentato il programma delle manifestazioni in onore di Gregorio Carafa". Arkivjat minn l-oriġinal fl-2016-12-30. Miġbur 2024-01-08.
  4. ^ "Roccella J. (RC): Al via celebrazioni in onore di Gregorio Carafa". Arkivjat minn l-oriġinal fl-2024-01-08. Miġbur 2024-01-08.
  5. ^ "The Grand Masters of the XVIIth century". A Rome Art Lover. Miġbur 12 October 2014.
  6. ^ a b ċ Bertoni, Luisa (1976). Dizionario Biografico degli Italiani (bit-Taljan).
  7. ^ Setton, Kenneth Meyer (1991). Venice, Austria, and the Turks in the Seventeenth Century. DIANE Publishing. pp. 182–183. ISBN 0871691922.
  8. ^ "The Auberge d'Italie". Malta Tourism Authority. Arkivjat minn l-oriġinal fl-5 September 2015. Miġbur 12 October 2014.
  9. ^ "Fort St. Elmo" (PDF). Heritage Malta. Arkivjat minn l-oriġinal (PDF) fl-6 December 2013.
  10. ^ Bonello, Giovanni (2005). "Maltese Playing Card Makers 1694–1750" (PDF). The Playing Card: Journal of the International Playing Card Society (bl-Ingliż). 13: 3: 191–197. Arkivjat mill-oriġinal fl-2005-04-29. Parametru mhux magħruf |access-date= injorat (għajnuna)Manutenzjoni CS1: BOT: url-oriġinali status mhux magħruf (link)

Ħoloq esterni

[immodifika | immodifika s-sors]
Predeċessur
Nicolas Cotoner 		Gran Mastru tal-Ordni ta' San Ġwann
1680–1690

Suċċessur
Adrien de Wignacourt

Miksub minn "https://mt.wikipedia.org/w/index.php?title=Gregorio_Carafa&oldid=317226"