Ene Ergma
Ene Ergma (imwielda fid-29 ta' Frar 1944, f'Rakvere) hija politika Estonjana, membru tar-Riigikogu (parlament Estonjan) u xjentista. Kienet membru tal-partit politiku tal-Unjoni ta’ Pro Patria u Res Publica u, qabel ma ngħaqdu ż-żewġ partiti, kienet membru tal-Partit Res Publica. Fl-1 ta' Ġunju 2016, Ergma ħabbret ir-riżenja tagħha mill-partit, minħabba li l-partit tilef l-identità tiegħu u kien populist. [1]
Edukazzjoni u karriera xjentifika[immodifika | immodifika s-sors]
Ergma rċeviet il-lawrija cum laude tagħha (ekwivalenti BSc/MSc) fl-astronomija u dottorat fil-fiżika u l-matematika minn Lomonosov Moscow State University, u l-awrija DSc mill-Istitut tar-Riċerka Spazjali, Moska. Qabel ma daħlet fil-politika hija ħadmet bħala professur tal-astronomija fl- Università ta' Tartu, l-Estonja (mill-1988). Fl-1994, ġiet eletta fl-Akkademja tax-Xjenzi Estonjana. Ħafna mir-riċerka xjentifika tagħha saret dwar l-evoluzzjoni tal-oġġetti kompatti (bħal dwar nani bojod u stilel tan-newtroni) u wkoll tifqigħ tar-raġġi gamma.
Karriera politika[immodifika | immodifika s-sors]
Minn Marzu 2003 sa Marzu 2006, Ergma kienet l-Ispeaker tar-Riigikogu. Minn Marzu 2006 sa April 2007, hija kienet it-tieni Viċi President tar-Riigikogu. Fit-2 ta’ April 2007 hija ġiet eletta mill-ġdid bħala l-Ispeaker tar-Riigikogu u żammet il-kariga sa Marzu 2014. [2]
Hija l-president tal-Kumitat tar-Riċerka Spazjali tar-Riigikogu. [3]